ព្រឹត្តិការណ៍ - នយោបាយ នយោបាយ

13/01/2026 - 17:01

ម្ចាស់ឆ្នោតស្នើផ្សព្វផ្សាយព្រមៗគ្នា ប្រសិទ្ធភាព បណ្តាដំណោះស្រាយ បន្ថយសំរាមជ័រ

មុនសម័យប្រជុំជាប្រចាំចុងឆ្នាំ២០២៥ របស់ក្រុមប្រឹក្សាប្រជាជនទីក្រុងកឹងធើ អាណត្តិកាល ២០២១ -២០២៦ បណ្តាក្រុមតំណាងក្រុមប្រឹក្សាប្រជាជនទីក្រុង បានសហការជាមួយគណៈប្រចាំការនៃគណៈកម្មាធិការរណៈសិរ្សមាតុភូមិវៀតណាមបណ្តាឃុំ សង្កាត់ចាត់តាំងដើម្បីតំណាងក្រុមប្រឹក្សាប្រជាជនទីក្រុង ជួបសំណេះសំណាលជាមួយម្ចាស់ឆ្នោតនៅបណ្តាភូមិភាគនិងកត់សំគាល់នូវសំណើរបស់ម្ចាស់ឆ្នោត។

ប្រជាជនចូលរួមបែងប្រភេទសំរាម។

ម្ចាស់ឆ្នោតឃុំផុងណឹមឆ្លុះបញ្ចាំង បណ្តាផ្នែកសមត្ថកិច្ចនិងម្ចាស់វិនិយោគគម្រោងលើកកម្ពស់ភ្លឺទំនប់ភូមិផុងហ្វា បានចលនាប្រជាជនប្រគល់ផ្ទៃដីបម្រុងដំណើរការគម្រោងនៅដើមឆ្នាំ២០២៥។ ថ្វីត្បិតដូចេ្នះ បច្ចុប្បន្នគម្រោងមិនទាន់បានផ្សព្វផ្សាយជាក់ស្តែងនៅឡើយ។ ម្ចាស់ឆ្នោតស្នើបណ្តាអង្គភាពពាក់ព័ន្ធដោះស្រាយការលំបាក កកស្ទះ ឆាប់ផ្សព្វផ្សាយអនុវត្តសម្រេចនិងដាក់ឱ្យប្រើប្រាស់។

ម្ចាស់ឆ្នោតសង្កាត់មីស្វៀង ស្នើបណ្តាផ្នែកសមត្ថកិច្ចយកចិត្តទុកដាក់បែងចែកប្រភពធនធាន និងឧបត្ថម្ភវិនិយោគសំណង់ដោះស្រាយកខ្វក់បរិស្ថាននៅព្រែកចាវ៉ា (ចំណុះមណ្ឌលហ្វាមី) និងព្រែកបាធ្វី (ចំណុះមណ្ឌលវិញស្វៀង) ព្រោះដងព្រែកទាំង២កំពុងមានស្ថានភាពកខ្វក់ធ្ងន់ធ្ងរ ជះឥទ្ធិពលផ្ទាល់ដល់ជីវភាពរបស់ប្រជាជន។

ម្ចាស់ឆ្នោតឃុំញើងមី ស្នើផ្នែកសមត្ថកិច្ចយកចិត្តទុកដាក់ឧបត្ថម្ភជំនះ៣៥កន្លែងបាក់រលេះ និងឧបត្ថម្ភរុះរើ៩គ្រួសារលើភូមិឋានឃុំដែលរងផលប៉ះពាល់ពីការបាក់រលេះទៅកន្លែងមានសុវត្ថិភាព។ ទន្ទឹមនោះស្នើទីក្រុងមានគោលការណ៍ដឹកជញ្ជូនសំរាមនៅបណ្តាវាលសំរាមចំណុះភូមិឋានស្រុកកេសាត់ (ចាស់) មករោងចក្រវិនិច្ឆ័យសំរាមប្រមូលផ្តុំរបស់ទីក្រុង បែងចែកថវិកាដើម្បីជួសជុលឡដុតសំរាមសហឃុំនៅឃុំថើយអាងហូយ។

ម្ចាស់ឆ្នោតសង្កាត់កាយរាំងឆ្លុះបញ្ចាំង សំរាមជ័រអណ្តែតលើដងព្រែកពិបាករំលាយ បង្កកខ្វក់បរិស្ថាន។ ម្ចាស់ឆ្នោតស្នើអង្គភាពសមត្ថកិច្ចផ្សព្វផ្សាយព្រមៗគ្នា មានប្រសិទ្ធភាពបណ្តាដំណោះស្រាយបន្ថយសំរាមជ័រ ជំរុញបង្វែរបច្ចេកវិទ្យាជិតស្និទ្ធនឹងបរិស្ថាននិងលើកទឹកចិត្តប្រើវត្ថុធាតុជំនួសផលិតផលជ័រប្រើម្តងចោល រួមចំណែកការពារបរិស្ថាន៕

ចន្ថា

ចែករំលែកអត្ថបទ

ពាក្យគន្លឹះ