មហាសាមគ្គីជនជាតិ ភូមិស្រុកផ្លាស់ថ្មី

07/01/2026 - 05:30

ប្រសិទ្ធភាពសេដ្ឋកិច្ចពីទម្រង់ ចម្ការ – ស្រះ –ទ្រុង

ពង្រីកប្រសិទ្ធភាពអំពីដីធ្លីនិងលក្ខណៈធម្មជាតិដែលមានស្រាប់ ទម្រង់ចម្ការ – ស្រះ – ទ្រុង របស់បងយ័ញត្វឹង នៅភូមិវិញហ្វា២ ឃុំប៊ិញអាង ខេត្តអាងយ៉ាង បាននិងកំពុងផ្ដល់ប្រសិទ្ធភាពសេដ្ឋកិច្ចជាក់ស្ដែង។

បងយ័ញត្វឹង គំរូកសិករប្រឡងប្រណាំងផលិតនិងធ្វើអាជីវកម្មពូកែ។

បច្ចុប្បន្ន គ្រួសារបងត្វឹងមានដីចម្ការ ៦ កុង ដាំដំណាំឈើហូបផ្លែផ្សេងៗ ដូចជា៖ ទឹកដោះគោ ក្រូចថ្លុង ត្របែក ខ្នុរថៃនិងក្រូចឆ្មារគ្មានគ្រាប់។ អាស្រ័យអនុវត្តត្រឹមត្រូវតាមបច្ចេកទេស ទើបចម្ការឈើហូបផ្លែរបស់បងលូតលាស់ល្អ ផ្លែស្រុះផ្ដល់ទិន្នផលលំនឹងជុំឆ្នាំ។ រដូវប្រមូលផលម្ដងៗ គ្រួសារបងអាចរកបានប្រាក់ចំណូលពី ៤០០.០០០–៥០០.០០០ ដុងក្នុងមួយថ្ងៃ រួមចំណែកធានាការចំណាយប្រចាំថ្ងៃ និងមានដើមទុនសម្រាប់ផលិតជាបន្ត។

ក្រៅពីដាំដំណាំ បងត្វឹងនៅទាំងចិញ្ចឹមត្រីបន្ថែមទៀត ស្រះចិញ្ចឹមរបស់គាត់ព្រលែងត្រីប្រមាណ ៥.០០០ ក្បាល រួមមានប្រភេទត្រីដែលមានតម្លៃសេដ្ឋកិច្ចខ្ពស់ ដូចជា៖ ត្រីត្រចៀកដំរី ត្រីប្រា និងត្រីក្រាញ់។ អាស្រ័យដោយម្ចាស់ការលើប្រភពទឹក ថែទាំត្រឹមត្រូវតាមបច្ចេកទេស និងទាញយកផលល្អពីចំណីធម្មជាតិ ចិញ្ចឹមត្រីក្នុងមួយរដូវបងត្វឹង រកបានប្រាក់ចំណេញពី ៣០–៤០ លានដុង ជួយឱ្យគ្រួសារគាត់បង្កើនប្រាក់ចំណូលប្រចាំឆ្នាំគួរឱ្យកត់សម្គាល់។

ចំពោះការចិញ្ចឹមសត្វ គ្រួសារបងត្វឹង រក្សាចំនួនជ្រូកសាច់ចាប់ពី ១០ ក្បាលឡើងទៅ មាន ពេលខ្លះអាចកើនឡើងដល់ ៥០–៧០ ក្បាល អាស្រ័យតាមលក្ខណៈអំណោយផល។ បងបានច្នៃយកអនុផលកសិកម្មដែលមានស្រាប់ធ្វើជាចំណី ដើម្បីបន្ថយចំណាយ និងបង្កើនប្រសិទ្ធភាពសេដ្ឋកិច្ច។ ក្រៅពីនេះ គ្រួសារបងនៅទាំងធ្វើស្រែ ៥ កុងបន្ថែមទៀត ដើម្បីធានាប្រភពស្បៀងប្រចាំថ្ងៃផង និងបង្កើនប្រាក់ចំណូលបន្ថែមតាមរដូវកាលផង។

បងត្វឹង ចែករំលែក៖ “អាស្រ័យទម្រង់ ចម្ការ–ស្រះ–ទ្រុង គ្រួសារខ្ញុំប្រមូលផលផ្លែឈើជាបន្ត បន្ទាប់ រីឯត្រីនិងជ្រូកក៏ធាត់ធំល្អ បង្កើនចំណូលប្រចាំឆ្នាំ បន្ថយចំណាយក្នុងការផលិត និងលំនឹងជីវភាព”។

បងត្វឹង បានឱ្យដឹងបន្ថែម គ្រួសារគាត់បានផ្នែកកសិកម្មឧបត្ថម្ភថវិកា ៤០ លានដុង ដើម្បី ដំឡើងប្រព័ន្ធស្រោចស្រពស្វ័យប្រវត្តិសម្រាប់ចម្ការឈើហូបផ្លែ។ ប្រព័ន្ធនេះមិនត្រឹមតែជួយសំចៃកម្លាំងពលកម្ម និងបន្ថយចំណាយក្នុងការផលិប៉ុណ្ណោះទេ ថែមទាំងធានាដំណាំផ្គត់ផ្គង់ទឹកបានគ្រប់គ្រាន់ ជាពិសេសក្នុងពេលដែលអាកាសធាតុរាំងស្ងួតអូសបន្លាយ។

លោក ហ្វិញថាញសើុង អនុប្រធានគណៈកម្មាធិការប្រជាជនឃុំប៊ិញអាង មានប្រសាសន៍៖ “ទម្រង់ចម្ការ–ស្រះ–ទ្រុង របស់គ្រួសារបងយ័ញត្វឹង គឺជាសក្ខីភាពយ៉ាងច្បាស់សម្រាប់ទិសដៅផលិតកសិកម្មពហុវប្បកម្ម និងចីរភាព។ ការផ្គួបផ្សំរវាងការដាំដុះ ចិញ្ចឹមសត្វនិងជលផល ព្រមទាំងការអនុវត្តវិទ្យាសាស្ត្របច្ចេកទេសទំនើបៗ បានជួយឱ្យគ្រួសារគាត់បង្កើនប្រាក់ចំ ណូល លំនឹងជីវភាព ឈានឡើងធូរធារ”។ ជាមួយសមិទ្ធផលខាងលើ បងយ័ញត្វឹង បានទទួលកិត្តិនាមជាកសិករគំរូក្នុងចលនាប្រឡង ប្រណាំងផលិតនិងធ្វើអាជីវកម្មពូកែថ្នាក់ឃុំ ឆ្នាំ២០២៤ និងថ្នាក់ស្រុក (ចាស់) ឆ្នាំ២០២៥៕

ហុងទើ-ថាច់ធី

ចែករំលែកអត្ថបទ

ពាក្យគន្លឹះ