មហាសាមគ្គីជនជាតិ ភូមិស្រុកផ្លាស់ថ្មី

07/01/2026 - 05:30

ភាពវិវត្តនៅតំបន់ជនបទវិញធ្វឹងដុង

ផ្តើមពីកម្មវិធីនិងគោលនយោបាយជាក់ស្តែង ជាច្រើនរបស់បក្ស រដ្ឋ ជាមួយនឹងការដឹកនាំយ៉ាងស្វិតស្វាញរបស់រដ្ឋអំណាចភូមិភាគ បានរួមចំណែកធ្វើឱ្យមានការវិវត្តយ៉ាងខ្លាំងសម្រាប់ជីវភាពជនជាតិភាគតិចនៅឃុំវិញធ្វឹងដុង ទីក្រុងកឹងធើក្នុងរយៈពេលកន្លង។

ដងផ្លូវគមនាគមន៍ជនបទឃុំវិញធ្វឹងដុង ទីក្រុងកឹងធើ បានវិនិយោគកសាងរឹងមាំ។

ក្នុងដំណើរទៅបំពេញការងារនាដើមឆ្នាំនៅឃុំវិញធ្វឹងដុង ទីក្រុងកឹងធើ កន្លែងមានជនរួមជាតិខ្មែររស់នៅកុះករ យើងខ្ញុំបានប្រទះឃើញការផ្លាស់ប្តូរនៅតំបន់ជនបទក្រីក្រ ផ្លូវដីភក់ជ្រាំ សាលារៀនសាងសង់បណ្តោះអាសន្នកាលពីមុន ឥឡូវនេះ បានជំនួសដោយផ្លូវកៅស៊ូរលូនស្អាត បន្ទប់រៀនរឹងមាំ សមរម្យ។ អាស្រ័យដោយកម្មវិធីគោលនយោបាយជនជាតិ បានផ្សព្វផ្សាយអនុវត្តទាន់ពេល ប្រជាជននៅឃុំវិញធ្វឹងដុង មានជីវភាពលំនឹងជាបណ្តើរៗ ឈានឡើងចាកផុតពីភាពក្រីក្រ។ តាមប្រសាសន៍លោកយ័ញដេ លេខាសាខាបក្សនិងជាប្រធានភូមិទី៨A ឃុំវិញធ្វឹងដុង អាស្រ័យមានការផ្លាស់ប្តូរថ្មីនិងគោលនយោបាយត្រឹមត្រូវរបស់បក្ស រដ្ឋ ម៉្លោះហើយ គ្រួសារជាច្រើននៅទីនេះមានជីវភាពលំនឹងជាបណ្តើរៗ។ ហេដ្ឋារចនាសម្ព័ន្ធ បានវិនិយោគ ផ្លូវគមនាគមន៍រលូន ការសិក្សា ការពិនិត្យនិងព្យាបាលជំងឺក៏មានភាពងាយស្រួលជាងមុន។

ទន្ទឹមនឹងការវិនិយោគហេដ្ឋារចនាសម្ព័ន្ធជនបទ កម្មវិធី “បំបាត់ផ្ទះបណ្តោះអាសន្ន ផ្ទះទ្រុឌទ្រោម” ក៏បានឃុំផ្សព្វផ្សាយអនុវត្តមានប្រសិទ្ធភាពទាន់ពេល ជួយជនរួមជាតិខ្មែរមានផ្ទះសម្បែងលំនឹង ស្ងប់អារម្មណ៍ពលកម្មផលិត ឈានឡើងចាកផុតពីភាពក្រីក្រ។ រំភើបចិត្តចំពោះការឧបត្ថម្ភទាន់ពេល។ អ្នកមីងធីចូវ នៅភូមិទី៨A ឃុំវិញធ្វឹងដុង ចែករំលែក៖ “បានរដ្ឋឧបត្ថម្ភសាងសង់ផ្ទះថ្មី ខ្ញុំពិតជាសប្បាយរីករាយ ឥឡូវគ្រួសារខ្ញុំមិនរស់នៅក្នុងផ្ទះស្លឹកទ្រុឌទ្រោមដូចមុន។ នាងខ្ញុំអំណរគុណចំពោះបក្សនិងរដ្ឋខ្លាំងណាស់ដែលបានយកចិត្តទុកដាក់ជួយដល់គ្រួសារខ្ញុំ ឥឡូវគ្រួសារខ្ញុំទៅធ្វើការលែងបារម្ភពីផ្ទះលេចស្រក់ពេលមានភ្លៀងម្តងៗ”។ ដោយបានដឹងថា អ្នកមីងចូវ ជាគ្រួសារក្រីក្រ គ្មានទីពឹង ជារៀងរាល់ថ្ងៃគាត់ទៅធ្វើការឈ្នួល ដាក់មងដើម្បីរកប្រាក់ចំណូលផ្គត់ផ្គង់ជីវភាពប្រចាំថ្ងៃ។ ឆ្នាំ២០២៥ បានរដ្ឋអំណាចភូមិភាគពិនិត្យជ្រើសឧបត្ថម្ភប្រាក់ ៦០ លានដុងពីកម្មវិធី “បំបាត់ផ្ទះបណ្តោះអាសន្ន ផ្ទះទ្រុឌទ្រោម” ជួយឱ្យគាត់មានផ្ទះសម្បែងនៅលំនឹងពេលចាស់ជរា។

តាមប្រសាសន៍សមមិត្ត ដាវធីឡងអាញ ប្រធានគណៈកម្មាធិការប្រជាជនឃុំវិញធ្វឹងដុង ក្រោយពីបានផ្សព្វផ្សាយអនុវត្តកម្មវិធី គោលនយោបាយរបស់បក្ស រដ្ឋ ឃើញថា ជីវភាពប្រជាជននៅក្នុងឃុំមានការផ្លាស់ប្តូរជាវិជ្ជមាន។ ហេដ្ឋារចនាសម្ព័ន្ធជនបទបានវិនិយោគកសាងរឹងមាំ។ អត្រាគ្រួសារក្រីក្រថយចុះ; គុណភាពសុខាភិបាលនិងការអប់រំបានកែលម្អរគួរឱ្យកត់សម្គាល់។ល។ សមិទ្ធផលទាំងនេះ គឺជាលទ្ធផលនៃការខិតខំប្រឹងប្រែងរបស់ទូទាំងបក្ខភាគ និងប្រជាជនទីក្រុងក្នុងរយៈពេលកន្លង។

អាស្រ័យការខិតខំប្រឹងប្រែងដោយឥតឈប់ឈរ រួមជាមួយនឹងការយកចិត្តទុកដាក់ជួយឧបត្ថម្ភរបស់បក្ស រដ្ឋ ដូច្នេះ ទើបតំបន់ជនរួមជាតិខ្មែរនៅទីក្រុងកឹងធើបន្តឈានឡើង រួមចំណែកក្នុងការអភិវឌ្ឍរួមរបស់ប្រទេសជាតិ៕

ថាញ់វ៉ាង-មុនី

ចែករំលែកអត្ថបទ

ពាក្យគន្លឹះ