កំសាន្ត រឿងពីនេះពីនោះ

03/10/2025 - 08:02

តិចនិចធ្វើឱ្យមុខម្ហូបសាច់គោមិនស្វិត

ល្ហុង ម្នាស់ ទឹកខ្មេះ ក្រូចឆ្មា ព្រមទាំងទឹកដោះគោជូរជាដើម សុទ្ធតែអាចធ្វើឱ្យសាច់គោទន់។
មនុស្សជាច្រើនមិនពេញចិត្តនឹងមុខម្ហូបសាច់គោដែលចម្អិនហើយស្វិតនោះទេ ទោះបីចម្អិនហ្មត់ចត់យ៉ាងណាក៏ដោយ។ ប្រសិនបើអ្នកដឹងតិចនិចខ្លះៗ ប្រាកដជាធ្វើម្ហូបសាច់គោទន់ឆ្ងាញ់។

តម្រូវការមុខម្ហូបប៊ីស្តិក គឺសាច់គោត្រូវទន់។ លោកអ្នកអាចអនុវត្តវិធីជាច្រើន ដើម្បីសម្រេចនូវតម្រូវការនេះដោយមិនចាំបាច់ប្រើសាច់ត្រគាកគោ។ រូបថត៖ barbecuebible

- ជ្រើសរើសសាច់គោ៖ អាស្រ័យលើមុខម្ហូបនីមួយៗ ជ្រើសរើសផ្នែកសាច់គោដែលសមស្រប។ ឧទាហរណ៍ ពេលចម្អិនប៊ីស្តិក ប្រសិនបើលោកអ្នកទិញសាច់គោវៀតណាម យកល្អគួរទិញសាច់ត្រគាកខាងក្នុង (គឺសាច់សងខាងខ្នងគោ) ប្រាកដជាទន់។ បើជាសាច់គោ អូស្ត្រាលី ឬអាមេរិក លោកអ្នកអាចជ្រើសរើសយកសាច់ត្រគាកខាងក្នុង សាច់ត្រគាកខាងក្រៅភ្លៅ ឆ្អឹងជំនី។ល។ សុទ្ធតែទន់ទាំងអស់។ ជាមួយនឹងមុខម្ហូបផ្សេង អាចចម្អិនពីប្រភេទសាច់ផ្សេងៗនៃសាច់គោ ប្រសិនចង់ឱ្យវាទន់លោកអ្នកអាចអនុវត្តវិធីផ្សេងៗដូចជា៖

- ធ្វើឱ្យទន់ដោយមានលក្ខណៈគីមី៖ បន្ថែមល្ហុងឬម្នាស់ពីរបីចំណិតដាក់ក្នុងមុខម្ហូបសាច់គោ។ ល្ហុងមានផ្ទុក enzyme ធ្វើឱ្យសាច់ទន់បែបធម្មជាតិ ហៅថា papain ចំណែកម្នាស់វិញ មាន enzyme ហៅថា bromelain។

- ធ្វើឱ្យទន់ដោយជាតិអាស៊ីត៖ ទឹកខ្មេះ ក្រូចឆ្មា ព្រមទាំងទឹកដោះគោជូរ សុទ្ធតែអាចធ្វើឱ្យសាច់ទន់បានដែរ។

- ធ្វើឱ្យទន់សាច់ដុំ៖ ប្រើកាំបិតដែកថែបកាត់សាច់។ បន្ទាប់ពីកាត់រួច លោកអ្នកអាចផ្ដាច់សរសៃដោដោយការដំ។

- កាត់សាច់៖ វិធីនេះអាចជួយឱ្យមុខម្ហូបប៊ីស្តិកទន់ជាង ពិសេសសម្រាប់សាច់ដូចជាសាច់ពន្លះឆ្អឹងជំនីគោ។ ប្រើកាំបិតមុតឆូតសាច់សងខាងឱ្យល្មម។ ការធ្វើយ៉ាងនេះជួយផ្ដាច់សរសៃសាច់ បង្កើនការស្រូបគ្រឿងទេស។ វាការពារមុខម្ហូបប៊ីស្តិកមិនឱ្យរួញនៅពេលចម្អិនផងដែរ។

- ឈប់សម្រាក៖ ចូរទុកសាច់នៅលើក្តារជ្រញ់ពីរបីនាទីមុនពេលកាត់។ ប្រការនេះធ្វើឱ្យសាច់មានពេលរក្សាជាតិទឹក។ បន្ទាប់មក កាត់ជាបន្ទះស្តើងខ្លីតាមបណ្ដោយសាច់។

- គួរទិញកាំបិតមុតកាត់សាច់គោ៖ ប្រសិនបើអនុវត្តវិធីខាងលើហើយមិនពេញចិត្ត លោកអ្នកអាចទិញកាំបិតធ្មេញរណាស្រួចទុកកាត់សាច់គោ។ វានឹងធ្វើឱ្យសាច់ទន់ជាងដែរ៕

បាវញ៉ៀង (តាម barbecuebible) - ប្រែសម្រួល៖ ទីទុយ

ចែករំលែកអត្ថបទ

ពាក្យគន្លឹះ