ព្រឹត្តិការណ៍ - នយោបាយ ព្រឹត្តិការណ៍

03/09/2025 - 22:15

ទីក្រុងកឹងធើ ចាត់តាំងពិធីជួបជុំនិងកម្មវិធីសិល្បៈ " ប្រសាសន៍របស់លោកអ៊ំហូលាន់ខ្ទរពេញផ្ទៃប្រទេស "

(កឹងធើ) - ក្នុងបរិយាកាសសប្បាយរីករាយនៃទិវាបុណ្យឯករាជ្យជាតិ រសៀលទី២ ខែកញ្ញា គណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុងកឹងធើ បានចាត់តាំងពិធីជួបជុំនិងកម្មវិធីសិល្បៈ ក្រោមប្រធានបទ “ប្រសាសន៍របស់លោកអ៊ំហូលាន់ខ្ទរពេញផ្ទៃប្រទេស” អបអរសាទរខួបអនុស្សាវរីយ៍ ៨០ឆ្នាំ បដិវត្តន៍ខែសីហាជោគជ័យ (១៩/៨/១៩៤៥ - ១៩/៨/២០២៥) និងខួបបុណ្យជាតិនៃសាធារណរដ្ឋសង្គមនិយមវៀតណាម (២/៩/១៩៤៥ - ២/៩/២០២៥)។

ថ្នាក់ដឹកនាំ អតីតថ្នាក់ដឹកនាំក្រុងនិងអ្នកតំណាងទាំងឡាយបានចូលរួមនៅសួនឧទ្យានតៃដូ
បណ្ដែតអារម្មណ៍ជាមួយបទចម្រៀង “មានអ៊ំហូ ក្នុងថ្ងៃជ័យជម្នះ”។

កម្មវិធីនេះប្រារព្ធឡើងនៅ ៣ ទីតាំងៈ សួនឧទ្យានតៃដូ (សង្កាត់ហឹងភូ) សួនឧទ្យានសា-ណ (សង្កាត់វីតឹង) និងតំបន់ទីប្រជុំជន ៥A (សង្កាត់ភូឡើយ) ហើយបានផ្សាយផ្ទាល់តាមទូរទស្សន៍របស់កាសែតនិងវិទ្យុ ទូរទស្សន៍ទីក្រុងកឹងធើ។ កម្មវិធីមានការអញ្ជើញចូលរួមរបស់ថ្នាក់ដឹកនាំនៃគណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុងកឹងធើ; បណ្ដាសមមិត្តអតីតគណៈប្រតិបត្តិការមជ្ឈិមបក្ស និងអតីតថ្នាក់ដឹកនាំទីក្រុងកឹងធើគ្រប់ជំនាន់; វីរៈអ្នកម្តាយវៀតណាម; វីរៈកងកម្លាំងប្រដាប់អាវុធប្រជាជន និងបណ្ដានាយទាហានជាន់ខ្ពស់; អ្នកតំណាងមកពីបណ្ដាខេត្ត ក្រុងនានានិងប្រជាជនយ៉ាងច្រើនកុះករ រួមទាំងភ្ញៀវទេសចរ។
* អញ្ជើញចូលរួមនៅនៃសួនឧទ្យានតៃដូ មានសមមិត្ត ដុងវ៉ាំងថាញ អនុលេខាប្រចាំការនៃគណៈកម្មាធិការបក្ស ប្រធានក្រុមប្រឹក្សាប្រជាជនទីក្រុងកឹងធើ; និងសមមិត្ត ត្រឿងកាញ់តៀង អនុលេខាគណៈកម្មាធិការបក្សទីក្រុងកឹងធើ។ ថ្លែងសុន្ទរកថាក្នុងកម្មវិធី សមមិត្ត ដុងវ៉ាំងថាញ បានសម្ដែងនូវការគោរពដឹងគុណចំពោះលោកប្រធានហូជីមិញ; ចងចាំនូវសគុណដ៏ធំធេងរបស់វីរយុទ្ធជនពលី វីរៈអ្នកម្តាយវៀតណាម យុទ្ធជនពិការ និងគ្រួសារមានសគុណចំពោះបដិវត្តន៍។ល។ ដែលបានពលីជីវិតនិងលះបង់ដ៏ធំធេងក្នុងបុព្វហេតុបដិវត្តន៍ដ៏រុងរឿងរបស់ជាតិ។
ពង្រីកស្មារតីបដិវត្តន៍ខែសីហា បក្ខភាគ រដ្ឋអំណាចនិងប្រជាជនទីក្រុងកឹងធើ សាមគ្គី ខិតខំព្យាយាមបញ្ចេញកម្លាំង ឆ្លងកាត់ការលំបាកសាកល្បង ដើម្បីអនុវត្តជោគជ័យក្នុងបុព្វហេតុឧស្សាហូបនីយកម្ម និងទំនើបភាវូបនីយកម្មប្រទេសជាតិ កសាងនិងអភិវឌ្ឍន៍ប្រកបដោយចីរភាព។ ពិសេស ចាប់ពីថ្ងៃទី១ ខែកក្កដា ឆ្នាំ២០២៥ ក្រុងកឹងធើ ខេត្តសុកត្រាំង និងខេត្តហូវយ៉ាង ត្រូវបានរួមបញ្ចូលជាទីក្រុងកឹងធើថ្មី ជាមួយនឹងគោលជំហរថ្មី ចក្ខុវិស័យថ្មី។
ក្នុងពេលខាងមុខ បក្ខភាគ រដ្ឋអំណាចនិងប្រជាជនទីក្រុងកឹងធើ នឹងបន្តអនុវត្តព្រមៗគ្នា ភារកិច្ចអភិវឌ្ឍសេដ្ឋកិច្ច-សង្គម ការពារជាតិនិងសន្តិសុខ កសាងបក្ស កសាងប្រព័ន្ធនយោបាយ។ ប្ដេជ្ញាអនុវត្តជោគជ័យនូវភារកិច្ចសំខាន់ៗ ដើម្បីកសាងទីក្រុងកឹងធើឲ្យកាន់តែស៊ីវិល័យនិងសម្បូរសប្បាយ ស័ក្ដិសមជាទីទុកចិត្តនិងក្តីរំពឹងទុករបស់បក្សនិងប្រជាជន។
នៅក្នុងពិធីនេះ តំណាងយុវជនទីក្រុង បានថ្លែងនូវការប្ដេជ្ញាចិត្តបន្តពង្រីកប្រពៃណីបដិវត្តន៍របស់ស្រុកកំណើតនិងប្រទេសជាតិ ដោយការខិតខំប្រឹងប្រែងរៀនសូត្រ ពលកម្ម កសាងទីក្រុងកឹងធើកាន់តែរីកចម្រើន។
បន្ទាប់ពីការជួបជុំ គឺជាកម្មវិធីសិល្បៈពិសេស ដោយប្រធានបទ “ប្រសាសន៍របស់លោកអ៊ំហូលាន់ខ្ទរពេញផ្ទៃប្រទេស”។ កម្មវិធីសិល្បៈនេះ រួមមាន ៣ វគ្គគឺ៖ “សំឡេងរដូវស្លឹកឈើជ្រុះខែសីហា” “ចម្រៀងអបអរសាទរប្រទេសជាតិថ្ងៃនេះ” និង “កឹងធើភ្លឺចែងចាំងតំបន់វាលរាបទន្លេគឺវឡុង”។
ការប្រគំតន្រ្តី បានរៀបចំយ៉ាងប្រុងប្រយ័ត្ននិងអស្ចារ្យ ដើម្បីបំផុសអារម្មណ៍ មោទនភាពជាតិ ទឹកចិត្តស្នេហាជាតិ និងចងចាំនូវគុណបំណាច់ដ៏ធំធេងរបស់ប្រធានហូជីមិញ និងបុព្វបុរសក្នុងបុព្វហេតុប្រយុទ្ធដើម្បីទទួលបានឯករាជ្យ និងកសាងប្រទេសជាតិ។ ក្រៅពីនេះ កម្មវិធីក៏មានឈុតសម្ដែងជាច្រើនដែលបង្ហាញពីសក្តានុពល ចំណុចខ្លាំង និងទិដ្ឋភាពអនាគតរបស់ទីក្រុងកឹងធើដូចជា៖ “បញ្ចេញអារម្មណ៍រាត្រីសា-ណ” “កឹងធើថ្ងៃថ្មី” “សែនស្រឡាញ់កឹងធើ”…។ កម្មវិធីបានទាក់ទាញទស្សនិកជនយ៉ាងច្រើនកុះករមកទស្សនានិងគាំទ្រ បង្កជាបរិយាកាសសប្បាយរីករាយ អបអរសាទរបុណ្យជាតិ ២ កញ្ញា។
* អញ្ជើញចូលរួមនៅទីប្រជុំជន ៥A សង្កាត់ភូឡើយ (ទីក្រុងកឹងធើ) មានសមមិត្ត ហូធីកឹមដាវ អនុលេខាគណៈកម្មាធិការបក្ស ប្រធានគណៈកម្មាធិការរណសិរ្សមាតុភូមិវៀតណាមទីក្រុងកឹងធើ; សមមិត្ត យឿងសាខា សមាជិកគណៈអចិន្ត្រៃយ៏បក្សទីក្រុងកឹងធើ លេខាគណៈកម្មាធិការបក្ស ប្រធានក្រុមប្រឹក្សាប្រជាជនសង្កាត់សុកត្រាំង; សមមិត្ត លីរដ្ឋា អនុប្រធានក្រុមប្រឹក្សាប្រជាជនទីក្រុងកឹងធើ; សមមិត្ត ង្វៀងវ៉ាំងគើយ អនុប្រធានគណៈកម្មាធិការប្រជាជនទីក្រុងកឹងធើ។ ព្រមទាំងកម្មាភិបាល បក្ខជននិងប្រជាជនអញ្ជើញចូលរួមយ៉ាងច្រើនកុះករ។

នេះក៏ជាឱកាសសម្រាប់អ្នកតំណាងទាំងឡាយ រំលឹកឡើងវិញនូវទំព័រប្រវត្តិសាស្ត្ររុងរឿងរបស់ជាតិ បញ្ជាក់ពីតួនាទីដឹកនាំរបស់បក្ស និងលោកប្រធានហូជីមិញ ក្នុងបុព្វហេតុប្រយុទ្ធដើម្បីទទួលបានឯករាជ្យនិងឯកភាពជាតិ។ ព្រមទាំងជាការជំរុញលើកទឹកចិត្តដល់ប្រជាជនគ្រប់ជាន់ស្រទាប់ បន្តពង្រីកស្មារតីមហាសាមគ្គី ប្ដេជ្ញាកសាងទីក្រុងកឹងធើកាន់តែស៊ីវិល័យ ទំនើប។
ដោយមានរយៈពេលប្រមាណ៩០នាទី កម្មវិធីសិល្បៈ “ប្រសាសន៍របស់លោកអ៊ំហូលាន់់ខ្ទរពេញផ្ទៃប្រទេស” រួមមាន ៣ វគ្គគឺ៖ “សេចក្តីរីករាយខែសីហា” “ស្រុកកំណើតថ្ងៃថ្មី” និង “ជំហានរឹងមាំសម្រាប់់អនាគត”។ កម្មវិធីរួមមានបទចម្រៀងនិងរបាំដ៏ពិសេសៗ អាស្រ័យដោយសិល្បករ អ្នកចម្រៀង ក្រុមរាំនិងក្រុមចម្រៀងប្រុសស្រី ចូលរួមសម្ដែង។

*នៅសួនឧទ្យានសា-ណ សង្កាត់វីតឹង ទីក្រុងកឹងធើ មានសមមិត្ត ត្រឹងវ៉ាំងហៀង អនុលេខាគណៈកម្មាធិការបក្សទីក្រុង; សមមិត្ត ម៉ាធីតើយ អនុប្រធានប្រចាំការនៃក្រុមប្រឹក្សាប្រជាជនទីក្រុង; សមមិត្ត ផាមធីភឿង ប្រធានគណៈកម្មាធិការត្រួតពិនិត្យនៃគណៈកម្មាធិការបក្សទីក្រុង; សមមិត្ត វ៉ធីមីត្រាង អនុប្រធានក្រុមប្រឹក្សាប្រជាជនទីក្រុង; សមមិត្ត ង្វៀងវ៉ាំងហ្វា អនុប្រធានគណៈកម្មាធិការប្រជាជនទីក្រុង។ល។ បានអញ្ជើញចូលរួមក្នុងការជួបជុំនិងកម្មវិធីសិល្បៈ។
ក្រោមប្រធានបទ “ប្រសាសន៍របស់លោកអ៊ំហូលាន់ខ្ទរពេញផ្ទៃប្រទេស” កម្មវិធីសិល្បៈចែកជា ៣ វគ្គ។
វគ្គទី១៖ “ជ្រោងខ្ពស់ទង់ជ័យឯករាជ្យ” បង្ហាញឡើងវិញពីការប្រយុទ្ធដើម្បីទទួលឯករាជ្យជាតិ ក្នុងនោះ មានឈុតសម្តែងដូចជា៖ បទ “អ្នកកុម្មុយនីស្តដំបូង - បក្សយើងជាព្រះអាទិត្យកំពូល” បទ “កងទ័ពវៀតណាម - ទង់ជាតិខែសីហា បទចម្រៀង “ស្ងើចសរសើរហូជីមិញ” បទចម្រៀង “ភាគខាងត្បូងតស៊ូប្រយុទ្ធ” បទចម្រៀងនិងរបាំ “ផ្លូវឆ្ពោះទៅមុខ - រំដោះឌៀងបៀង”។ វគ្គទី២៖ “ស្រស់ស្អាតណាស់មាតុភូមិយើង” ជាបទចម្រៀងបង្ហាញអត្តសញ្ញាណវប្បធម៌តំបន់ព្រែកទន្លេ ដូចជា៖ “សរសើរស្រុកកំណើតអូន” “វិលមកហូវយ៉ាងណាវិញអូន” “ហ្វូងសារិកាហូវយ៉ាង”។ វគ្គទី ៣៖ ដោយមានឈ្មោះ “វៀតណាម - យុគសម័យរុងរឿង” ជាក្តីស្រមៃអំពីការអភិវឌ្ឍព្រមៗគ្នា ភាពលេចធ្លោរបស់ទីក្រុងកឹងធើនាបច្ចុប្បន្ននិងអនាគត រួមមានកម្មវិធីសិល្បៈ ដូចជា៖ ការប្រគំតន្ត្រី “មនោសញ្ចេតនានៃដងទន្លេ” ការសម្ដែងវីយូឡុង “សួស្ដីវៀតណាម” បទចម្រៀង “មានអ្វីស្រស់ស្អាតជាងនេះទៀត” និង “ក្តីស្រមៃយុវជន” mash-up “មាតុភូមិរុងរឿង - កឹងធើក្តីស្រមៃ ឆ្ពោះទៅឆ្ងាយ”។