ព្រឹត្តិការណ៍ - នយោបាយ ព្រឹត្តិការណ៍

18/08/2025 - 14:25

មហាសន្និបាតតំណាងបក្ខភាគបណ្តាស្ថាប័នបក្សក្រុងកឹងធើ អាណត្តិកាល ២០២៥-២០៣០ ជោគជ័យល្អប្រសើរ

(CT) - បក្ខភាគ បណ្តាស្ថាប័នបក្សក្រុងកឹងធើ បានរៀបចំមហសន្និបាតតំណាង លើកទី I អាណត្តិកាល ២០២៥ -២០៣០។ មានអ្នកតំណាង១៥០ រូប តំណាងឱ្យបក្ខជន២.៤៦៥រូបនៃបក្ខភាគដែលបានកោះ អញ្ជើញចូលរួមមហាសន្និបាត។

សមមិត្តហូធីកឹមដាវ អនុលេខានៃគណៈកម្មាធិការបក្សក្រុង ប្រធានគណៈកម្មាធិការរណសិរ្សមាតុភូមិវៀតណាមក្រុង ថ្លែងចង្អុលការក្នុងមហាសន្និបាត។ រូប៖ អាញ់យ៉ុង

អនុម័តិលើសេចក្តីសម្រេចនៃមហាសន្និបាត។ រូប៖ អាញ់យ៉ុង

ចូលរួមមហាសន្និបាតមានសមមិត្ត ដុងវ៉ាន់ថាញ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុង លេខាគណៈកម្មាធិការបក្សបណ្តាស្ថាប័នបក្សក្រុង; សមមិត្ត ហូធីកឹមដាវ អនុលេខានៃគណៈកម្មាធិការបក្សក្រុង ប្រធានគណៈកម្មាធិការរណសិរ្សមាតុភូមិវៀតណាមក្រុង; បណ្តាសមមិត្តជាសមាជិកគណៈអចិន្ត្រៃយ៍នៃគណៈកម្មាធិការបក្សក្រុង; តំណាងថ្នាក់ដឹកនាំ មន្ទីរ គណៈ ផ្នែកមួយចំនួនក្នុងក្រុង។

មហាសន្និបាតបានឯកភាពវាយតម្លៃ អាណត្តិកាល ២០២០-២០២៥ គណៈកម្មាធិការបក្សគ្រប់លំដាប់ថ្នាក់ អង្គការក្នុងបក្ខភាគបណ្តាស្ថាប័នបក្សក្រុង បានដឹកនាំ ចង្អុលការមហាសន្និបាតសម្រេចបានលទ្ធផលជាវិជ្ជមាននិងគ្រប់ជ្រុងជ្រោយ។ ការងារកសាងបក្សត្រូវបានយកចិត្តទុកដាក់ពិសេស។ ការងារពិនិត្យ ពិច័យនិងអនុវត្តវិន័យក្នុងបក្ស អនុវត្តយ៉ាងម៉ឺងម៉ាត់ មានចំណុចស្នូលសំខាន់ៗ រួមចំណែកដ៏សំខាន់ក្នុងការកសាងបក្សស្អាតស្អំ រឹងមាំ។

គណៈប្រតិបត្តិការបក្ខភាគថតរូបអនុស្សាវរីយ៍នៅមហាសន្និបាត។ រូប៖ អាញ់យ៉ុង

ទន្ទឹមនឹងនោះ គណៈកម្មាធិការបក្សគ្រប់លំដាប់ថ្នាក់ អង្គការបក្សបានដឹកនាំ ចង្អុលការអនុវត្តល្អប្រសើរភារកិច្ចនយោបាយលើគ្រប់វិស័យ; ចង្អុលការដល់ស្ថាប័ន អង្គភាពអនុវត្តល្អតួនាទីធ្វើសេនាធិការ ជំនួយការនិងម្ចាស់ការស្នើគណៈកម្មាធិការបក្សក្រុង ធ្វើឱ្យទៅជាភាពជាក់ស្តែងនិងផ្សព្វផ្សាយអនុវត្តមានប្រសិទ្ធភាពនូវគោលការណ៍ គោលនយោបាយព្រមទាំងខ្លឹមសារសំខាន់ៗជាច្រើន រួមចំណែកយ៉ាងសកម្មក្នុងការអភិវឌ្ឍសេដ្ឋកិច្ច-សង្គមរបស់ក្រុង។ ព្រមជាមួយនោះ គណៈកម្មាធិការបក្សគ្រប់លំដាប់ថ្នាក់ អង្គការបក្សបានចង្អុលការដល់ស្ថាប័ន អង្គភាពក្នុងការកសាងរដ្ឋអំណាចស្អាតស្អំ បម្រើសុពលភាព ប្រសិទ្ធភាព; លើកកម្ពស់គុណភាពកងជួរកម្មាភិបាល អ្នករដ្ឋការ បុគ្គលិក; ជំរុញការកែទម្រង់រដ្ឋបាលកសាង មានការទទួលខុសត្រូវច្បាប់វិន័យ; ចង្អុលការលើកកម្ពស់គុណភាពសកម្មភាពនៃអង្គការនយោបាយ ក្នុងស្ថាប័ន អង្គភាព។

មហាសន្និបាតបានដាក់ចេញគោលដៅភាគកម្រិត ភារកិច្ចរបស់បក្ខភាគ អាណត្តិកាល២០២៥-២០៣០ ប្តេជ្ញាចិត្តកសាងបក្ខភាគស្អាតស្អំ រឹងមាំ គ្រប់ជ្រុងជ្រោយខាងនយោបាយ សតិអារម្មណ៍ សីលធម៌នៃអង្គការនិងកម្មាភិបាល; ផ្លាស់ថ្មីបែបបទថ្នាក់ដឹកនាំ តាមទិសដៅវិទ្យាសាស្ត្រទំនើបមានប្រសិទ្ធភាព លើកកម្ពស់គុណភាពធ្វើសេនាធិការនិងបម្រើ។ ផ្សារភ្ជាប់ការកសាងបក្សជាមួយនឹងអភិវឌ្ឍស្ថាប័ន អង្គភាពនិងអង្គការមហាជននានារឹងមាំ។ ជំរុញការកែទម្រង់ រដ្ឋបាលផ្លាស់ប្ដូរឌីជីថល កាត់បន្ថយប្រព័ន្ធគ្រប់គ្រង លើកកម្ពស់សុពលភាព ប្រសិទ្ធភាពដំណើរការ។

ជំនួសគណៈអចិន្ត្រៃយ៍នៃគណៈកម្មាធិការបក្សក្រុង សមមិត្តហូធីកឹមដាវ អនុលេខាគណៈកម្មាធិការបក្សក្រុង ប្រធានគណៈកម្មាធិការរណសិរ្សមាតុភូមិវៀតណាមក្រុង ថ្លែងចង្អុលការមហាសន្និបាត បានគូសបញ្ជាក់៖ បក្ខភាគបណ្តាស្ថាប័នបក្សក្រុង រក្សាមុខតំណែងតួនាទីមួយយ៉ាងពិសេសក្នុងប្រព័ន្ធនយោបាយរបស់ក្រុង; ផ្សារភ្ជាប់ជាមួយនឹងស្ថាប័ន ធ្វើសេនាធិការរបស់គណៈកម្មាធិការបក្សក្រុង; ដើរតួនាទីជាមជ្ឈមណ្ឌលសតិអារម្មណ៍-នយោបាយ មានការទទួលខុសត្រូវដោយផ្អែកខាងធ្វើសេនាធិការ កំណត់គោលនយោបាយ ធ្វើឱ្យជាក់ស្តែងនិងពិនិត្យការ អនុវត្តនូវគោលការណ៍ បទបញ្ជាសេចក្តីសម្រេចរបស់បក្ស។ គណៈប្រតិបត្តិការបក្ខភាគ គណៈអចិន្ត្រៃយ៍នៃគណៈកម្មាធិការបក្ស និងសមមិត្តម្នាក់ៗ ជាសមាជិកគណៈប្រតិបត្តិការបក្ខភាគ តែងរក្សាមុខតំណែងផ្សេងៗ ជាស្នូលក្នុងស្ថាប័ន អង្គភាពនានាថ្នាក់ក្រុង។

អាស្រ័យហេតុនោះ តាមប្រសាសន៍សមមិត្ត ហូធីកឹមដាវ ក្នុងអាណត្តិកាល២០២៥-២០៣០ បក្ខភាគគប្បីបន្តជំរុញការកសាង រៀបចំរបៀបរៀបរយបក្ស លើកកម្ពស់សមត្ថភាពថ្នាក់ដឹកនាំនិងការបញ្ចេញកម្លាំងរបស់អង្គការមូលដ្ឋានបក្ស ពង្រីកតួនាទីស្នូលខាងនយោបាយ ថ្នាក់ដឹកនាំគ្រប់ជ្រុងជ្រោយរាល់ ផ្នែកការងារ កសាងបក្ខភាគស្អាតស្អំ រឹងមាំ គំរូ។ គណៈកម្មាធិការគ្រប់លំដាប់ថ្នាក់ អង្គការបក្សនៃបក្ខភាគគប្បីអនុវត្តបានល្អលក្ខន្តិកៈធ្វើការ លក្ខន្តិកៈសហការជាមួយថ្នាក់ដឹកនាំស្ថាប័ន អង្គភាព ពិសេស គឺសហការអនុវត្តល្អលក្ខន្តិកៈប្រជាធិបតេយ្យមូលដ្ឋាន; ពង្រីកតួនាទីគំរូរបស់កម្មាភិបាល បក្ខជន ដំបូងគឺថ្នាក់គណៈកម្មាធិការបក្ស និងសមមិត្តជាលេខា គ្រប់កិច្ចការងារ។ គណៈកម្មាធិការបក្សគ្រប់លំដាប់ថ្នាក់ អង្គការបក្សនៃបក្ខភាគចង្អុលការ ស្ថាប័ន អង្គភាព អនុវត្តខ្លាំងក្លាវិទ្យាសាស្ត្របច្ចេកវិទ្យា ជំរុញផ្លាស់ប្ដូរឌីជីថលដើម្បីលើកកម្ពស់ទិន្នផល ប្រសិទ្ធភាពក្នុងការធ្វើសេនាធិការស្នើសុំគោលការណ៍ គោលនយោបាយជាយុទ្ធសាស្ត្រ សំដៅបម្រើដល់ការអភិវឌ្ឍឆាប់រហ័សនិងចីរភាពរបស់ក្រុង រួមចំណែកអនុវត្តជ័យជម្នះសេចក្តីសម្រេចនៃគណៈកម្មាធិការបក្សរបស់ផងខ្លួន និងបក្ខភាគរបស់ក្រុង។ ផ្តោតទៅលើកសាងកងជួរថ្នាក់ដឹកនាំគ្រប់គ្រងដែលមានគោលជំហនយោបាយរឹងមាំ សីលធម៌ស្អាតស្អំ មុខជំនាញពូកែ បំណិនឌីជីថលល្អ។ ចង្អុលការ ជំរុញរាល់ចលនា ប្រឡងប្រណាំងស្នេហាជាតិ រួមចំណែកអនុវត្តជ័យជម្នះភារកិច្ចនយោបាយនៅក្នុងស្ថាប័ន អង្គភាពនីមួយៗនិងក្នុងក្រុង។

សមមិត្ត ដុងវ៉ាន់ថាញ អនុលេខាអចិន្ត្រៃយ៍នៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុង អនុលេខាគណៈកម្មាធិការបក្សបណ្តាស្ថាប័នបក្សក្រុង ថ្លែងសុន្ទរកថាបិទមហាសន្និបាតបានអះអាង៖ ក្រោយពីមហាសន្និបាត គណៈប្រតិបត្តិការបក្ខភាគនឹងធ្វើឱ្យទៅជាភាពជាក់ស្តែងសេចក្តីសម្រេចមហាសន្និបាតបក្ខភាគ ឱ្យក្លាយជាកម្មវិធីនយោបាយទូទាំងវគ្គនិងរៀងរាល់ឆ្នាំ; ពង្រីកស្មារតី សាមគ្គី ខិតខំតស៊ូអនុវត្តល្អភារកិច្ចរាល់គោលដៅ ភាគកម្រិតដែលមហាសន្និបាតដាក់ចេញ។ សមមិត្តបានអំពាវនាវ ទូទាំងកម្មាភិបាល បក្ខជន អ្នករដ្ឋការ បុគ្គលិកតាមស្ថាប័ន អង្គភាពក្នុងបក្ខភាគ សាមគ្គីចិត្តមួយថ្លើមមួយ ដាស់នូវសេចក្តីប្រាថ្នា បញ្ចេញកម្លាំងអនុវត្តល្អភារកិច្ច និងអនុវត្តប្រកបដោយជោគជ័យសេចក្តីសម្រេចមហាសន្និបាតបក្ខភាគដែលបានដាក់ចេញ៕

អាញ់យ៉ុង-លីសៀ

ចែករំលែកអត្ថបទ

ពាក្យគន្លឹះ