ព្រឹត្តិការណ៍ - នយោបាយ ព្រឹត្តិការណ៍

26/05/2025 - 12:52

ជ្រើសរើសកម្មាភិបាលមានគុណសម្បត្តិ សមត្ថភាព កិត្យានុភាព សក្ដិសមនឹងភារកិច្ច ដើម្បីធ្វើកម្មាភិបាលស្នូលរបស់ក្រុង

គណៈកម្មាធិការបក្សក្រុងកឹងធើ គណៈកម្មាធិការបក្សខេត្តហូវយ៉ាងនិងគណៈកម្មាធិការបក្សខេត្តសុកត្រាំង បានរៀបចំកិច្ចប្រជុំគណៈកម្មាធិការអចិន្ត្រៃយ៍ ដើម្បីវាយតម្លៃការងារផ្សព្វផ្សាយ សហការនិងល្បឿនដំណើរការអនុវត្តគម្រោងស្តីពីការរៀបចំរួមបញ្ចូលថ្នាក់ខេត្ត ថ្នាក់ឃុំ។ នេះជាកិច្ចប្រជុំលើកដំបូងរបស់គណៈអចិន្ត្រៃយ៍នៃគណៈកម្មាធិការបក្សរបស់ភូមិភាគទាំង៣ ដើម្បីពិភាក្សានិងឯកភាពភារកិច្ចដ៏សំខាន់នេះ។

សមមិត្ត ឌោថាញប៊ិញ សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្ស ក្រុងកឹងធើ មានប្រសាសន៍ចង្អុលការក្នុងកិច្ចប្រជុំ។

គណៈអចិន្ត្រៃយ៍នៃគណៈកម្មាធិការបក្សនៃភូមិភាគទាំង៣និងគណៈចង្អុលការ បានដឹកនាំអនុវត្តគម្រោងគោលការណ៍ និងសំណុំបែបបទ ទិន្នន័យទាក់ទងនឹងអង្គការបក្ស បក្ខជននិងទិន្នន័យពាក់ព័ន្ធដល់គម្រោងបង្កើតបក្ខភាគក្រុង; កសាងគម្រោង រៀបចំប្រព័ន្ធចាត់តាំងរដ្ឋរបស់ស្ថាប័ន អង្គភាព ក្រោយពីរួមបញ្ចូលតែមួយ រួមបញ្ចូលអង្គភាពរដ្ឋបាលថ្នាក់ខេត្ត ដាក់ជូនស្ថាប័នមានសមត្ថកិច្ចពិនិត្យសម្រេច; កសាងគម្រោងបញ្ចប់ដំណើរការរបស់បក្ខភាគថ្នាក់ស្រុក បង្កើតបក្ខភាគឃុំ សង្កាត់; ដាក់ចេញផែនការធ្វើសេនាធិការគ្រោងការបុគ្គលិកសម្រាប់គណៈកម្មាធិការបក្សខេត្ត ក្រុងទាំង៣ និងគ្រោងការរៀបចំ ចាត់តាំងកម្មាភិបាលក្រោមការគ្រប់គ្រងរបស់គណៈអចិន្ត្រៃយ៍នៃគណៈកម្មាធិការបក្សខេត្ត។ មកទល់ពេលនេះ គណៈអចិន្ត្រៃយ៍នៃគណៈកម្មាធិការបក្សនៃភូមិភាគទាំង៣ និងគណៈចង្អុលការបានដឹកនាំអនុវត្តកសាងឡើងវិញនូវគ្រោងថវិកា ចំណូលចំណាយថវិការដ្ឋរបស់ខេត្ត ក្រុងទាំង៣; ការជួសជុល រៀបចំមធ្យោបាយបម្រើការងារ និងការផ្លាស់ប្ដូរទៅទីស្នាក់ការថ្មីចំពោះអង្គភាពរដ្ឋបាលថ្នាក់ឃុំ ធានាគ្រប់លក្ខខណ្ឌ ដើម្បីអង្គភាពរដ្ឋបាលថ្នាក់ឃុំ សង្កាត់ថ្មី ក្រោយពីការរួមបញ្ចូលតែមួយ រួមបញ្ចូលអង្គភាពរដ្ឋបាល ចាប់ផ្តើមដំណើរការចាប់ពីថ្ងៃទី ១ ខែកក្កដា ឆ្នាំ២០២៥។

សមមិត្ត ឌោថាញប៊ិញ លេខាគណៈកម្មាធិការបក្សក្រុងកឹងធើ មានប្រសាសន៍ចង្អុលការកិច្ចប្រជុំការរៀបចំរួមបញ្ចូលថ្នាក់ខេត្ត ថ្នាក់ឃុំនិងបង្កើតបក្ខភាគក្រុងកឹងធើ ត្រូវអនុវត្តរវៀសរវៃ ម្ចាស់ការមិនទុកឱ្យរអាក់រអួល ធានាល្បឿនដំណើរការសម្រេចបានឆាប់ បើប្រៀបធៀបនឹងរយៈពេលកំណត់ ដើម្បីលើកស្នើមជ្ឈិម។ គណៈប្រចាំការ គណៈអចិន្ត្រៃយ៍នៃគណៈកម្មាធិការបក្ស គណៈចង្អុលការនិងក្រុមការងារនៃភូមិភាគទាំង ៣ ត្រូវធ្វើការងាររៀបចំកម្មាភិបាលឱ្យបានល្អ ជៀសវាងគំនិតលម្អៀងភូមិភាគ; ជ្រើសរើសកម្មាភិបាលមានគុណសម្បត្តិ សមត្ថភាព កិត្យានុភាព សក្ដិសមនឹងភារកិច្ចដែលត្រូវបានចាត់ឱ្យធ្វើការនៅគ្រប់ស្ថាប័ន អង្គភាពក្រោយពីការរៀបចំ សំខាន់បំផុតគឺកម្មាភិបាលស្នូលរបស់ក្រុង; អនុវត្តការងារកម្មាភិបាលដោយស្មារតីអ្នកណាមិនធ្វើ ខ្វះសមត្ថភាព ត្រូវដកខ្លួនចេញទុកឱ្យអ្នកផ្សេងធ្វើ។ ពិនិត្យអ្នកដែលមានគោលបំណងចូលនិវត្តន៍មុនកំណត់ ដើម្បីដោះស្រាយតាមសេចក្តីកំណត់...។

យោងតាមគម្រោងរៀបចំអង្គភាពរដ្ឋបាលថ្នាក់ឃុំរបស់ក្រុងកឹងធើ (ថ្មី) ឆ្នាំ២០២៥ ត្រូវបានរដ្ឋាភិបាលអនុម័តិ ក្រុងកឹងធើ (ថ្មី) មានឃុំ សង្កាត់ចំនួន ១០៣ ក្នុងនោះ សង្កាត់មាន ៣១ ឃុំមាន ៧២ (កាត់បន្ថយអង្គភាពរដ្ឋបាលថ្នាក់ឃុំចំនួន១៦០)៕

កាសែតកឹងធើ-មុនី

ចែករំលែកអត្ថបទ

ពាក្យគន្លឹះ