សុខភាព - អប់រំ អប់រំ

06/05/2025 - 07:52

អភិវឌ្ឍអប់រំនៅតំបន់ជនជាតិ

ការងារអប់រំនិងលើកកម្ពស់កម្រិតប្រជាបញ្ញាក្នុងជនរួមជាតិភាគតិច តែងបានក្រុងកឹងធើយកចិត្តទុកដាក់ ដូច្នេះ គុណភាពអប់រំនៅតំបន់ដែលមានជនរួមជាតិខ្មែររស់នៅកុះករ ត្រូវបានលើកម្ពស់ដោយឥតឈប់ឈរ។

សាលាចំណេះទូទៅជនជាតិអន្តេវាសិកក្រុងកឹងធើ ទើបបង្កើនកម្រិតនិងកសាងបន្ទប់រៀនថ្មី។

តាមប្រសាសន៍លោកលីវតឹងខឿង អនុប្រធានការិយាល័យមហាផ្ទៃស្រុកថើយឡាយ ដោយបានការយកចិត្តទុកដាក់របស់ក្រុងនិងគណៈ ផ្នែកគ្រប់លំដាប់ថ្នាក់ ម៉្លោះហើយ មូលដ្ឋានសម្ភារៈសាលារៀនបម្រើដល់ការបង្រៀន និងរៀនត្រូវបានវិនិយោគទំនើប។ មកដល់ពេលនេះ សាលារៀនលើភូមិសាស្ត្រស្រុកត្រូវបានកសាងរឹងមាំ ១០០% ក្នុងនោះ មានសាលារៀន ៣៨/៤៣ បានទទួលស្គាល់សម្រេចបទដ្ឋានជាតិសម្រេច ៨៨,៣៧%។ ជារៀងរាល់ឆ្នាំ អត្រាកៀរគរកុមារចូលរៀនត្រូវតាមកម្រិតអាយុសម្រេចភាគកម្រិតនៃផែនការដាក់ចេញ ក្នុងនោះ កុមារជនជាតិភាគតិចចូលរៀនត្រូវតាមកម្រិតអាយុ មានដូច៖ ថ្នាក់មេត្តយ្យសម្រេចជាង ៩៨% បឋមសិក្សាសម្រេច ១០០% អនុវិទ្យាល័យសម្រេច ១០០% វិទ្យាល័យសម្រេច ៩៦%។

និយាយអំពីការគិតគូរសម្រាប់សិស្សជនជាតិភាគតិច លោកង្វៀងថេហៀង អនុប្រធានការិយាល័យអប់រំនិងបណ្តុះបណ្តាលស្រុកថើយឡាយ ឱ្យដឹង៖ “មិនត្រឹមតែយកចិត្តទុកដាក់ក្នុងការវិនិយោគកសាងមូលដ្ឋានសម្ភារៈ បំប៉នកងជួរគ្រូបង្រៀនប៉ុណ្ណោះទេ រៀងរាល់ឆ្នាំ ស្រុកនៅទាំងចលនាសប្បុរសជនជូនកង់រាប់រយគ្រឿង អាហារូបករណ៍ និងសិក្ខូបករណ៍ជាច្រើនដល់សិស្សជនជាតិភាគតិចដែលមានជីវភាពលំបាកលើភូមិសាស្ត្រស្រុក ដើម្បីកាត់បន្ថយចំណាយលើការសិក្សារបស់ប្អូនៗបានមួយផ្នែក”។

វាយតម្លៃអំពីគុណភាពនៃការអប់រំនៅតំបន់ជនជាតិលើភូមិសាស្ត្រក្រុង លោកង្វៀងភុកតាំង នាយករងមន្ទីរអប់រំនិងបណ្តុះបណ្តាលក្រុងកឹងធើ ឱ្យដឹង៖ ការអប់រំនៅតំបន់ជនជាតិមានការវិវឌ្ឍជាវិជ្ជមាននៅគ្រប់ផ្នែក គ្រប់កម្រិតសិក្សា។ កងជួរកម្មាភិបាល គ្រូបង្រៀននៅគ្រប់កម្រិតសិក្សាត្រូវបានពង្រឹងនិងធ្វើវិក្រឹតការកម្រិតវិជ្ជាជីវៈ ធានាគុណភាពគ្រប់ទាំងបរិមាណនិងព្រមៗ គ្នាអំពីរចនាសម្ព័ន្ធ។ ក្រុងមានកម្មាភិបាលគ្រប់គ្រងនិងគ្រូបង្រៀនជាជនជាតិភាគតិច ១២៨ នាក់។ សាលារៀនមូលដ្ឋានសម្ភារៈ ឧបករណ៍បង្រៀននិងរៀនត្រូវបានវិនិយោគកសាងនិងបំពាក់តាមទិសដៅសម្រេចបទដ្ឋាន ការងារកសាងសាលាសម្រេចបទដ្ឋានជាតិត្រូវបានយកចិត្តទុកដាក់។ កម្រិតបឋមសិក្សាមាន៣សាលាដែលបង្រៀនអក្សរខ្មែរ; សាលាចំណេះទូទៅជនជាតិអន្តេវាសិកក្រុងកឹងធើ រៀបចំបង្រៀនអក្សរខ្មែរដល់សិស្សអនុវិទ្យាល័យនិងវិទ្យាល័យ។ល។ អនុវិទ្យាល័យជូវ៉ាន់អាង និងសាលាចំណេះទូទៅ វៀត-ចិន ក៏បានរៀបចំបង្រៀនអក្សរចិនដល់សិស្ស ។ល។ មជ្ឈមណ្ឌលភាសាចិន រៀបចំបង្រៀនអក្សរចិនពេលយប់នៅសាលាចំណេះទូទៅវៀត-ចិន (គ្រឹះស្ថាន១) នៅខណ្ឌកៃរុាំងនិងមជ្ឈមណ្ឌលអប់រំជាប្រចាំក្រុង (គ្រឹះស្ថាន ២) នៅខណ្ឌនិញកេវជារៀងរាល់ឆ្នាំ នៅគ្រឹះស្ថាននីមួយៗ មានសិក្ខាកាមចូលរៀនជាង ៤០០ នាក់។ មកទល់ពេលនេះ អត្រាកៀរគរសិស្សចូលរៀនត្រូវតាមកម្រិតអាយុ ក្នុងកម្រិតបឋមសិក្សាសម្រេច ១០០% អនុវិទ្យាល័យសម្រេច ៩៦% វិទ្យាល័យសម្រេច៨១,០១%។ល។ ភាគកម្រិតដូចពោលខាងលើ សុទ្ធសឹងសម្រេចនិងសម្រេចលើសភាគកម្រិត បើប្រៀបធៀបនឹងសំណូមពររបស់ក្រុង៕

ហាថាញ-មុនី

ចែករំលែកអត្ថបទ

ពាក្យគន្លឹះ