នៅថ្ងៃទី ១៨-១១-២០១៩ រដ្ឋសភាបានចេញសេចក្តីសម្រេចចិត្តលេខ ៨៨/២០១៩/QH១៤ អនុម័តលើគ្រោងការមេសម្រាប់ដើម្បីសេដ្ឋកិច្ច-សង្គមនៅតំបន់ជនជាតិភាគតិច និង តំបន់ភ្នំដំណាក់កាល ២០២១-២០៣០។ ថ្ងៃទី ១៩-៦-២០២០ រដ្ឋសភាក៏បានចេញសេចក្តីសម្រេចចិត្តលេខ ១២០/២០២០/QH១៤ អនុម័តលើគោលការណ៍វិនិយោគកម្មវិធីទិសដៅជាតិ (MTQG) អភិវឌ្ឍន៍សេដ្ឋកិច្ច-សង្គមនៅតំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០៣០ (សេចក្តីសម្រេចលេខ១២០)។ ថ្ងៃទី ១៤-១០-២០២១ នាយករដ្ឋមន្ត្រី បានអនុម័តលើកម្មវិធីនៅក្នុងសេចក្តីសម្រេចលេខ ១៧១៩/QĐ-TTg (សេចក្តីសម្រេចលេខ ១៧១៩)…។
ស្តីពីការកំណត់គោលនយោបាយខាងលើ ក្នុងអង្គសិក្ខាសាលាផ្សព្វផ្សាយអនុវត្តកម្មវិធីនៅតំបន់វាលរាបទន្លេគឺវឡុង ខែ៤ - ២០២២ ប្រធានប្រចាំការនៃរដ្ឋសភា សមមិត្ត ត្រឹងថាញម៉ឹង បានអះអាងថា៖ កម្មវិធីបានអះអាងនូវការយកចិត្តទុកដាក់គិតគូររបស់បក្សនិងរដ្ឋ ចំពោះជនរួមជាតិភាគតិច បង្កើតចំណុចរបត់ទម្លុះទម្លាយសម្រាប់ការងារជនជាតិ និងគោលនយោបាយជនជាតិ។ នេះគឺជាកម្លាំងចលករដ៏ធំសម្រាប់ជនជាតិភាគតិចក្នុងការកាត់បន្ថយភាពក្រីក្រ អភិវឌ្ឍន៍សេដ្ឋកិច្ច-សង្គម ខិតខំឈានឡើង រួមចង្វាក់គ្នាជាមួយនឹងការអភិវឌ្ឍរួមក្នុងទូទាំងប្រទេស។
ក្រោយពីអនុវត្តជាក់ស្តែងបានជិត៥ឆ្នាំ កម្មវិធីនេះបាននិងកំពុងបន្តបញ្ជាក់ថា ត្រូវដូចការរំពឹងទុករបស់សមមិត្ត ត្រឹងថាញម៉ឹង ។
ប្រសិទ្ធភាពផ្តើមពីការកំណត់គោលនយោបាយស្របចិត្តប្រជាជនស្របចិត្តជនជាតិភាគតិច… ក្រោយពីអនុវត្តជាក់ស្តែងបានជិត៥ឆ្នាំ កម្មវិធីទិសដៅជាតិស្តីពីការអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០៣០៖ ដំណាក់កាល ទី១ ចាប់ពីឆ្នាំ ២០២១ ដល់ឆ្នាំ ២០២៥ (កម្មវិធី) បានរួមចំណែកយ៉ាងសំខាន់ក្នុងការអនុវត្តផែនការអភិវឌ្ឍន៍សេដ្ឋកិច្ច-សង្គមនៅភូមិភាគនានាតំបន់ណាមបូ។ មកទល់ពេលនេះ ជីវ ភាពសម្ភារៈ និងស្មារតីរបស់ជនរួមជាតិភាគតិចជាសារវន្តត្រូវបានលើកស្ទួយ។ មុខមាត់ជនបទនៅតំបន់ជនជាតិភាគតិចមានភាពរីកចម្រើន និងផ្លាស់ប្តូរតាមទិសដៅវិជ្ជមាន។ នេះជាលទ្ធផលគួរឱ្យរីករាយដើម្បីកម្មវិធីត្រៀមឈានចូលដំណាក់កាលថ្មី ដំណាក់កាល ២០២៦-២០៣០។
ជ្រុងមួយនៃតំបន់ជនបទនៅឃុំអូរឡឹម ស្រុកទ្រីតូង ខេត្តអាងយ៉ាង។
* តំបន់ជនរួមជាតិភាគតិចមានភាពរីកចម្រើនពីមួយថ្ងៃទៅមួយថ្ងៃ
ឆ្នាំនេះ លោក ចៅសុខសា មានអាយុ ៧០ ឆ្នាំប្លាយ។ នេះក៏ជារយៈពេលដែលលោកផ្សារភ្ជាប់ជាមួយនឹងឃុំអូរឡឹម ស្រុកទ្រីតូង ខេត្តអាងយ៉ាង - កន្លែងដែលមានប្រជាជនជាង ៩៥% ជាជនរួមជាតិខ្មែរ។ លោក ចៅសុខសា បានមានប្រសាសន៍៖ កាលពីមុន ផ្លូវថ្នល់ - ភាគច្រើនជាផ្លូវលំ អាស្រ័យប្រជាជនធ្វើដំណើរទៅមកច្រើន។ ការទៅស្រែ ទៅចម្ការ ឬលក់ដូរកសិផលរបស់ប្រជាជនវាពិបាកទៅហើយ។ ការរៀនសូត្ររបស់កូនចៅជនរួមជាតិខ្មែររឹតតែលំបាកជាងទៀត… “បច្ចុប្បន្ន ហេដ្ឋារចនាសម្ព័ន្ធគមនាគមន៍នៅតាមភូមិត្រូវបានវិនិយោគ និងសាងសង់កាន់តែសុក្រឹត សាលារៀនពីមួយថ្ងៃទៅមួយថ្ងៃកាន់តែសមរម្យ និងជ្រះស្អាត ជីវភាពរបស់ជនរួមជាតិខ្មែរពីមួយថ្ងៃទៅមួយថ្ងៃកាន់តែមានភាពប្រសើរឡើង។ នោះគឺអាស្រ័យ បក្ស និងរដ្ឋមានគោលនយោបាយវិនិយោគជាច្រើនសម្រាប់តំបន់ជនជាតិភាគតិចស្របចិត្ត ជនជាតិភាគតិច ជាច្រើនឆ្នាំមកនេះ ខ្ញុំបានប្រជាជនជឿទុកចិត្ត បោះឆ្នោតជ្រើសរើសជាអ្នកមានប្រជាប្រិយ។ អាស្រ័យហេតុនោះ ខ្ញុំតែងតែក្រើនរំលឹកដល់បងប្អូនកូនចៅជនរួមជាតិខ្មែរ ឱ្យខិតខំរៀនសូត្រ ពលកម្មផលិត ដំបូងគឺដើម្បីគិតគូរជីវភាពផ្ទាល់ខ្លួន និងគ្រួសារឱ្យបានល្អប្រសើរ។ បន្ទាប់គឺរួមចំណែកជាមួយភូមិភាគ ធ្វើឱ្យភូមិស្រុកមួយថ្ងៃកាន់តែអភិវឌ្ឍន៍” លោក ចៅ សុខសា បានចែករំលែកដូច្នេះ។
មានឱកាសបានមកកាន់តំបន់ជនជាតិភាគតិចនៅខេត្តសុកត្រាំង, ត្រាវិញ, អាងយ៉ាង, កាម៉ាវ, គៀងយ៉ាង, កឹងធើ... នឹងបានឃើញច្បាស់ ភាពពិតប្រាកដនូវអ្វីដែលលោក ចៅ សុខសា បានចែករំលែក។ នៅទីនេះ ភូមិស្រុកតភ្ជាប់ភូមិស្រុកដោយផ្លូវបេតុងទូលាយពី ៣- ៤ម; ផ្ទះសម្បែងនៅតំបន់ជនរួមជាតិពីមួយថ្ងៃទៅមួយថ្ងៃកាន់តែមានភាពសមរម្យ។ តំបន់ជនជាតិភាគតិចហាក់ដូចបានដណ្តប់អាវថ្មីដ៏ស្រស់ស្អាត និងសមរម្យ។ នេះគឺជាលទ្ធផលដែលបក្សនិងរដ្ឋ ដាក់ចេញជាច្រើនគោលការណ៍ គោលនយោបាយសម្រាប់អភិវឌ្ឍន៍សេដ្ឋកិច្ច - សង្គមនៅតំបន់ជនជាតិភាគតិច និងតំបន់ភ្នំ។ ជាពិសេស គឺការកំណត់គោលនយោបាយ ផ្សព្វផ្សាយអនុវត្តកម្មវិធីទិសដៅជាតិ ស្តីពីការ អភិវឌ្ឍសេដ្ឋកិច្ច - សង្គម នៅតំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០៣០។ ព្រោះតាមការវាយតម្លៃរបស់គណៈកម្មាធិការជនជាតិ (ចាស់) ទោះបីកម្មវិធីត្រូវបានអនុវត្តន៍ជាផ្លូវការចាប់ពីពាក់ណ្តាលចុងឆ្នាំ ២០២២ ក៏ដោយ ប៉ុន្តែជាមួយនឹងការប្តេជ្ញាចិត្តខ្ពស់ចំពោះនយោបាយ និងការខិតខំ ម្ចាស់ការរបស់មជ្ឈិម ពិសេសគឺភូមិភាគនានា តាមការប៉ាន់ស្មានដល់ចុងឆ្នាំ ២០២៤ មានភាគកម្រិតជាច្រើនត្រូវបានអនុវត្តសម្រេចលើសពីទិសដៅ ដែលបានកំណត់។ តួយ៉ាងដូចនៅណាមបូ មានដូច៖ អត្រាកាត់បន្ថយភាពក្រីក្រក្នុងជនរួមជាតិភាគតិច (សម្រេច ២,២% ក្នុងមួយឆ្នាំ) ទិសដៅគឺចំនួនឃុំ ភូមិ ចាកចេញពីភូមិសាស្រ្តលំបាកខ្លាំង (រំពឹងថា ដល់ចុងឆ្នាំ ២០២៥ សម្រេចបាន៣១ឃុំ សម្រេច ១២៤% នៃផែនការ); អត្រាឃុំដែលមានផ្លូវរថយន្តចុះដល់មជ្ឈមណ្ឌលឃុំ ត្រូវបានក្រាលកៅស៊ូ ឬចាក់បេតុង មកទល់ពេលនេះសម្រេច ១០០% (ទិសដៅ ១០០%); អត្រាភូមិដែលមានផ្លូវរឹងមាំរថយន្តចុះដល់មជ្ឈមណ្ឌលមកទល់ពេលនេះសម្រេច ៨៨.៩% រំពឹងថាដល់ដំណាច់ដំណាក់កាលនឹងសម្រេច ៩០.៣% (លើសកម្រិតបើប្រៀបនឹង៧០% ទិសដៅផែនការដែលបានប្រគល់)...
ផ្លូវគមនាគមន៍ជនបទនៅតំបន់ជនរួមជាតិខ្មែរ ឃុំហោធីគី ស្រុកថើយប៊ិញ ខេត្តកាម៉ាវ។
* ដើម្បីបន្តភាពជោគជ័យ
លោក ឡេតឹងភឿក អនុប្រធានគណៈកម្មាធិការប្រជាជនខេត្តអាងយ៉ាង បានឱ្យដឹង៖ លទ្ធផលនៃការអនុវត្តកម្មវិធីដើមឆ្នាំ ២០២៥ ខេត្តអាងយ៉ាងជាសារវន្តសម្រេច ១០០% ចំ នួនឃុំដែលមានផ្លូវក្រាលកៅស៊ូ និងបេតុងចុះទៅដល់មណ្ឌលឃុំ ភូមិ; មាន ១00% ចំនួនឃុំ មានដំណាក់សុខាភិបាល សំណង់ធារាសាស្ត្រ ស្ថានីយវិទ្យុ បណ្តាញអគ្គិសនីជាតិ ឬអគ្គិសនី ជនបទ (១០០% ចំនួនគ្រួសារមានអគ្គិសនីប្រជុំជីវភាព) ចំនួនគ្រួសារប្រើប្រាស់ទឹកស្របអនាម័យមួយថ្ងៃកាន់តែកើនឡើង សម្រេច៩៨% ... “ចាប់តាំងពីមានកម្មវិធីនេះ គណៈកម្មាធិការបក្ស និងរដ្ឋអំណាចគ្រប់លំដាប់ថ្នាក់ ចាប់ពីខេត្តដល់មូលដ្ឋានមានការផ្តុំកម្លាំង ចង្អុលការយ៉ាងជិតស្និទ្ធ គ្រប់ផ្នែកមានការសហការស្អិតល្មួតក្នុងការគិតគូរជីវភាពសម្ភារៈ ស្មារតីរបស់ជនជាតិភាគតិច។ ចាប់តាំងពីពេលនោះ ស្ថានភាពសេដ្ឋកិច្ចនៅតំបន់ជនជាតិភាគតិចមានភាពផ្លាស់ប្តូរជាវិជ្ជមាន អត្រាគ្រួសារក្រីក្រថយចុះជាលំដាប់ ជីវភាពរបស់ប្រជាជនមួយចំនួនធំជាជំហានៗបានប្រសើរឡើងជាលំដាប់” លោក ឡេតឹងភឿក ចែករំលែកដូច្នេះ។
ថ្នាក់ដឹកនាំខេត្តសុកត្រាំង ទស្សនាគម្រោង “ផលិតស្រូវគុណភាពខ្ពស់ និងកាត់បន្ថយការបញ្ចេញឧស្ម័ន” នៅសហករណ៍កសិកម្មហុឹងឡើយ ឃុំឡុងឌឹក ស្រុកឡុងភូ។
អនុវត្តកម្មវិធីនាពេលខាងមុខ ក្រុងកឹងធើ ខិតខំសម្រេចបាននូវទិសដៅដូច៖ កម្រិតរស់ នៅ និងប្រាក់ចំណូលមធ្យមភាគរបស់ជនរួមជាតិភាគតិចស្មើនឹងកម្រិតរស់នៅនិងប្រាក់ចំណូលរួមរបស់ទីក្រុង។ ដល់ឆ្នាំ ២០៣០ ជាសារវន្តគ្មាននៅគ្រួសារក្រីក្រក្នុងជនរួមជាតិភាគតិច។ ខិតខំឱ្យមាន ៨០% ចំនួនគ្រួសារជនជាតិភាគតិចប្រកបរបរកសិកម្ម និងសេវាកម្ម។ សម្រេចភាគកម្រិតដែលបានដាក់ចេញក្នុងទិសដៅជាតិស្តីពីការអភិវឌ្ឍប្រកបដោយចីរភាពដល់ឆ្នាំ២០៣០ ។ “ក្រុងបន្តលើកកម្ពស់សាមគ្គីភាព ឯកភាព ស្រុះស្រួលដើម្បីប្រមូលផ្តុំ និងពង្រីកកម្លាំងរបស់ភូមិភាគ របស់ជនរួមជាតិភាគតិច និងធ្លុងមហាសាមគ្គីទូទាំងជនជាតិ ។ ជានិច្ចកាលច្បាមខ្ជាប់នូវគោលការណ៍របស់បក្ស និងអនុវត្តម៉ឺងម៉ាត់ តាមគោលនយោបាយ ច្បាប់របស់រដ្ឋ។ ជាពិសេស ដាក់ផលប្រយោជន៍ជនជាតិជាចម្បង ក្នុងការងារដឹកនាំប្រតិបត្តិការ និងដោះស្រាយការងារ ដើម្បីការអភិវឌ្ឍនិងផលប្រយោជន៍រួម” លោក ឡេទ្រុងកៀង នាយកមន្ទីរជនជាតិ និងសាសនាក្រុងកឹងធើ បានចែករំលែកដូច្នេះ។
មតិជាច្រើនបានលើកឡើងថា ដើម្បីអនុវត្តកម្មវិធីប្រកបដោយប្រសិទ្ធភាពនាពេលខាងមុខ គប្បីបន្តអះអាងការវិនិយោគ អភិវឌ្ឍន៍សេដ្ឋកិច្ច - សង្គមនៅតំបន់ជនជាតិភាគតិច និងតំបន់ភ្នំ គឺជាការវិនិយោគអភិវឌ្ឍន៍ចីរភាព សម្រាប់ប្រទេសជាតិ លើកកម្ពស់ជីវភាព សម្ភារៈ និងស្មារតីរបស់ប្រជាជន; ជាសន្សឹមៗ បង្រួញគម្លាតអំពីជីវភាព និងប្រាក់ចំណូល របស់ជនជាតិភាគតិច បើធៀបនឹងមធ្យមភាគរួមក្នុងទូទាំងប្រទេស ។ ការកសាងខ្លឹមសារនៃកម្មវិធីអភិវឌ្ឍន៍សេដ្ឋកិច្ច- សង្គមតំបន់ជនជាតិភាគតិច ត្រូវផ្សារភ្ជាប់ជាមួយនឹងការកសាងប្រព័ន្ធនយោបាយមូលដ្ឋានរឹងមាំ... បែងចែក ភារៈច្បាស់លាស់ ចាំបាច់ត្រូវបញ្ចូលគោលនយោបាយស៊ីសង្វាក់គ្នា និងឯកភាព កាត់បន្ថយអង្គភាពគ្រប់គ្រង និងចាត់ចែងការងារឱ្យច្បាស់លាស់; ពង្រីកតួនាទី និងមុខងាររបស់ស្ថាប័នបម្រើការងារជនជាតិ; ធានានិងបង្កើនប្រសិទ្ធភាពធនធានវិនិយោគ; ផ្តល់អាទិភាពលើការវិនិយោគមានចំណុចស្នូល ចំណុចសំខាន់ផ្តុំកម្លាំងទៅលើតំបន់លំបាកខ្លាំង និងក្រុមជនជាតិដែលមានការ លំបាកដោយឡែកនៅតំបន់ជនជាតិភាគតិច។
សាលានៅតំបន់ជនរួមជាតិខ្មែរនៅឃុំពងទឹក ស្រុកថាញ់ទ្រី ត្រូវបានវិនិយោគកសាងយ៉ាងសមរម្យ។ រូបថត៖ លីធាន
កសិករខ្មែរនៅខេត្តត្រាវិញ ពីមួយថ្ងៃទៅមួយថ្ងៃកាន់តែផ្លាស់ប្តូររចនាសម្ព័ន្ធដំណាំ និងអនុវត្តវិទ្យាសាស្ត្រ បច្ចេកទេសដើម្បីលើកកម្ពស់ប្រសិទ្ធភាពផលិតកម្ម។ រូបថត៖ ម៉ាល័យ
បើប្រៀបធៀបនឹងមធ្យមភាគរួមក្នុងទូទាំងប្រទេស អត្រាគ្រួសារក្រីក្រក្នុងជនរួមជាតិភាគតិចនៅតំបន់ណាមបូ មានការទាបជាង ។ ថ្វីដ្បិតតែដូច្នោះ ការកាត់បន្ថយភាពក្រីក្រចំពោះក្រុមគ្រួសារក្រីក្រដែលនៅសេសសល់នៅតំបន់ណាមបូ ប្រឈមមុខនឹងបញ្ហាជាច្រើន ព្រោះថា គ្រួសារជនជាតិភាគតិចក្រីក្រភាគច្រើនគឺជាក្រុមក្រីក្រខ្លាំង និងមានការលំបាកដោយឡែក។ ព្រោះហេតុនោះ នៅពេលខាងមុខ ការអនុវត្តកម្មវិធី ទន្ទឹមនឹងផ្តោតការដោះស្រាយដាច់ស្រេចនូវការលំបាកមួយចំនួនដែលមានលក្ខណៈដោយឡែក ចំពោះក្រុមគ្រួសារជនជាតិភាគតិចក្រីក្រក្នុងតំបន់ ដូចជា៖ បញ្ហាទឹកស្អាត និងអនាម័យបរិស្ថានការងារធ្វើនិងលំនៅឋានសម្រាប់អ្នកមានប្រាក់ចំណូលទាប បញ្ហាកង្វះដីផលិត... គប្បីយកចិត្តទុកដាក់ជាងទៀតចំពោះក្រុមគោលនយោបាយសុខុមាលភាពសង្គម ក្រុមគោលនយោបាយសម្រាប់គ្រួសារក្រីក្រអនាថា ក្រុមគ្រួសារក្រីក្រអាស្រ័យមនុស្សស្រី មនុស្សចាស់ជាមេគ្រួសារ... ជាមួយនឹងលក្ខណៈពិសេសដច្នេះ ការកសាងនិងផ្សព្វផ្សាយអនុវត្តកម្មវិធីនៅណាមបូ គឺមានការពឹងអាស្រ័យជាច្រើននិងភាពម្ចាស់ការរបស់ភូមិភាគនានា ផ្អែកលើទស្សនៈវិមជ្ឈការខ្លាំងក្លារបស់ថ្នាក់មជ្ឈិម។
| ជាមួយនឹងលទ្ធផលវិជ្ជមានក្រោយពី ៥ ឆ្នាំអនុវត្តកម្មវិធី មានមតិជាច្រើនបានលើកឡើងថា៖ ជាកម្លាំងចលករសម្រាប់ជំរុញអភិវឌ្ឍន៍សេដ្ឋកិច្ច-សង្គម កាត់បន្ថយភាពក្រីក្រប្រកបដោយចីរភាពជូនប្រជាជន ទន្ទឹមនឹងនោះ ជួយឱ្យភូមិភាគត្រៀមប្រភពធនធានសម្រាប់ទិសដៅលំបាកជាង។ ជាពិសេស ឆ្នាំ ២០២៥ គឺជាឆ្នាំបង្កើនល្បឿន ទម្លុះទម្លាយនិងខិតខំដើម្បីសម្រេចបាននូវលទ្ធផលខ្ពស់បំផុតនៃទិសដៅ និងភាគកម្រិតដែលរដ្ឋសភាបានប្រគល់ក្នុងសេចក្តីសម្រេចចិត្តលេខ ១២០ និងសេចក្តីសម្រេចលេខ ១៧១៩។ ប្រការនេះ ទាមទារការខិតខំប្រឹងប្រែង និងការប្តេជ្ញាចិត្តខ្ពស់ចំពោះនយោបាយនៃគ្រប់ថ្នាក់ក្រសួង ផ្នែកពាក់ព័ន្ធ ជាពិសេសគឺភូមិភាគនានាដែលមានជនរួមជាតិភាគតិចរស់នៅច្រើនកុះករ៕ |
អគ្គនិពន្ធនាយក: ត្រឿងវ៉ាំងច្វៀន អគ្គនិពន្ធនាយករងទទួលបន្ទុកភាសាខ្មែរ: ង្វៀងថាញត្វឹង
លិខិតអនុញាតលេខ៧៨៩/GP-BTTTT អាស្រ័យក្រសួងពត៌មាននិងសារគមនាគមន៍ផ្តល់ថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ ទីក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម : quangcao@baocantho.com.vn
សរសេរច្បាស់ប្រភព"សារព័ត៌មានអេឡិចត្រូនិកកឹងធើ" នៅពេលផ្សាយបន្តពីwebsite នេះ។
អភិវឌ្ឍន៍ដោយ:
ពាក្យគន្លឹះ