គោលនយោបាយ -ការរស់នៅ ការរស់នៅ

08/04/2025 - 16:00

បង្កើនប្រាក់ចំណូលជូនជនរួមជាតិភាគតិច

ដំណាច់ឆ្នាំ ២០២៤ ជនរួមជាតិភាគតិចនៅខេត្តវិញឡុង មានកម្រិតប្រាក់ចំណូលប្រហែល ៨៥ លានដុង/ម្នាក់/ឆ្នាំ កើនជិតទ្វេដងបើប្រៀបនឹងឆ្នាំ ២០១៩។

ហេដ្ឋារចនាសម្ព័ន្ធតំបន់ជនរួមជាតិភាគតិចនៅខេត្តវិញឡុងកាន់តែសុក្រឹត
រួមចំណែកអភិវឌ្ឍន៍សេដ្ឋកិច្ចនៅភូមិភាគ។

តាមប្រសាសន៍លោក ថាច់យឿង នាយកមន្ទីរសាសនានិងជនជាតិខេត្តវិញឡុង សមិទ្ធផលខាងលើ គឺអាស្រ័យខេត្តអនុវត្តល្អនូវគោលនយោបាយជនជាតិ។ ពិសេស គឺការអនុវត្តកម្មវិធីទិសដៅជាតិ ក្នុងនោះ មានកម្មវិធីទិសដៅជាតិអភិវឌ្ឍសេដ្ឋកិច្ច - សង្គមតំបន់ជនជាតិភាគតិចនិងតំបន់ភ្នំ ដំណាក់កាល ២០២១ - ២០៣០។ ពេលកម្មវិធីពង្រីកប្រសិទ្ធភាព ជីវភាពសម្ភារៈនិងស្មារតីរបស់ជនរួមជាតិភាគតិច ក៏មានការវិវឌ្ឍតាមទិសដៅវិជ្ជមាន។ ផ្ដើមពីនោះ ប្រជាជនកាន់តែយកចិត្តទុកដាក់ជាងទៀតដល់ការរៀនសូត្រលើកកម្ពស់កម្រិតវិជ្ជា ដើម្បីដើរទាន់ការវិវឌ្ឍរបស់សង្គម។ លោកសើងរឿ អនុប្រធានគណៈកម្មាធិការប្រជាជនឃុំដុងថាញ់ ទីរួមខេត្តប៊ិញមិញ ឱ្យដឹង៖ “បច្ចុប្បន្ន យើងខ្ញុំធ្វើការឃោសនាបានលឿននិងមានប្រសិទ្ធភាពណាស់ ដ្បិតអី មាមីងភាគច្រើនតែងប្រើប្រាស់ទូរស័ព្ទឆ្លាតវៃ។ ពេលឃើញទម្រង់សេដ្ឋកិច្ចណាល្អ មានប្រសិទ្ធភាព គឺស៊ែចែកដល់ភូមិ ក្រុមសមាគមដើម្បីចលនាមាមីង”។ ដើម្បីអនុវត្តបានរបៀបធ្វើខាងលើ គឺទាមទារហេដ្ឋារចនាសម្ព័ន្ធព័ត៌មានទំនាក់ទំនងរបស់បណ្ដាឃុំលំបាកខ្លាំង ឃុំតំបន់ជនជាតិភាគតិច ត្រូវមានការគ្របដណ្ដប់គ្រប់សព្វ។ ហើយប្រការនេះ ត្រូវបានអនុវត្តសម្រេចដោយកម្មវិធីទិសដៅជាតិអភិវឌ្ឍសេដ្ឋកិច្ច - សង្គមតំបន់ជនជាតិភាគតិចនិងតំបន់ភ្នំ។ លោកថាច់យឿង ឱ្យដឹងបន្ថែម៖ “ទន្ទឹមនឹងកម្មវិធី លក្ខឋានកសាងជនបទថ្មីកម្រិតខ្ពស់ ជនបទថ្មីគំរូក៏ញុាំងឱ្យជនបទនៅតំបន់ជនជាតិភាគតិចកាន់តែទំនើបផងដែរ។ ផ្ដើមពីនោះ ប្រជាជនបានកៀកជិតយ៉ាងឆាប់នូវវិទ្យាសាស្រ្តបច្ចេកទេស និងមានការមោះមុតអនុវត្តទៅក្នុងភាពជាក់ស្ដែងដើម្បីបង្កើនគុណភាពផលិតផល បង្កើនប្រាក់ចំណូល”។ ផ្ដើមពីប្រសិទ្ធភាពជាក់ស្ដែងនៃកម្មវិធី គម្រោងចំនួនគ្រួសារជនជាតិភាគតិចក្រីក្រនៅខេត្តវិញឡុង បានថយចុះនៅត្រឹម ៣០១ គ្រួសារប៉ុណ្ណោះ។ មធ្យមភាគ អត្រាគ្រួសារក្រីក្រទូទាំងខេត្តថយចុះជាង ៣% ក្នុងមួយឆ្នាំ។

មានគ្រួសារជនជាតិភាគតិចជាច្រើន បានជ្រើសរើសទម្រង់ដាំខ្នុរដើម្បីកែប្រែចម្ការចាស់។

លោកសើុងកុងវិញ នៅឃុំទ្រុងថាញ់ ស្រុកវុងលីម ឱ្យដឹង៖ “ខ្ញុំបានឧបត្ថម្ភទម្រង់ចិញ្ចឹមពស់ផ្អក។ ដោយសារបានចូលរួមវគ្គសិក្សាជាមុន ទើបមិនជួបលំបាកក្នុងការថែទាំ ទោះបីនេះជាលើកដំបូងដែលខ្ញុំចិញ្ចឹមពស់ផ្អកក៏ដោយ។ មកទល់បច្ចុប្បន្ន ពស់ផ្អកធាត់ធំល្អ ហើយរំពឹងថា រកបានប្រាក់ចំណេញគួរសម។ បន្ទាប់ពីធ្វើការវាយតម្លៃរួច ទម្រង់នេះត្រូវបានពង្រីកទូលំទូលាយ”។ តាមប្រសាសន៍លោកឡេវ៉ាន់យ៉ុង អនុប្រធានគណៈកម្មាធិការប្រជាជនឃុំទ្រុងថាញ់ ក្រៅពីទម្រង់ចិញ្ចឹមពស់ផ្អក យើងខ្ញុំនៅទាំងផ្សព្វផ្សាយទម្រង់ដាំក្រូចពោធិ៍សាត់សំបកក្រាស់ ដាំខ្នុរលក់ ដូរជាលក្ខណៈគ្រួសារ។ល។ ដើម្បីប្រជាជនដែលចូលរួម អាច់ជ្រើសរើសបានទម្រង់សមស្របជាមួយនឹងលក្ខណៈគ្រួសារ។ មានតែដូច្នេះ ទើបការអនុវត្តទម្រង់នឹងសម្រេចបានប្រសិទ្ធភាពខ្ពស់”៕

ហាថាញ -ថាច់ធី

ចែករំលែកអត្ថបទ

ពាក្យគន្លឹះ