ព្រឹត្តិការណ៍ - នយោបាយ ព្រឹត្តិការណ៍

08/04/2025 - 15:55

សិក្ខាសាលាវិទ្យាសាស្ត្រ "គោលនយោបាយអភិវឌ្ឍន៍សេដ្ឋកិច្ចតំបន់ជនជាតិភាគតិចនិងតំបន់ភ្នំ - តថភាពនិងសំណើលើពង្រាងច្បាប់ស្តីពីវិស័យជនជាតិ"

ក្រុមប្រឹក្សាជាតិនៃរដ្ឋសភាបានរៀបចំសិក្ខាសាលាវិទ្យាសាស្ត្រ “គោលនយោបាយអភិវឌ្ឍន៍សេដ្ឋកិច្ចតំបន់ជនជាតិភាគតិចនិងតំបន់ភ្នំ - តថភាពនិងសំណើលើពង្រាងច្បាប់ស្តីពីវិស័យជនជាតិ”។

បណ្ឌិត ង្វៀនវ៉ាន់ហោយ - វិទ្យាស្ថានស្រាវជ្រាវយុទ្ធសាស្ត្រ និងគោលនយោបាយសាធារណៈ ក្រសួងឧស្សាហ-ពាណិជ្ជកម្ម ចូលរួមធ្វើបទអន្តរាគមន៍ក្នុងអង្គសិក្ខាសាលា។

អញ្ជើញថ្លែងមតិក្នុងពិធីបើកអង្គសិក្ខាសាលា លោក អ៊ីថាញហាណេក្តាំ ប្រធានក្រុមប្រឹក្សាជនជាតិនៃរដ្ឋសភាបានសង្កត់ធ្ងន់ថា៖ ក្នុងដំណើរការកសាងនិងអភិវឌ្ឍន៍ប្រទេសជាតិ បក្ស និងរដ្ឋយើងតែងយកចិត្តទុកដាក់ចំពោះបញ្ហាជនជាតិ ការងារជនជាតិ ធ្វើឱ្យសុក្រឹតភាពគោលនយោបាយជនជាតិ ដើម្បីជំរុញការអភិវឌ្ឍគ្រប់ជ្រុងជ្រោយនៅតំបន់ជនជាតិភាគតិច។ លោក អ៊ីថាញហាណេក្តាំ បានផ្តល់ព័ត៌មាននៅក្នុងអង្គសិក្ខាសាលា បច្ចុប្បន្ន បណ្តាគោលនយោបាយពាក់ព័ន្ធនឹងតំបន់ជនជាតិ ត្រូវបានចែងក្នុងច្បាប់ជាង ៩០ និងរាប់រយឯកសារក្រោមច្បាប់។ ថ្វីដ្បិតតែដូច្នោះ ប៉ុន្តែនៅតែមិនទាន់មានច្បាប់ដាច់ដោយឡែកទូលំទូលាយ និងកែតម្រូវអំពីទំនាក់ទំនងជនជាតិនោះទេ។ ផ្តើមពីបញ្ហាខាងលើ ចាប់តាំងពីដើមអាណត្តិទី XV គណៈកម្មាធិការអចិន្ត្រៃយ៍នៃរដ្ឋសភា បានប្រគល់ឱ្យក្រុមប្រឹក្សាជនជាតិ បន្តស្រាវជ្រាវលើមូលដ្ឋានទ្រឹស្តីមូលដ្ឋានវិទ្យាសាស្រ្ត និងភាពជាក់ស្តែង ដើម្បីស្នើបង្កើតច្បាប់ស្តីពីវិស័យជនជាតិ។ មកទល់បច្ចុប្បន្ន ក្រុមប្រឹក្សាជនជាតិបានចេញនូវផែនការរួមជាមួយនឹងអ្នកជំនាញការ រៀបចំអង្គសិក្ខាសាលាចំនួន ៤ លើក ដើម្បីធ្វើឱ្យជាក់ច្បាស់អំពីខ្លឹមសារមួយចំនួនទាក់ទងនឹងវិធីសាស្រ្តខិតជិត និងភាពចាំបាច់នៃការបង្កើតច្បាប់។

បន្ទាប់ពីថ្លៃងបើកអង្គសិក្ខាសាលា បណ្ឌិត ង្វៀងវ៉ាន់ហោយ មានបទអន្តរាគមន៍ស្តីពីគោលនយោបាយអភិវឌ្ឍន៍ពាណិជ្ជកម្មសម្រាប់តំបន់ជនជាតិភាគតិចនិងតំបន់ភ្នំ។ បណ្ឌិត ង្វៀងវ៉ាន់ហោយ បានបញ្ជាក់ច្បាស់អំពីសារៈសំខាន់របស់ទីផ្សារនៅតំបន់ជនជាតិភាគតិចនិងតំបន់ភ្នំ។ បណ្ឌិត ង្វៀងវ៉ាន់ហោយ បានស្នើត្រូវមានយន្តការពិសេសក្នុងការកសាងហេដ្ឋារចនាសម្ព័ន្ធទីផ្សារនៅតំបន់ជនជាតិភាគតិចនិងតំបន់ភ្នំ។ ក្នុងដំណាក់ការកសាងច្បាប់ ស្ដីពីវិស័យជនជាតិ ត្រូវមានយន្តការគាំទ្រកសាងម៉ាកយីហោ ផ្សារភ្ជាប់ជាមួយវប្បធម៌តំបន់ភូមិភាគ លក្ខណៈពិសេសនៅតំបន់ជនជាតិភាគតិច និងតំបន់ភ្នំ។

សិក្ខាសាលាវិទ្យាសាស្ត្រ “គោលនយោបាយអភិវឌ្ឍន៍សេដ្ឋកិច្ចតំបន់ជនជាតិភាគតិចនិងតំបន់ភ្នំ - តថភាពនិងសំណើលើពង្រាងច្បាប់ស្តីពីវិស័យជនជាតិ” មាន១០អត្ថបទអន្តរាគមន៍ ប្រធានបទស៊ីជម្រៅអំពីខ្លឹមសារគោលយោបាយ៕

យោង៖ baodantoc.vn

ចែករំលែកអត្ថបទ

ពាក្យគន្លឹះ