ព្រឹត្តិការណ៍ - នយោបាយ ព្រឹត្តិការណ៍

01/04/2025 - 08:54

ការជ្រាបជាតិប្រៃនៅវាលរាបទន្លេគឺវឡុង បន្តកើនឡើងខ្ពស់

យោងតាមវិទ្យាស្ថានវិទ្យាសាស្រ្តធារាសាស្រ្តភាគខាងត្បូង ការជ្រាបជាតិប្រៃនៅវាលរាបទន្លេគឺវឡុង បន្តកើនឡើងខ្ពស់ក្នុងខែមេសា ឆ្នាំ២០២៥។ ភូមិភាគនានាក្នុងតំបន់គប្បីបង្កើនការត្រួតពិនិត្យប្រភពទឹក មុនពេលប្រើប្រាស់សម្រាប់ស្រោចស្រពដំណាំ និងវារីវប្បកម្មផ្សេងៗ។

សំណង់ទប់ស្កាត់ការជ្រាបជាតិប្រៃក្នុងដីគោក ត្រូវបានកសាងសម្រេច
និងបើកឱ្យប្រើប្រាស់នៅខេត្តសុកត្រាំង។

ឆ្នាំ២០២៥ ប្រភពទឹកមកកាន់តំបន់វាលរាបទន្លេគឺវឡុង ចំណុះក្រុមឆ្នាំក្រោមមធ្យម ដោយមានហ្រេ្វកង់លំហូរក្នុងខែប្រាំងនៅកម្រិតពី៦០-៧៥% អាស្រ័យលើប្រតិបត្តិការវារី អគ្គិសនីនៅអាងទន្លេមេគង្គ។ តាមការព្យាករណ៍ ការជ្រាបជាតិប្រៃរដូវប្រាំង ឆ្នាំ២០២៥ នឹងមានកម្រិតខ្ពស់ជាងមធ្យមភាគជាច្រើនឆ្នាំ។ មានផ្ទៃដីផលិតស្រូវរដូវប្រាំងឆ្នាំ២០២៤ -២០២៥ មួយចំនួនដែលបម្រុងនឹងប្រមូលផលក្នុងខែមេសា ឆ្នាំ២០២៥ ឋិតនៅតាមខេត្តត្រាវិញ (មានស្រុកយ្វៀងហាយ ថ្កូវកូវង៉ាង ទីវកឹង ចូវថាញ); ខេត្តហូវយ៉ាង (មានស្រុកឡុងមី ទីរួមស្រុកឡុងមី ភុងហ៊ីប) ខេត្តសុកត្រាំង (មានស្រុកកេសាច់ ចូវថាញ់ ថាញ់ទ្រី មីទូ); ខេត្តបាកលីវ (មានស្រុកហ្វាប៊ិញ វិញឡើយ ភឿកឡុង យ៉ារ៉ាយ); ខេត្តឡុងអាង (មានស្រុកតឹងទ្រូ កឹងដឿក កឹងយួក); ខេត្តតៀងយ៉ាង (មានហ្គកុងតី តឹងភឿក ចូវថាញ់ និងស្រុកបាទ្រី (ខេត្តបេនត្រែ)។ ទោះបីស្ថិតក្នុងតំបន់ការពារនៃប្រព័ន្ធធារាសាស្រ្តក៏ដោយ ប៉ុន្តែភូមិភាគខាងលើនៅតែទទួលរងការខ្វះទឹកដដែល។ អាស្រ័យហេតុនោះ ភូមិភាគទាំងនេះគប្បីឆ្លៀតឱកាសក្នុងពេលមានទឹកសាបដើម្បីស្ដុកទឹកធានាឱ្យការផលិត បង្ការពេលមានទឹកប្រៃកើនឡើងខ្ពស់ក្នុងខែមេសាខាងមុខ។

យោងតាមនោះ ក្នុងខែមេសា ឆ្នាំ២០២៥ តំបន់លើវាលរាបទន្លេគឺវឡុង មានប្រភពទឹកគ្រប់គ្រាន់ ការលំបាកជាចម្បង នៅតំបន់ភ្នំខ្ពស់ទិញបៀង ទ្រីតូង ចាំបាច់ត្រូវអនុវត្តវិធានការស្ដុកទឹកនិងស្រោចស្រពប្រិតសំចៃ។ តំបន់កណ្ដាលនៃវាលរាបទន្លេគឺវឡុង (មានក្រុងកឹងធើ) ដំណើរការយ៉ាងត្រឹមត្រូវរាល់សំណង់គ្រប់គ្រងទឹកប្រៃ និងរក្សាទុកទឹកនៅពេលអាចធ្វើទៅបាន ពេលយកទឹកសាបឬស្រោចស្រពដំណាំ ត្រូវពិនិត្យកម្រិតជាតិប្រៃហ្មត់ចត់ ពិសេស ចំពោះដំណាំឈើហូបផ្លែ។ តំបន់មាត់សមុទ្រវាលរាបទន្លេគឺវឡុង ការជ្រាបជាតិប្រៃខុសធម្មតា អាចធ្វើឱ្យប៉ះពាល់ដល់ប្រភពទឹក និងផលិតកម្មនៅតាមប្រព័ន្ធធារាសាស្រ្តមាត់សមុទ្រ មានដូច ហ្គកុង ខាងជើងខេត្តបេនត្រែ តំបន់មាត់សមុទ្រខេត្តត្រាវិញ។ អាស្រ័យហេតុនោះ ភូមិភាគទាំងអស់ គប្បីត្រៀមបម្រុងវិធានការទប់ស្កាត់ ស្ដុកទុកនិងប្រើប្រាស់ទឹកសមស្រប ជាពិសេស ធានាឱ្យមានទឹកសម្រាប់តំបន់ដាំឈើហូបផ្លែ ចំណុះស្រុកចូវថាញ់ ចើឡាច ម៉កាយបាក់ - ណាម ចំណុះខេត្តបេនត្រែ; ស្រុកកេសាច់ - ខេត្តសុកត្រាំង៕

វ៉ាន់ធឹក - ថាច់ធី

ចែករំលែកអត្ថបទ

ពាក្យគន្លឹះ