ព្រឹត្តិការណ៍ - នយោបាយ ព្រឹត្តិការណ៍

01/04/2025 - 08:54

នាយករដ្ឋមន្ត្រី ផាមមិញជិញ៖ យុវជនអនុវត្ត "៣ឈានមុខ" "៦ចំណុចសំខាន់" រួមជាមួយប្រទេសជាតិ ឆ្ពោះទៅកាន់យុគសម័យថ្មី

នាយករដ្ឋមន្ត្រីនៃរដ្ឋាភិបាល ផាមមិញជិញ ទើបអញ្ជើញចូលរួមក្នុងកម្មវិធីជូនរង្វាន់គំរូយុវជនវ័យក្មេងវៀតណាមឆ្នើមឆ្នាំ២០២៤ ក្រោមប្រធានបទ “ភារកិច្ចដ៏ឧត្តុង្គឧត្តម” អាស្រ័យមជ្ឈិមសម្ព័ន្ធយុវជនកុម្មុយនិស្តហូជីមិញ មូលនិធិ ឧបត្ថម្ភទេពកោសល្យយុវជនវ័យក្មេងវៀតណាម និងស្ថានីយទូរទស្សន៍វៀតណាម សហការរៀបចំឡើង។ នៅក្នុងកម្មវិធីនេះ នាយករដ្ឋមន្ត្រី បានសំណូមពរយុវជនវៀតណាមអនុវត្ត “៣ឈានមុខ” និង “៦ចំណុចសំខាន់” រួមជាមួយនឹងទូទាំងប្រទេសត្រៀមឈានចូលយុគសម័យថ្មី។

នាយករដ្ឋមន្ត្រី ផាមមិញជិញ និងលេខាទីមួយនៃមជ្ឈិមសម្ព័ន្ធយុវជនកុម្មុយនិស្តហូជីមិញ
ប៊ូយក្វាងហ្វី ជូនរង្វាន់គំរូយុវជនវ័យក្មេងវៀតណាមឆ្នើម ឆ្នាំ២០២៤។

នោះគឺ៖ ឈានមុខអំពីគំនិតផ្លាស់ថ្មី និងចក្ខុវិស័យជាយុទ្ធសាស្ត្រមើលទៅមុខឱ្យបានវែងឆ្ងាយ គិតឱ្យជ្រៅ និងធ្វើធំ; ឱ្យតម្លៃពេលវេលា សតិបញ្ញា និងការសម្រេចចិត្ត ត្រូវតាមកាល ជាមួយនឹងកម្លាំងច្នៃប្រតិដ្ឋ និងការលះបង់គឺគ្មានដែនកំណត់។ បន្ទាប់គឺឈានមុខក្នុងការអភិវឌ្ឍវិទ្យាសាស្ត្រ បច្ចេកទេស ផ្លាស់ថ្មីគំនិតច្នៃប្រតិដ្ឋ និងផ្លាស់ប្តូរឌីជីថលជាតិ; បង្កើតបានសមិទ្ធកម្ម ផលិតផលមានភាពទម្លុះទម្លាយ ជំរុញកំណើនទិន្នផលការងារ បង្កើតអាជីវកម្ម “Unicorn” របស់វៀតណាម។ ទីបី គឺឈានមុខក្នុងការជាតូបនីយកម្មអរិយធម៌នៃមនុស្សជាតិទៅក្នុងប្រទេសយើង និងសាកលភាវូបនីយកម្មខឿនវប្បធម៌ជឿនលឿន ដិតដាមដោយអត្តសញ្ញាណរបស់ជនជាតិវៀតណាមទៅកាន់ពិភពលោក។

ទន្ទឹមនឹងនោះ យុវជនផ្តុំកម្លាំងលើ៦ចំណុចសំខាន់ៗ៖ អនុវត្តភារកិច្ចនយោបាយដែលបានប្រគល់ជូន ជាមួយនឹងភាពផ្លាស់ថ្មីខ្លឹមសារនិងវិធីធ្វើសកម្មភាព ក្តោបក្តាប់បានទាន់ពេលនូវតម្រូវការ គោលបំណងសមហេតុផលរបស់យុវជន ពិសេសគឺពង្រីកតួនាទី និងការរួមចំណែករបស់យុវជនក្នុងការអនុវត្ត៣ទម្លុះទម្លាយជាយុទ្ធសាស្ត្រ អំពីបែបបទ ធនធានមនុស្ស ហេដ្ឋារចនាសម្ព័ន្ធជាយុទ្ធសាស្ត្រ និងជំរុញបុព្វហេតុឧស្សាហូបនីយកម្ម ភាវូបនីយកម្មទំនើប និងសមាហរណកម្មអន្តរជាតិ។ បន្ទាប់គឺផ្តុំកម្លាំងរៀបចំប្រព័ន្ធអង្គការចាត់តាំង រួមចំណែកកសាងប្រព័ន្ធនយោបាយសម្រិតសម្រាំងខ្លាំង សមត្ថភាព សុពលភាព និងប្រសិទ្ធភាព; ជំរុញការកែទម្រង់រដ្ឋបាល បំផុតគឺបែបបទរដ្ឋបាល កាត់បន្ថយការរំខាន រំអុក និងចំណាយលើអនុលោមតាមសម្រាប់ប្រជាជននិងអាជីវកម្ម; ជំរុញកំណើនជាមួយនឹងការពង្រីកខ្លាំងក្លាជាងទៀតនូវកម្លាំងយុវជន កម្លាំងបញ្ញា ប្តូរផ្តាច់ ច្នៃប្រតិដ្ឋ និងឈានមុខក្នុងពលកម្មផលិត និងអាជីវកម្មគ្រប់វិស័យទាំងអស់លើភូមិសាស្រ្ត។ យុវជនសកម្មចូលរួមកម្មវិធី “រួមដំណើរជាមួយយុវជនផ្តើមអាជីព បង្កើតអាជីព”; មិនបង្អង់ក្នុងការផ្លាស់ថ្មីរបៀបគិត របៀបធ្វើ រួមចំណែកលើកកម្ពស់ទិន្នផល គុណភាព ប្រសិទ្ធភាព និងកម្លាំងប្រជែងនៃខឿនសេដ្ឋកិច្ច និងជំរុញកំណើនសម្រេចតាមទិសដៅដែលបានដាក់ចេញ។

នាយករដ្ឋមន្ត្រី សង្ឃឹមថា យុវជនវៀតណាមគប្បីផ្តុំកម្លាំង អនុវត្តសមធម៌ វឌ្ឍនភាពសង្គម ធានាសុខុមាលភាពសង្គម លើកកម្ពស់ជីវភាពប្រជាជន ធ្វើឱ្យជាក់ស្តែងនូវគោលការណ៍ គោលនយោបាយរបស់បក្សនិងរដ្ឋ អំពីសុខុមាលភាពសង្គម បំផុតគឺកៀកជិតសមភាពយេនឌ័រ អំពីអប់រំ សុខាភិបាល នៅគ្រប់តំបន់ក្នុងទូទាំងប្រទេស ទៅដល់គ្រប់សហគមន៍ គ្រប់គ្រួសារ និងប្រជាជនគ្រប់រូប បំផុតគឺនៅតំបន់ភ្នំ តំបន់ដាច់ស្រយាល តំបន់ព្រំដែន និងកោះសមុទ្រជាមួយស្មារតី “មិនទុកចោលនរណាម្នាក់ឱ្យនៅខាងក្រោយ”៕

យោង៖ TTXVN - ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ