ព្រឹត្តិការណ៍ - នយោបាយ ព្រឹត្តិការណ៍

24/03/2025 - 10:48

គម្រោង TRVC ផ្តល់រង្វាន់សហគ្រិន៨នាក់ ដែលចូលរួមចងសម្ព័ន្ធជាមួយកសិករផលិតស្រូវអង្ករ ដោយចីរភាពនិងកាត់បន្ថយបំភាយឧស្ម័ន

នៅក្រុងកឹងធើ ក្នុងក្របខ័ណ្ឌគម្រោងបង្វែរសង្វាក់តម្លៃស្រូវអង្ករ ទប់ទល់នឹងការប្រែប្រួលអាកាសធាតុ និងអភិវឌ្ឍន៍ចីរភាពនៅតំបន់វាលរាបទន្លេគឺវឡុង (TRVC) អង្គការអភិវឌ្ឍន៍ហូលឡង់ SNV សហការជាមួយក្រសួងកសិកម្មនិងបរិស្ថាន រួមជាមួយនឹងអង្គភាពដែលពាក់ព័ន្ធ រៀបចំពិធីផ្តល់រង្វាន់រដូវស្រូវដើមឆ្នាំ ២០២៤ ដល់សហគ្រិនដែលមានស្នាដៃក្នុងការអនុវត្តគម្រោង TRVC។

រដូវកាលដំបូងនៃគម្រោង មានសហគ្រិន ៨ នាក់បានផ្តល់រង្វាន់ជាមួយ
ប្រាក់រង្វាន់សរុបជាង ៣,១៨ ពាន់លានដុង។

តាមរយៈនោះ រដូវកាលដំបូងនៃគម្រោង មានសហគ្រិន៨នាក់បានផ្តល់រង្វាន់ ជាមួយប្រាក់រង្វាន់សរុបជាង ៣,១៨ ពាន់លានដុង។ ជាក់ស្តែង ក្រុមហ៊ុនទទួលខុសត្រូវមានកម្រិតនីហរ័ណអាហរ័ណចើងជិញ ក្រុមហ៊ុនទទួលខុសត្រូវមានកម្រិតស្រូវអង្ករវៀតណាម ក្រុមហ៊ុនភាគហ៊ុនកសិកម្មបច្ចេកវិទ្យាខ្ពស់ត្រុងអាង ក្រុមហ៊ុនទទួលខុសត្រូវមានកម្រិតស្វឹងភឿងគៀងយ៉ាង ក្រុមហ៊ុនភាគហ៊ុនសម្ព័ន្ធ ThaiBinh Seed ក្រុមហ៊ុនភាគហ៊ុនស្បៀងអាអាង ក្រុមហ៊ុនទទួលខុសត្រូវមានកម្រិត Angimex - Kitoku និងក្រុមហ៊ុនភាគហ៊ុន TPTN King Green។ ក្រុមហ៊ុនទទួលខុសត្រូវមានកម្រិតចើងជិញ គឺជាអង្គភាពទទួលបានប្រាក់រង្វាន់ខ្ពស់បំផុត ជាមួយទឹកប្រាក់ជាង ១,១៦ ពាន់លានដុង ក្រុមហ៊ុនចុះឈ្មោះចូលរួមប្រឡងជាមួយផ្ទៃដីជាង ១.៥១៤ ហិកតា សម្រេចកម្រិតកាត់បន្ថយបំភាយឧស្ម័នផ្ទះកញ្ចក់មធ្យមភាគ ៦,៥៧ តោនឧស្ម័នកាបូនិកក្នុងមួយហិកតា ប្រាក់ចំណេញមធ្យមភាគរបស់គ្រួសារកសិករសម្រេច ៦៨,៤១%។

គម្រោង TRVC អាស្រ័យស្ថានទូតអូស្ត្រាលី ប្រចាំនៅវៀតណាម និងអង្គការអភិវឌ្ឍន៍ហូឡង់ SNV ធ្វើហិរញ្ញប្បទាន សហការជាមួយក្រសួងកសិកម្មនិងបរិស្ថាន ផ្សព្វផ្សាយនៅខេត្តចំនួន ៣ នោះគឺ៖ អាងយ៉ាង ដុងថាបនិងគៀងយ៉ាង ចាប់ពីឆ្នាំ ២០២៣ ដល់ឆ្នាំ ២០២៧។ គម្រោងដាក់ទិសដៅសម្រេចកម្រិតប្រាក់ចំណេញទាបបំផុតគឺ ៣០% សម្រាប់គ្រួសារកសិករផលិតខ្នាតតូច។ ផ្អែកលើភាពជាក់ស្តែង កម្រិតប្រាក់ចំណេញរបស់កសិករក្នុងរដូវដំបូងនៃការផ្សព្វផ្សាយគម្រោង សម្រេចជាមធ្យមភាគជាង៥៩%។ ចំពោះប្រសិទ្ធភាពបរិស្ថាន សរុបបរិមាណកាត់បន្ថយការបំភាយឧស្ម័នកាបូនិកគឺ ២៧.១៦១ តោន ស្មើនឹងផ្ទៃដីសរុប ៦.១៦៥,៥១ ហិកតា។ ចំពោះប្រសិទ្ធភាពសង្គម សហគ្រាសទាំង ១០០% ដែលចូលរួមក្នុងគម្រោង បានគួបផ្សំ គោលនយោបាយនិងវិធានការជាច្រើន ធានាសមភាពសង្គមកិច្ចការផ្ទៃក្នុងនៅសហគ្រាស និងសង្វាក់ចងសម្ព័ន្ធជាមួយខេត្តចំនួន ៣ ដែលអនុវត្តគម្រោង …៕

ដំណឹងនិងរូបថត៖ ខាញ់ទ្រុង-មុនី

ចែករំលែកអត្ថបទ

ពាក្យគន្លឹះ