ព្រឹត្តិការណ៍ - នយោបាយ ព្រឹត្តិការណ៍ - នយោបាយ

03/03/2025 - 14:50

លើកតម្កើងគ្រូពេទ្យ វេជ្ជបណ្ឌិត មន្ទីរពេទ្យរបស់ផ្នែកសុខាភិបាលកឹងធើ

មន្ទីរសុខាភិបាលក្រុងកឹងធើ ទើបរៀបចំពិធីជួបជុំខួបអនុស្សាវរីយ៍លើកទី ៧០ ទិវាគ្រូពេទ្យវៀតណាម (២៧/២/១៩៥៥ - ២៧/២/២០២៥)។

សមមិត្ត ឌោថាញប៊ិញ សមាជិកមជ្ឈិមបក្ស លេខាគណៈកម្មាធិការបក្សក្រុងកឹងធើ និងសមមិត្ត ត្រឿងកាញ់ត្វៀង អនុលេខាគណៈកម្មាធិការបក្សក្រុង ប្រធានគណៈកម្មាធិការប្រជាជនក្រុងកឹងធើ អបអរសាទរដល់គ្រូពេទ្យឆ្នើម។

ក្នុងបរិយាកាសដ៏ឱឡារិកនៃពិធីជួបជុំថ្នាក់ដឹកនាំមន្ទីរសុខាភិបាលក្រុងកឹងធើ បានអំណានលិខិតរបស់អ៊ំហូ ផ្ញើជូនកម្មាភិបាលផ្នែកសុខាភិបាលលើកដំបូងក្នុងឆ្នាំ១៩៥៥ ។ ក្នុងអំឡុង ៧០ ឆ្នាំកន្លង ផ្នែកសុខាភិបាលតែងធ្វើតាមពាក្យប្រៀនប្រដៅរបស់អ៊ំហូ ខិតខំប្រឹងប្រែងនិងអស់ពីចិត្តពីថ្លើមដើម្បីបុព្វហេតុថែទាំសុខភាពសហគមន៍។ ផ្នែកសុខាភិបាលកឹងធើ កងជួរគ្រូពេទ្យ តែងរៀនសូត្រនិងអភិវឌ្ឍដោយឥតឈប់ឈរ ធានាបានល្អនូវការទទួលខុសត្រូវក្នុងការបង្ការ ទប់ស្កាត់រោគឆ្លងរាលដាល និងពិនិត្យព្យាបាលជំងឺជូនប្រជាជនក្រុងកឹងធើ និងខេត្តនានានៅតំបន់វាលរាបទន្លេគឺវឡុង។ល។ ផ្នែកសុខាភិបាលក្រុងកឹងធើ សម្រេចភាគកម្រិតទម្រង់សុខាភិបាលចំនួន ៤ ចំណុះគម្រោង ០៦ របស់រដ្ឋាភិបាល។ ទន្ទឹមនឹងនោះ ម្ចាស់ការអនុវត្តបញ្ញាសិប្បនិម្មិតក្នុងការពិនិត្យរកជំងឺ; កសាងនិងធ្វើឱ្យសុក្រឹតទម្រង់វេជ្ជបណ្ឌិតគ្រួសារ សន្សឹមៗលើកកម្ពស់សមត្ថភាពបណ្តាញសុខាភិបាលមូលដ្ឋាន។ គុណភាពពិនិត្យព្យាបាលជំងឺនៅគ្រប់ថ្នាក់បានកែលម្អ ជំរុញសុខាភិបាលឯកជនអភិវឌ្ឍ។ ស្មារតីនិងអាកប្បកិរិយាបម្រើរបស់កម្មាភិបាលពេទ្យបានផ្លាស់ថ្មីជាដើម។

ថ្លែងក្នុងឱកាសជួបជុំនេះ លោកត្រឿងកាញ់ត្វៀង ប្រធានគណៈកម្មាធិការប្រជាជនក្រុងកឹងធើ បានអបអរសាទរ និងសាកសួរសុខទុក្ខយ៉ាងកក់ក្តៅដល់កងជួរគ្រូពេទ្យទាំងអស់របស់ក្រុង។ ទន្ទឹមនឹងនោះ កត់សម្គាល់ស្ងើចសរសើរសមូហភាពផ្នែកសុខាភិបាលកឹងធើ ដែលបានខិតខំប្រឹងប្រែងជម្នះរាល់ការលំបាក សាកល្បងដែលបក្ស រដ្ឋ និងប្រជាជនប្រគល់ជូន សម្រេចបានស្នាដៃឆ្នើមជាច្រើន។ ប្រធានគណៈកម្មាធិការប្រជាជនក្រុង សំណូមពរផ្នែកសុខាភិបាលកឹងធើ បន្តពង្រីកកម្លាំងនៃស្មារតីសាមគ្គី ពង្រីកសមិទ្ធផលរបស់ផ្នែក ខិតខំប្រឹងប្រែងដើម្បីសម្រេចនូវលទ្ធផលកាន់តែច្រើនជាងទៀងក្នុងបុព្វហេតុការពារ ថែទាំ និងលើកកម្ពស់សុខភាពប្រជាជន អនុវត្តជ័យជម្នះភារកិច្ច ភាគកម្រិតដែលក្រសួងសុខាភិបាលដាក់ចេញ...។

ក្នុងឱកាសនេះ សមូហភាពនិងបុគ្គលជាច្រើនរបស់ផ្នែកសុខាភិបាលក្រុងកឹងធើ បានស្ងើចសរសើរនិងជូនរង្វាន់ដ៏ខ្ពង់ខ្ពស់ ថ្នាក់រដ្ឋ និងថ្នាក់ផ្សេងៗទៀត រួមមាន៖ គ្រឿងឥស្សរិយយសពលកម្មថ្នាក់ទី៣; យុទ្ធជនប្រឡងប្រណាំងទូទាំងប្រទេស; គ្រូពេទ្យប្រជាជននិងគ្រូពេទ្យឆ្នើម និងពានរង្វាន់សមិទ្ធផលសុខាភិបាលក្រុងកឹងធើលើកដំបូង៕

ធូសឿង-វិមាន

ចែករំលែកអត្ថបទ

ពាក្យគន្លឹះ