សុខភាព - អប់រំ អប់រំ

17/02/2025 - 15:38

អភិវឌ្ឍការអប់រំតំបន់ជនរួមជាតិខ្មែរនៅកឹងធើ

តាមប្រសាសន៍លោកឡេទ្រុងកៀង ប្រធានគណៈជនជាតិក្រុងកឹងធើ កម្មវិធីទិសដៅជាតិអភិវឌ្ឍន៍តំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០៣០ (ហៅកាត់ថា កម្មវិធី) ត្រូវបានផ្សព្វផ្សាយអនុវត្តល្អ ដូច្នេះកំពុងពង្រីកបានប្រសិទ្ធភាពជាវិជ្ជមាន។

សិស្សសាលាជនជាតិអន្តេវាសិកក្រុងកឹងធើ ចូលរួមសកម្មភាពកីឡានៅទីធ្លាសាលាដែលបានបង្កើនកម្រិតត្រជាក់ ស្រឡះស្រឡំ។

ក្នុងចំណោមសមាសភាពគម្រោងចំណុះកម្មវិធី ត្រូវបានផ្សព្វផ្សាយនៅក្រុងកឹងធើ គឺគម្រោងអភិវឌ្ឍន៍អប់រំតំបន់មានជនរួមជាតិភាគតិចរស់នៅកុះករ កំពុងផ្សព្វផ្សាយអនុវត្តបានល្អ។ ជាក់ស្ដែងដូចជាការបង្កើនកម្រិតមូលដ្ឋានសម្ភារៈសាលាជនជាតិអន្តេវាសិកក្រុងកឹងធើ។ អ្នកគ្រូ ដាវធីសារង នាយិការងសាលាជនជាតិអន្តេវាសិកក្រុងកឹងធើ ឱ្យដឹង៖ “ដើម្បីបង្កើតកន្លែងលេងកម្សាន្ត កន្លែងហាត់ប្រាណសម្រាប់សិស្សសាលាបានក្រុងផ្ដល់ថវិកាសម្រាប់បង្កើនកម្រិតទីធ្លាសាលា កសាងបន្ទប់រៀនថ្មីជំនួសឱ្យបន្ទប់ដែលទ្រុឌទ្រោម ជាមួយនឹងថវិការាប់សិបពាន់លានដុង។ ក្រោយពីបន្ទប់រៀនបានដាក់ឱ្យប្រើប្រាស់ សាលាបំពេញតាមតម្រូវការមូលដ្ឋានសម្ភារៈដើម្បីគ្រូបង្ហាត់បង្រៀនបានល្អ សិស្សសិក្សាបានងាយស្រួល”។

ក្រៅពីការវិនិយោគមូលដ្ឋានសម្ភារៈ បំពាក់ឧបករណ៍បង្រៀន តាំងពីបន្ទប់រៀនភាសាបរទេសរហូតដល់បន្ទប់កុំព្យូទ័រ បានផ្នែកអប់រំយកចិត្តទុកដាក់វិនិយោគ បង្កើនកម្រិតជាប្រចាំ។ លោក ង្វៀងភុកតាំង អនុប្រធានមន្ទីរអប់រំនិងបណ្តុះបណ្តាលក្រុងកឹងធើ ឱ្យដឹង៖ “ផ្នែកអប់រំតែងយកចិត្តទុកដាក់វិនិយោគមូលដ្ឋានសម្ភារៈ បំពាក់ឧបករណ៍បង្រៀន និងកសាងកងជួរគ្រូបង្រៀន ប្រកបដោយគុណភាពសម្រាប់សាលាជនជាតិអន្តេវាសិកក្រុងកឹងធើ ដើម្បីឆ្លើយតបតម្រូវការបណ្តុះបណ្តាលប្រភពធនធានមនុស្សជនជាតិភាគតិចសម្រាប់ក្រុង។ ក្រុងក៏អនុវត្តល្អនូវអនុក្រឹត្យលេខ៨១/២០០១/NĐ-CP កំណត់អំពីយន្តការគ្រប់គ្រងថ្លៃសិក្សាសម្រាប់មូលដ្ឋានអប់រំ ចំណុះប្រព័ន្ធអប់រំជាតិនិងគោលនយោបាយកាត់បន្ថយលើកលែងថ្លៃសិក្សា ឧបត្ថម្ភចំណាយក្នុងការរៀនសូត្រជាដើមដល់សិស្សនិស្សិតជនជាតិភាគតិច”។

តាមប្រសាសន៍លោកឡេទ្រុងកៀង ក្រុងបានចលនាដល់អង្គភាព និងសប្បុរសជននានាឧបត្ថម្ភ ១០០% លើការចំណាយរៀនសូត្រពីរពេលក្នុងមួយថ្ងៃ បង់ធានារ៉ាប់រងសុខាភិបាលធានារ៉ាប់រងគ្រោះថ្នាក់ ជូនសិក្ខូបករណ៍និងកង់ដល់សិស្សជនជាតិភាគតិចរាល់បវេសនកាល។ ផ្ដើមពីនោះ បង្កលក្ខណៈងាយស្រួលដល់សិស្សជនជាតិភាគតិចបានសិក្សារៀនសូត្រ រួមចំណែកកាត់បន្ថយស្ថានភាពសិស្សជនជាតិភាគតិចបោះបង់ការសិក្សាពាក់កណ្ដាលការទាបបំផុត។ បងស្រីសើុងធីសាឡាង នៅភូមិថើយទ្រឿង ១ ឃុំថើយស្វឹង ស្រុកកើ-ដ ឱ្យដឹង៖ “បវេសនកាលឆ្នាំនេះ កូនស្រីខ្ញុំចូលរៀនថ្នាក់ទី ៦ ត្រូវទៅរៀនដល់មជ្ឈមណ្ឌលឃុំ ដូច្នេះ កូនខ្ញុំបានភូមិភាគឧទ្ទេសនាមដល់សប្បុរសជនជូនកង់សម្រាប់ជិះទៅរៀន។ ពេលមានកង់កូនខ្ញុំអាចជិះទៅរៀនដោយខ្លួនឯង ដូច្នេះខ្ញុំមានពេលវេលាចិញ្ចឹមសត្វ ចំណែកប្តីខ្ញុំទៅធ្វើការឯទីរួមស្រុក៕

ហាថាញ- ប្រែសម្រួល៖ ទីទុយ

ចែករំលែកអត្ថបទ

ពាក្យគន្លឹះ