ព្រឹត្តិការណ៍ - នយោបាយ ព្រឹត្តិការណ៍

03/02/2025 - 15:45

កាសែតកឹងធើ ជូនអំណោយដល់នារីដែលមានស្ថានភាពលំបាកនៅស្រុកថើយឡាយ

កាលពីថ្ងៃទី ២១ ខែមករា ឆ្នាំ២០២៥ សាខាបក្ស៥ ចំណុះបក្ខភាគកាសែតកឹងធើ បានសហការជាមួយនឹងសមាគមសហព័ន្ធនារីស្រុកថើយឡាយ ក្រុងកឹងធើ រៀបចំកម្មវិធី “និទាឃរដូវនៃក្តីស្រឡាញ់” ជូនអំណោយដល់នារីដែលមានស្ថានភាពលំបាក ដើម្បីអំណរចូលឆ្នាំថ្មីអឹកទី ២០២៥។

តំណាងថ្នាក់ដឹកនាំស្រុកថើយឡាយ និងតំណាងកាសែតកឹងធើ ជូនអំណោយដល់
បងប្អូននារីដែលមានស្ថានភាពលំបាក។

បងប្អូននារី ៤៥ នាក់ដែលមានស្ថានភាពលំបាកនៅទីប្រជុំជនថើយឡាយ និងឃុំទ្រឿងថាំង ស្រុកថើយឡាយ ក្រុងកឹងធើ បានទទួលអំណោយ។ អំណោយក្នុងមួយចំណែកគិតជាតម្លៃ ៥០០.០០០ ដុង អាស្រ័យសាខាបក្ស៥ ចលនាក្រុមហ៊ុនទទួលខុសត្រូវមានកម្រិតសមាជិកមួយ សេវាកម្មអនាម័យជំនាញបាវក្វាងកឹងធើ; ធនាគារ Agribank សាខាថើយឡាយ-កឹងធើ II និងលោកហ្វិញមិញទូ អាណិកជនអាមេរិកធ្វើហិរញ្ញប្បទាន។

សកម្មភាពខាងលើ សំដៅអនុវត្តទម្រង់ឧបត្ថម្ភចំពោះស្ថានភាពដែលគួរឱ្យអាណិតក្នុងទម្រង់ “ប្រជាចលនាប៉ិនប្រសប់” អំពីការងារសប្បុរសធម៌សង្គម អាស្រ័យបក្ខភាគកាសែតកឹងបង្កើតនិងបំផុស។ ឆ្នាំ២០២៤ ការងារនេះ បានទាក់ទាញការចូលរួមពីសំណាក់អង្គការនិងសប្បុរសជនជាច្រើន តាមរយៈនោះ បានរួមចំណែកក្នុងការអប់រំមនុស្សធម៌ ស្មារតីជួយគ្នាទៅវិញទៅមករបស់កម្មាភិបាល អ្នកសារព័ត៌មាន សមាជិកសហជីពស្ថាប័ន។ សរុបទឹកប្រាក់ចលនាក្នុងឆ្នាំ ២០២៤ បានជាង១ពាន់លានដុង៕

ហាថាញ-មុនី

ចែករំលែកអត្ថបទ

ពាក្យគន្លឹះ