សន្តិសុខ - ការពារប្រទេស ការពារប្រទេស

30/12/2024 - 12:07

អនុវត្តល្អការស្វែងរកជួយសង្គ្រោះលើលំហសមុទ្រ

កងនាវាចរណ៍ការពារព្រំដែនលេខ២ ចំណុះកងទ័ពការពារព្រំដែនខេត្តសុកត្រាំង ជាអង្គភាពចល័ត ប្រយុទ្ធនៅលើលំហសមុទ្រ បានប្រគល់ភារកិច្ចគ្រប់គ្រងការពារអធិបតេយ្យដែនសមុទ្ររបស់ខេត្តសុកត្រាំង។ អង្គភាពបានអនុវត្តល្អនូវភារកិច្ចស្វែងរកនិងជួយសង្គ្រោះនៅលើលំហសមុទ្រ រួមចំណែកកាត់បន្ថយការបាត់បង់អាយុជីវិតមនុស្សនិងទ្រព្យសម្បត្តិរបស់ប្រជាជននៅតំបន់ព្រំដែនសមុទ្រ។

កប៉ាល់របស់កម្មាភិបាលយុទ្ធជនកងនាវាចរណ៍ការពារព្រំដែនលេខ ២
ល្បាតត្រួតពិនិត្យនៅលើលំហសមុទ្រ។

កំណត់ច្បាស់ការស្វែងរកនិងជួយសង្គ្រោះនៅលើលំហសមុទ្រ គឺជាភារកិច្ចសំខាន់ជាប្រចាំនិងបន្តបន្ទាប់ គណៈកម្មាធិការបក្ស គណៈបញ្ជាការអង្គភាព តែងរៀបចំបញ្រ្ជាបទិសស្លោក “៤ នៅនឹងកន្លែង” រួមមាន៖ បញ្ជាការនៅនឹងកន្លែង; កម្លាំងនៅនឹងកន្លែង; មធ្យោបាយគ្រឿងបរិក្ខារនៅនឹងកន្លែង និងព័ស្តុភារនៅនឹងកន្លែង។ ក្នុងឆ្នាំ ២០២៤ អង្គភាពស្វែងរក ជួយសង្គ្រោះជោគជ័យ២ករណី ដោយមានមធ្យោបាយ ២ គ្រឿង និងនាវិក ១៨ នាក់។ វរសេនីយ៍ ត្រីង្វៀងជីតូង អនុប្រធានក្រុមនាវិកកប៉ាល់ BP ១៨.៩៨.០១ ឱ្យដឹង៖ “លំបាកបំផុតគឺការស្វែងរកជួយសង្គ្រោះជនរងគ្រោះនៅពេលយប់ អាកាសធាតុមិនល្អ រលកធំ ខ្យល់ខ្លាំង បោកបក់ខ្លាំងៗមកបះកប៉ាល់ ឱ្យតែធ្វេសប្រហែសបន្តិចនឹងញុាំងឱ្យគ្រប់យ៉ាងក្លាយជាស្មុគស្មាញ។ ព្រោះហេតុនោះ បងប្អូនក្នុងកងចាំបាច់ត្រូវតែរហ័សរហួន ជាក់លាក់ដើម្បីកៀកជិតនិងដាក់ចេញនូវវិធានការជួយសង្គ្រោះទាន់ពេល។ ពេលខ្លះអាកាសធាតុមិនល្អ ហេតុនោះការកៀកជិតកប៉ាល់ រងគ្រោះត្រូវចំណាយពេលច្រើន ប៉ុន្តែជាមួយនឹងការប្តេជ្ញាចិត្តខិតខំប្រឹងប្រែងរបស់ក្រុមការងារ គឺជួយសង្គ្រោះជោគជ័យ នាំអ្នកនេសាទនិងកប៉ាល់រងគ្រោះមកកាន់ទីសុវត្ថិភាព។ ផ្តើមពីនោះ មនោសញ្ចេតនារវាងកងទ័ពនិងអ្នកនេសាទ កាន់តែរឹតបន្តឹងពីមួយថ្ងៃទៅមួយថ្ងៃ”។

តាមប្រសាសន៍វរសេនីយ៍ត្រី ត្រឹងហ្វាងថាយ ប្រធានកងនាវាចរណ៍ការពារព្រំដែនលេខ ២ ជាមួយនឹងទិសស្លោក “ប្តេជ្ញាចិត្ត-ទាន់ពេល-ប្រសិទ្ធភាព” កងនាវាចរណ៍ការពារព្រំដែនលេខ ២ តែង រក្សាកប៉ាល់ ០១ គ្រឿងធ្វើសកម្មភាព ដោយមានកម្មាភិបាលយុទ្ធជន ០៦ នាក់ប្រចាំការនៅកំពង់ផែ ត្រៀមចល័តជួយសង្គ្រោះនៅលើលំហសមុទ្រ ពេលមានហេតុការណ៍កើតឡើង; ធ្វើសេនាធិការជូនគណៈបញ្ជាការបង្ការទប់ស្កាត់គ្រោះធម្មជាតិ ស្វែងរកនិងជួយសង្គ្រោះគ្រប់លំដាប់ថ្នាក់ អនុវត្តបានល្អនូវកិច្ចសហការទប់ស្កាត់គ្រោះថ្នាក់ដល់ទូកកប៉ាល់នៅលើលំហសមុទ្រ។ ពេលមានខ្យល់ព្យុះ ឬសម្ពាធទាបកើតឡើងនៅជិតច្រាំង អង្គភាពប្រចាំការត្រៀមកម្លាំង ១០០% ត្រៀម “បញ្ចេញកម្លាំង” តាមការបញ្ជារបស់ថ្នាក់លើ ពេលមានហេតុការណ៍កើតឡើង; រៀបចំនិងរក្សាតឹងរឹងនូវរបបប្រចាំការប៉មយាម ស្វែងរកនិងជួយសង្គ្រោះទាំងយប់ទាំងថ្ងៃ ដើម្បីទទួលព័ត៌មានទាក់ទងដល់ការងារបង្ការទប់ស្កាត់គ្រោះធម្មជាតិ ស្វែងរកនិងជួយសង្គ្រោះអ្នកនេសាទដែលកំពុងធ្វើនេសាទលើលំហសមុទ្រ។

កងនាវាចរណ៍ការពារព្រំដែនលេខ ២ នៅទាំងធ្វើបានល្អការដើរល្បាត ត្រួតពិនិត្យតស៊ូ បង្ការប្រឆាំងបទល្មើសរត់គយ គៃបន្លំពាណិជ្ជកម្មនៅលើលំហសមុទ្រ; ឃោសនា ផ្សព្វផ្សាយច្បាប់ដល់អ្នកនេសាទ ដូចជា៖ ច្បាប់ស្តីពីព្រំដែនជាតិ ច្បាប់សមុទ្រវៀតណាម; ចលនាអ្នកនេសាទច្បាមដែននេសាទ ដើម្បីទាញយកជលផលនិងផលសមុទ្រ; មិនបំពានដែនសមុទ្រប្រទេសជិតខាងពេលធ្វើនេសាទនៅលើលំហសមុទ្រ។ល។ ឆ្លងតាមរយៈនោះ កងនាវាចរណ៍ការពារព្រំដែនលេខ ២ កាន់តែអំណះអំណាងជាកម្លាំងស្នូលក្នុងការជួយសង្គ្រោះ និងជាទីបង្អែករបស់អ្នកនេសាទនៅតំបន់ព្រំដែនសមុទ្ររបស់ខេត្ត៕

លីធាន-វិមាន

ចែករំលែកអត្ថបទ

ពាក្យគន្លឹះ