ព្រឹត្តិការណ៍ - នយោបាយ ព្រឹត្តិការណ៍

16/12/2024 - 09:14

បង្កើនកិច្ចសហការគ្រប់គ្រង ការពារព្រំដែនវៀតណាម-កម្ពុជា

នៅទីក្រុងហូជីមិញ បញ្ជាការដ្ឋានកងទ័ពការពារព្រំដែន (ក្រសួងការពារប្រទេសនៃសាធារណរដ្ឋសង្គមនិយមវៀតណាម) សហការជាមួយបញ្ជាការដ្ឋានកងទ័ពជើងគោកនៃកងយោធពលខេមរភូមិន្ទកម្ពុជា រៀបចំកិច្ចប្រជុំពិភាក្សាកិច្ចសហការគ្រប់គ្រង ការពារនិងរក្សាសន្តិសុខ សណ្តាប់ធ្នាប់តាមបន្ទាត់ព្រំដែនវៀតណាម-កម្ពុជា។

លោកឧត្តមសេនីយ៍ទោ ឡេឌឹកថាយ សមាជិកមជ្ឈិមបក្ស សមាជិកគណៈកម្មាធិការយោធាមជ្ឈិម មេបញ្ជាការដ្ឋានកងទ័ពការពារព្រំដែន និងលោកឧត្តមសេនីយ៍ឯក ម៉ៅសុផាន់ មេបញ្ជាការដ្ឋានកងទ័ពជើងគោកនៃកងយោធពលខេមរភូមិន្ទកម្ពុជា ចុះហត្ថលេខានិងប្រគល់ឯកសារកំណត់ហេតុទៅវិញទៅមក។

នៅក្នុងកិច្ចប្រជុំ ភាគីទាំងពីរបានវាយតម្លៃថា ឆ្នាំ២០២៤ ភាគីទាំងពីរបានអនុវត្តការងារយ៉ាងមានប្រសិទ្ធភាពនៃកិច្ចសហការ រក្សារឹងមាំសន្តិសុខ សណ្តាប់ធ្នាប់ព្រំដែននៃប្រទេសទាំងពីរ សកម្មកសាងព្រំដែនសន្តិភាព ស្ថិរភាពសហប្រតិបត្តិការនិងអភិវឌ្ឍន៍ សហការយ៉ាងជិតស្និទ្ធក្នុងការរក្សាសន្តិសុខនយោបាយ សណ្តាប់ធ្នាប់ សុវត្ថិភាពសង្គម សើុបអង្កេត ទប់ស្កាត់បទល្មើសតាមព្រំដែន។ ចាប់តាំងពីបើកកិច្ចប្រជុំនៅខែមេសា ឆ្នាំ២០២៣ មកទល់នឹងបច្ចុប្បន្ន ភាគីទាំងពីរបានសហការរៀបចំដើរល្បាតទ្វេភាគីបានជិត ១០០ លើក ដោយមានកម្មាភិបាល យុទ្ធជនចូលរួមជាង ២ ពាន់លើកនាក់ រួមចំណែកក្នុងការគ្រប់គ្រង ការពារនិងរក្សាស្ថិរភាពតំបន់ព្រំដែន ប្រព័ន្ធបង្គោលព្រំដែនជាតិ បង្កលក្ខណៈងាយស្រួលដល់ស្ថាប័នកិច្ចការព្រំដែនមជ្ឈិមនៃប្រទេសទាំងពីរ អនុវត្តឱ្យបានសម្រេចរួចរាល់ការងារកំណត់សីមាបោះបង្គោលព្រំដែនដីគោក សកម្មក្នុងការដោះដូរព័ត៌មាន សហការចាប់ឃាត់ខ្លួននិងចាត់វិធានការរាល់ករណីពាក់ព័ន្ធបទល្មើសគ្រប់ប្រភេទ រួមចំណែកក្នុងការធានាសន្តិសុខ សណ្តាប់ធ្នាប់សុវត្ថិភាពសង្គមតំបន់ព្រំដែននៃប្រទេសទាំងពីរ។

ការងារទំនាក់ទំនងគណៈប្រតិភូគ្រប់លំដាប់ថ្នាក់ ត្រូវបានភាគីទាំងពីររក្សាជាប្រចាំ ដោយមានគណៈប្រតិភូជាង ៤៤០ ក្រុម មានកម្មាភិបាលចូលរួមជាង ២ ពាន់លើកនាក់ តាមរយៈនោះ បានរួមចំណែកបង្កើនទំនាក់ទំនងសាមគ្គីភាព មិត្តភាព និងពង្រឹងទំនុកចិត្តនយោបាយរវាងកងកម្លាំងនៃប្រទេសទាំងពីរ។ កិច្ចទំនាក់ទំនងមិត្តភាព រវាងប៉ុស្តិ៍ដំណាក់ការពារព្រំដែន និងសេនាធិការមិត្តភាព បណ្ដុំតាំងទីលំនៅរបស់ប្រជាជននៅសងខាងព្រំដែន ទំនាក់ទំនងនាយទាហានវ័យក្មេង ទទួលបន្តបានការយកចិត្តទុកដាក់ពីភាគីទាំងសងខាង៕

យោង៖ www.bienphong.com.vn-មុនី 

ចែករំលែកអត្ថបទ

ពាក្យគន្លឹះ