សន្តិសុខ - ការពារប្រទេស ការពារប្រទេស

18/11/2024 - 15:53

ប្រសិទ្ធភាពនៃគម្រោងលេខ ១៣៧១

កងទ័ពការពារព្រំដែនខេត្តសុកត្រាំង អនុវត្តមានប្រសិទ្ធភាពនូវគម្រោង “លើកកម្ពស់តួនាទីរបស់កម្លាំងកងទ័ពប្រជាជនក្នុងការចូលរួមផ្សព្វផ្សាយអប់រំច្បាប់ ចលនាប្រជាជនអនុវត្តច្បាប់នៅមូលដ្ឋាន” ដំណាក់កាល២០២១-២០២៧ (”ហៅកាត់ថា គម្រោងលេខ ១៣៧១”)។ ផ្តើមពីនោះ រួមចំណែកលើកកម្ពស់ការយល់ដឹងនិងស្មារតីគោរពច្បាប់ដល់កម្មាភិបាលនិងប្រជាជននៅតំបន់ព្រំដែនសមុទ្រ ធានាសន្តិសុខនយោបាយសណ្តាប់ធ្នាប់សុវត្ថិភាពសង្គមនៅលើភូមិសាស្រ្តខេត្ត។

កម្មាភិបាល យុទ្ធជនកងទ័ពការពារព្រំដែនឃោសនា ផ្សព្វផ្សាយអប់រំច្បាប់ដល់អ្នកនេសាទ។

តាមប្រសាសន៍លោកវរសេនីយ៍ឯក ង្វៀងទ្រីវម៉េន ស្នងការនយោបាយនៃកងទ័ពការពារព្រំដែនខេត្តសុកត្រាំង បានឱ្យដឹង ក្រោយពីរយៈពេល៣ឆ្នាំអនុវត្តគម្រោងលេខ ១៣៧១ កងទ័ពការពារព្រំដែនខេត្ត បានផ្តុំកម្លាំង ពង្រឹងកងជួរកម្មាភិបាលបំពេញការងារផ្សព្វផ្សាយអប់រំច្បាប់ ចាប់ពីថ្នាក់ខេត្តដល់មូលដ្ឋាន និងបានបំពាក់បំប៉ន ហ្វឹកហាត់ ដើម្បីលើកកម្ពស់សមត្ថភាពប្រតិបត្តិការ; បង្កើតនិងរក្សាសកម្មភាពមានប្រសិទ្ធភាពក្រុមផ្សព្វផ្សាយច្បាប់នៅតាមប៉ុស្តិ៍ការពារព្រំដែន។ មកដល់ពេលនេះ កងទ័ពការពារព្រំដែនខេត្តសុកត្រាំង មានវាគ្មិនផ្នែកច្បាប់០១ នាក់ នៅថ្នាក់មេបញ្ជាការដ្ឋានកងទ័ពការពារព្រំដែន វាគ្មិនផ្នែកច្បាប់០៥នាក់ នៅថ្នាក់កងទ័ពការពារព្រំដែនខេត្តនិងមានវាគ្មិនផ្សព្វផ្សាយច្បាប់ ២២នាក់នៅថ្នាក់មូលដ្ឋាន។ បណ្តាស្ថាប័ននិងអង្គភាពទាំងអស់នៃកងទ័ពការពារព្រំដែនខេត្តបានរៀបចំ “ទិវាច្បាប់” បាន៥២១លើក ទាក់ទាញកម្មាភិបាលជាង៥.៥០០នាក់ចូលរួម; រៀបចំផ្សព្វផ្សាយជាលក្ខណៈប្រមូលផ្តុំបាន២៧លើក ដោយមានអ្នកស្តាប់ចំនួន២.៨០០នាក់; ផ្សព្វផ្សាយរាយប៉ាយដល់ប្រជាជន ១២.៦៨៥គ្រួសារ; ចែកខិត្តប័ណ្ណផ្សព្វផ្សាយជាង៤០.០០០សន្លឹក។ល។ ឆ្លងតាមរយៈនោះ បានរួមចំណែកលើកកម្ពស់ការយល់ដឹងដល់កម្មាភិបាល យុទ្ធជននៃអង្គភាពនិងប្រជាជន ឱ្យគោរពតាមបទប្បញ្ញត្តិនៃច្បាប់និងលក្ខន្តិកៈ សេចក្តីកំណត់នានាអំពីតំបន់ការពារព្រំដែនសមុទ្រ។

លោកវរសេនីយ៍ត្រី ហូមិញធៀង ស្នងការនយោបាយប៉ុស្តិ៍ការពារព្រំដែនវិញហាយ មានប្រសាសន៍៖ “អង្គភាពតែងសហការជិតស្និទ្ធជាមួយគណៈកម្មការនិងព្រះចៅអធិការវត្តនានា ដើម្បីរៀបចំការផ្សព្វផ្សាយព័ត៌មាន គោលនយោបាយច្បាប់ សកម្មភាពរបស់រដ្ឋនិងរដ្ឋអំណាចមូលដ្ឋាន។ ផ្សព្វផ្សាយពីឧបាយកលរបស់អានុភាពអមិត្តខាងក្រៅ ដែលមានបំណងបំបែកបំបាក់ធ្លុងមហាសាមគ្គីជនជាតិនិងសាសនា ។ល។ ដល់ព្រះសង្ឃនិងជនរួមជាតិខ្មែរ ក្នុងឱកាសបុណ្យទាននិងចូលឆ្នាំថ្មី។ អាស្រ័យហេតុនេះ ជនរួមជាតិបានលើកកម្ពស់ស្មារតីចូលរួមសកម្មភាពសាសនា ត្រូវតាមគោលលំនាំ “អនុវត្តល្អការងារសង្គម ប្រតិបត្តិល្អការងារសាសនា” រួមកម្លាំងកសាងជីវភាពវប្បធម៌នៅតំបន់តាំងទីលំនៅ រួមចំណែករក្សាស្ថិរភាពនយោបាយ សន្តិសុខសណ្តាប់ធ្នាប់សង្គមនៅតំបន់ព្រំដែនសមុទ្រ”។ លោកវរសេនីយ៍ត្រី សុកឌុង ស្នងការនយោបាយរងនិងជាប្រធានក្រុមចលនាមហាជននៅប៉ុស្តិ៍ការពារព្រំដែនឡាយហ្វា មានប្រសាសន៍៖ “អង្គភាពតែងយកចិត្តទុកដាក់លើការច្នៃប្រតិដ្ឋ អនុវត្តប្រកបដោយភាពបត់បែន និងធ្វើពិពិធកម្ម ទម្រង់រូបភាព និងវិធីសាស្ត្រនៃការឃោសនា ផ្សព្វផ្សាយអប់រំច្បាប់ ដើម្បីឱ្យកងទ័ពនិងជនរួមជាតិខ្មែរងាយយល់ ងាយចាំនិងងាយអនុវត្តជាក់ស្តែង។ ជាពិសេស គឺផ្សព្វផ្សាយពីវេទិកាសិក្ខាសាលានិងរៀបចំការផ្សព្វផ្សាយច្បាប់តាមរយៈល្ខោនសម្តែង។ ពិធីប្រឡងស្វែងយល់ច្បាប់ដោយរូបភាពនៃការធ្វើតេស្ត; ផ្សព្វផ្សាយពីគំរូមនុស្សល្អ ការងារល្អក្នុងការគោរពច្បាប់និងក្រឹត្យវិន័យ...៕

លីធាន - បកប្រែ៖ សុផន

ចែករំលែកអត្ថបទ

ពាក្យគន្លឹះ