ព្រឹត្តិការណ៍ - នយោបាយ ព្រឹត្តិការណ៍

07/10/2024 - 16:16

អប់រំបំណិនជីវិតដល់សិស្សជនជាតិភាគតិចនៅត្រាវិញ

គណៈកម្មការកិច្ចការភាគខាងត្បួង - មជ្ឈិមសមាគមសហព័ន្ធនារីវៀតណាម សហការជាមួយនឹងសមាគមសហព័ន្ធនារីខេត្តត្រាវិញ ទើបរៀបចំកិច្ចឃោសនាផ្សព្វផ្សាយអប់រំបំណិនជីវិតដល់សិស្សជនជាតិភាគតិចនៅសាលាអនុវិទ្យាល័យ- វិទ្យាល័យជនជាតិអន្តេវាសិកស្រុកថ្កូវ (ខេត្តត្រាវិញ)។

សិស្សានុសិស្សជាច្រើនចូលរួមក្នុងឱកាសអប់រំលើកកម្ពស់បំណិនជីវិត។

ចូលរួមក្នុងឱកាសឃោសនាផ្សព្វផ្សាយប្អូនៗទទួលបានការអប់រំលើកកម្ពស់ចំណេះដឹង បំណិនជីវិតដល់ប្អូនៗ ជាងនេះទៅទៀត ដើម្បីមានភាពជឿជាក់ជម្នះការប្រកាន់ផ្នត់គំនិតយេនឌ័រ; បង្ការទប់ស្កាត់ការរំលោភ រៀបការមិនទាន់គ្រប់អាយុ ជួញដូរមនុស្ស បង្ការទប់ស្កាត់ការលង់ទឹកជាដើម។ នេះគឺជាខ្លឹមសារប្រកបដោយភាពជាក់ស្ដែង សមស្របនិងចាំបាច់សម្រាប់កុមារលើភូមិសាស្រ្តស្រុកនិយាយរួម និងកុមារជនជាតិភាគតិចនិយាយដោយឡែក។

កម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១ - ២០៣០ ត្រូវបាននាយករដ្ឋមន្ត្រីនៃរដ្ឋាភិបាលផ្ដល់សច្ចានុមតិ រួមមាន ១០ គម្រោង។ ក្នុងនោះ សមាគមសហព័ន្ធនារីវៀតណាម ត្រូវបានប្រគល់ឱ្យទទួលរ៉ាប់រងលើគម្រោងទី ៨ “ការអនុវត្តសមភាពយេនឌ័រនិងដោះស្រាយនូវបញ្ហាចាំបាច់ចំពោះស្រ្តីនិងកុមារ”។ គម្រោងត្រូវបានអនុវត្តចំពោះខេត្ត ក្រុងចំនួន ៥១ ក្នុងទូទាំងប្រទេស ក្នុងនោះខេត្តត្រាវិញជាខេត្តមួយក្នុងចំណោមខេត្តចំនួន ១០ នៅតំបន់ភាគខាងត្បួងអនុវត្តគម្រោង។ មុខសញ្ញារបស់គម្រោង គឺស្រ្តីនិងកុមារនៅតាមឃុំ ភូមិលំបាកខ្លាំងក្នុងតំបន់ជនរួមជាតិភាគតិចនិងតំបន់ភ្នំ ជាមួយទិសដៅ៖ លើកកម្ពស់ការយល់ដឹង ផ្លាស់ប្ដូរផ្នត់គំនិត យកចិត្តទុកដាក់គិតគូរពីជីវភាពសម្ភារៈ ស្មារតីការពារថែទាំសុខភាពស្រ្តីនិងកុមារ អនុវត្តទិសដៅ សមភាពយេនឌ័រ។ កម្មវិធីរួមចំណែកជួយដល់ស្រ្តីជនជាតិភាគតិច ប្អូនៗសិស្សានុសិស្ស សកម្មក្នុងការប្ដូរការគិត ការប្រព្រឹត្ត ពង្រីកសក្ដានុភាព ឧត្តមភាពដើម្បីឈានឡើងម្ចាស់ការក្នុងជីវភាព និងកសាងគ្រួសារសុភមង្គល៕

ប្រភពៈ កាសែតច្បាប់វៀតណាម- ពេជ្រសឿន 

ចែករំលែកអត្ថបទ

ពាក្យគន្លឹះ