បន្ទាប់​ពី​ព្រឹត្តិ​ការណ៍ Olympic Paris ឆ្នាំ​២០២៤ បិទ​បញ្ចប់ កី​ឡា​វាយ​សី​ពិភព​លោក មាន​ការ​ចែក​ដៃ​គ្នា​គួរ​ឱ្យ​ស្រ​ណោះ។ អ្នក​ខ្លះ​លា​លះ​ពី​អា​ជីព អ្នក​ខ្លះ​លា​ពី​មិត្ត​រួម​ក្រុម ដើម្បី​ចាប់​គូ​ជួយ​ណែ​នាំ​សិស្ស​ប្អូន​ជំ​នាន់​ក្រោយ។ល។ ក្ដី​ស្រ​ណោះ​នេះ ដោយ​សារ​ពួក​គាត់​សុទ្ធ​តែ​ជា​កី​ឡា​ករ​ឆ្នើម។

​ កីឡា​ករ Lee Yang (ខាងឆ្វេង) និង​មិត្ត​រួម​ក្រុម​ទទួល​បាន​មេ​ដាយ​មាស​អូ​ឡាំ​ពិក​ឆ្នាំ ២០២៤។

ការ​លា​គ្នា​គួរ​ឱ្យ​ស្រ​ណោះ​បំ​ផុត​នោះ គឺ​កី​ឡា​កា​រិនី He Bing Jiao ម្ចាស់​មេ​ដាយ​ប្រាក់​អូ​ឡាំ​ពិក ឆ្នាំ ២០២៤។ នាង​ជា​កីឡា​កា​រិនី​ជន​ជាតិ​ចិន​ថ្នឹក​ដៃ​ឆ្វេង មាន​ស្មារតី​នឹង​នរ​ក្នុង​ការ​ប្រ​កួត និង​មាន​អា​កប្ប​កិរិ​យា​ប្រ​កួត​ល្អ​អស្ចារ្យ។ ក្នុង​អា​ជីព​ប្រ​កួត​របស់​ខ្លួន អ្នក​គាំ​ទ្រ មិន​ដែល​ឃើញ​នាង​ប្រើ​ល្បិច​ឬ​បង្ហាញ​អា​កប្ប​កិរិ​យា​មិន​សម​សួន​លើ​ទី​លាន​ឡើយ។ ពិសេស គឺ​អា​កប្ប​កិរិ​យា​គោ​រព​ចំ​ពោះ​ដៃ​គូ​និង​អ្នក​គាំ​ទ្រ។ នាង​តែង​វាយ​សម្រុក​នៅ​ពេល​មាន​ឱកាស​ម្តងៗ។ មិន​អាច​បដិ​សេធ​ទេព​កោ​សល្យ​របស់​នាង​ទេ ប៉ុន្តែ​ដោយ​សារ​រង​របួស​និង​មាន​អត្ត​ពលិក​ដ៏​ឆ្នើម​ជា​ច្រើន​ក្នុង​វ័យ​ស្រ​បាល​គ្នា​ទាំង​ក្នុង​និង​ក្រៅ​ប្រ​ទេស ធ្វើ​ឱ្យ​នាង​មិន​អាច​ផ្លោះ​ឡើង​បាន​ទៀត។ ដណ្តើម​បាន​មេ​ដាយ​ប្រាក់​ដ៏​មាន​តម្លៃ​នេះ គឺ​ជា​ការ​ខិត​ខំ​គួរ​ឱ្យ​សរ​សើរ​របស់​កីឡា​ការិនី​វាយ​សី​ដ៏​គួរ​ឱ្យ​ស្រ​ឡាញ់​រូប​នេះ។ ម្ចាស់​ជើង​ឯក​ពិភព​លោក​កីឡា​វាយ​សីខ្លឹម​សារ​គូ​បុរស-នារី​ជន​ជាតិ កូរ៉េ​ខាង​ត្បូង Chea Yu Jung ក៏​បាន​លា​លះ​ពី​អា​ជីព បន្ទាប់​ពី​ព្រឹត្តិ​ការណ៍​កីឡា​អូ​ឡាំ​ពិក​នេះ​ដែរ។ នេះ​ជា​ការ​លា​គ្នា​ដ៏​គួរ​ឱ្យ​ស្រ​ណោះ​របស់​ក្រុម​កូរ៉េ​ខាង​ត្បូង ប៉ុន្តែ​សម​ហេតុ​ផល​ពី​ព្រោះ កី​ឡាករ Chea មាន​អា​យុ​ជិត​៣០​ឆ្នាំ​ហើយ និង​គប្បី​បង្កើត​ឱ​កាស​ឱ្យ​យុវ​វ័យ​បាន​ចូល​ក្រុម​ជម្រើស​ផង។

ឯត​ទគ្គ​ជន​ខ្លឹម​សារ​គូ​បុរស​តៃ​វ៉ាន់ Lee Yang ក៏​បាន​លា​លះ​ពីអា​ជីព ធ្វើ​ជា​គ្រូ​បង្វឹក​បន្ទាប់​ពី​រួម​ជា​មួយ​មិត្ត​រួម​ក្រុម​ការ​ពារ​មេ​ដាយ​មាស​អូ​ឡាំ​ពិក​ដោយ​ជោគ​ជ័យ។ ស្នា​ដៃ​របស់​ពួក​គាត់​ប្រ​ហែល​ជា​នឹង​ពិ​បាក​មាន​គូ​ណា​បំ​បែក​បាន​ក្នុង​ពេល​ដ៏​វែង​ខាង​មុខ​នេះ។ល។ អតីត​មិត្ត​រួម​ក្រុម​របស់ Yang គឺ​កី​ឡា​ករ Wang Chi Lin នឹង​ចាប់​ដៃ​គូ​ជា​មួយ​កី​ឡា​ករ​មាន​វ័យ​ក្មេង​ជាង ដើម្បី​ដឹក​នាំ​យុវ​វ័យ​ជំ​នាន់​ក្រោយ។ ការ​លា​គ្នា​គួរ​ឱ្យ​ស្រ​ណោះ ក្រោយ​ពី​បាន​ប្រ​កួត​គូជា​មួយ​គ្នា​អស់​១៣ ឆ្នាំ នោះ​គឺ គូ​បុរស​-នារី​ជន​ជាតិ​ជប៉ុន កីឡា​ករ Yuta Wantanabe និង​កីឡា​ការិនី Arisa Higashino។ នេះ​ក៏​ជា​គូបុរស​-នារី​ដែល​ការ​ពារ​មេ​ដាយ​សំ​រឹទ្ធ ដោយ​ជោគ​ជ័យ​ក្នុង​ព្រឹត្តិ​ការណ៍​អូ​ឡាំ​ពិក ឆ្នាំ​២០២៤។ គូ​នេះ​បាន​អ្នក​គាំ​ទ្រ​ស្រ​ឡាញ់​ពេញ​ចិត្ត​យ៉ាង​ខ្លាំង ពី​ព្រោះ​ពួក​គេ​លេង​យល់​ចិត្ត​គ្នា​និង​មាន​អា​កប្ប​កិរិ​យា​លេង​បាន​ល្អ។ បន្ទាប់​ពី​ពាន​រង្វាន់ Japan Open ៧៥០ លើ​ទី​លាន​ម្ចាស់​ផ្ទះ កី​ឡា​ករ Wantanabe នឹង​ប្រ​កួត​ជា​មួយ​កីឡា​ការិ​នី​កើត​ឆ្នាំ​២០០៥ នោះ​គឺ Maya Taguchi។ ចំ​ណែក​កីឡា​ការិនី Arisa នឹង​ល្បង​កម្លាំង​លើ​ខ្លឹម​សារ​គូនារី មិត្ត​រួម​ក្រុម​ថ្មី​របស់​នាង កំ​ពុង​បាន​ថ្នាក់​ដឹក​នាំ​ក្រុម​នារី​ជប៉ុន​ពិចារ​ណា​នៅ​ឡើយ។ គូនារី​លេខ​១ពិ​ភព​លោក​ក៏​បែក​គ្នា​ដែរ ក្រោយ​ឈ្នះ​មេដាយ​មាស Olymoic Paris។ នេះ​គឺ​ជា​គូ​បង្កើត​ឯតទគ្គ​កម្ម ពួក​គេ​បាន​សម្រេច​កម្រង​សមុច័្ចយ​មេ​ដាយ​នៃ​កីឡា​វាយ​សី​ពិ​ភព​លោក។ ការ​ចែក​ដៃ​គ្នា​នេះដើម្បី​ដឹក​នាំ​យុវ​វ័យ​ជំ​នាន់​ក្រោយ​មុន​ពេល​លា​លះ​អា​ជីព គឺ​ជា​ទិស​ដៅ​ដ៏​ត្រឹម​ត្រូវ​ដែល​ក្រុម​ជម្រើស​ចិន​អនុវត្ត​មាន​ប្រ​សិទ្ធ​ភាព​អស់​រយៈ​ពេល​ជា​ច្រើន​ឆ្នាំ។

ការ​ឈប់​ប្រ​ឡុក​លើ​ទី​លាន​វាយ​សី ខណៈ​ពេល​កំ​ពុង​ឈាន​ដល់​ចំ​ណុច​កំ​ពូល ប្រ​កួត​បាន​ល្អ​គឺ​មិន​មែន​ជា​ការ​ងាយ​ស្រួល​នោះ​ទេ។ ប៉ុន្តែ ប្រ​ការ​នោះ​ជា​អនុស្សាវ​រីយ៍​ដ៏​ល្អ​ក្នុង​ចិត្ត​អ្នក​គាំ​ទ្រ ពេល​និយាយ​ដល់​ពួក​គេ។ ការ​ស្ដាយ​ស្រ​ណោះ​របស់​អ្នក​គាំ​ទ្រ នឹង​បន្ត​ពី​ពេល​នេះ​រហូត​ដល់​ចុង​ឆ្នាំ ពេល​រាជ​នី Tai Tzu Ying និង Ratchanok Intanon ប្រ​កាស​ចែក​ដៃ​គ្នា៕

                                       ហា​ថាញ-វិមាន