ព្រឹត្តិការណ៍ - នយោបាយ ព្រឹត្តិការណ៍

02/09/2024 - 09:13

ក្រុងកឹងធើ រៀបចំពិធីខួបអនុស្សាវរីយ៍ ៧៩ ឆ្នាំទិវាបដិវត្តន៍ខែសីហាទទួលបានជោគជ័យនិងបុណ្យជាតិ២កញ្ញា

គណៈកម្មាធិការបក្សក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមក្រុងកឹងធើ ទើបរៀបចំពិធីខួបអនុស្សាវរីយ៍ ៧៩ ឆ្នាំ ទិវាបដិវត្តន៍ខែសីហាទទួលបានជោគជ័យ (១៩/៨/១៩៤៥ - ១៩/៨/២០២៤) និងបុណ្យជាតិនៃសាធារណរដ្ឋសង្គមនិយមវៀតណាម (២/៩/១៩៤៥ - ២/៩/២០២៤)។

អ្នកតំណាងចូលរួមក្នុងពិធីជួបជុំដើម្បីអបអរសាទរខួបអនុស្សាវរីយ៍លើកទី ៧៩ ឆ្នាំ ទិវាបដិវត្តន៍ខែសីហាទទួលបានជោគជ័យនិងទិវាបុណ្យជាតិ ២ កញ្ញា។ រូបថត៖ ថាយយុង

នៅក្នុងពិធីជួបជុំនេះ អ្នកតំណាងទាំងឡាយបានរំលឹកឡើងនូវប្រវេណីបដិវត្តន៍ដ៏ក្លាហានរបស់ប្រជាជាតិវៀតណាម។ មុននេះ ៧៩ ឆ្នាំ ប្រជាជនទូទាំងប្រទេសក្រោមការដឹកនាំរបស់បក្ស បានក្រោកឡើងព្រមៗគ្នាធ្វើបដិវត្តន៍ភ្លូកទឹកភ្លូកដី វាយកម្ទេចនឹមត្រួតត្រាអាណានិគមនិយមបារាំង និងហ្វាស៊ិសជប៉ុន ផ្តួលរលំរបបសក្តិភូមិរាប់ពាន់ឆ្នាំ។ ថ្ងៃទី ២ ខែកញ្ញា ឆ្នាំ ១៩៤៥ នៅទីលានបាឌិញ (ហាណូយ) ជំនួសមុខរដ្ឋាភិបាលបណ្តោះអាសន្ន លោកប្រធានហូជីមិញ អានសេចក្តីប្រកាសឯករាជ្យ បង្កើតប្រទេសសាធារណរដ្ឋប្រជាធិបតេយ្យវៀតណាម ជារដ្ឋកម្មករ- កសិករដំបូងនៅអាស៊ីអាគ្នេយ៍ (បច្ចុប្បន្ន ជាសាធារណរដ្ឋសង្គមនិយមវៀតណាម)។ បដិវត្តន៍ខែសីហា ទទួលបានជោគជ័យ និងប្រទេសសាធារណរដ្ឋប្រជាធិបតេយ្យវៀតណាម ត្រូវបានបង្កើតឡើង បើកទំព័រប្រវត្តិសាស្ត្រដ៏ត្រចះត្រចង់របស់ប្រជាជាតិ ជំរុញប្រទេសយើងឆ្ពោះទៅកាន់យុគសម័យថ្មី យុគឯករាជ្យ ប្រជាជាតិ ផ្សារភ្ជាប់នឹងសង្គមនិយម។ ប្រជាជនយើង បានរើបម្រះពីស្ថានភាពទាសករ ក្រោកឡើងធ្វើជាម្ចាស់ទឹកដី និងសម្រេចជោគវាសនាដោយខ្លួនឯង។

ឈុតសម្ដែងសិល្បៈស្វាគមន៍ក្នុងពិធីជួបជុំអបអរសាទរខួបលើកទី ៧៩ ឆ្នាំ ទិវាបដិវត្តន៍ខែសីហា ទទួលបានជោគជ័យនិងទិវាបុណ្យជាតិ ២ កញ្ញា។ រូបថត៖ ថាយយុង

រួមជាមួយសម្ទុះបដិវត្តន៍ទូទាំងប្រទេស ព្រឹកថ្ងៃទី ២៦ ខែសីហា ឆ្នាំ១៩៤៥ ប្រជាជនប្រមាណជាង ២០.០០០ នាក់ នៅទីរួមខេត្តកឹងធើនិងក្នុងខេត្ត បាននាំគ្នាទៅកាន់ព្រលានបាល់ទាត់កឹងធើ ដើម្បីចូលរួមមិទ្ទិញទ្រង់ទ្រាយធំ; ទន្ទឹមនឹងនោះ បង្ហាញមុខគណៈកម្មាធិការរំដោះជាតិខេត្ត។ បន្ទាប់ពីនោះ ក្រុមបាតុករដើរដង្ហែក្បួនតាមដងវិថីក្នុងទីរួមខេត្ត ឆ្ពោះទៅវិមានសាតី។ នៅចំពោះមុខនៃការក្រោកឡើងរបស់មហាជន ចៅហ្វាយខេត្ត លឺវវ៉ាន់តាវ បង្ខំត្រូវតែប្រគល់រដ្ឋអំណាចឱ្យតំណាងនៃគណៈកម្មាធិការរំដោះជាតិ ព្រមទាំងប្រកាសរំសាយរដ្ឋអំណាចអាយ៉ងក្នុងទូទាំងខេត្ត។ ថ្ងៃទី ២៨ ខែសីហា ឆ្នាំ ១៩៤៥ គណៈកម្មាធិការរដ្ឋបាលណាមបូ បានចេញសេចក្តីប្រកាសបង្កើតគណៈកម្មាធិការប្រជាជនខេត្តកឹងធើ អាស្រ័យសមមិត្ត ត្រឹងវ៉ាន់ខែវ ធ្វើជាប្រធាន។ ព្រឹត្តិការណ៍នយោបាយដ៏សំខាន់នេះ ឋិតថេរជាងកន្លះសតវត្សរ៍នៃរបបអាណានិគម សក្តិភូមិ លើមាតុភូមិកឹងធើ ត្រូវបានបញ្ចប់ជួយឱ្យប្រជាជនកឹងធើ ឆ្ពោះទៅកាន់យុគសម័យថ្មីនៃឯករាជ្យ សេរីភាព។

ស្នងបន្តប្រវេណីបដិវត្តន៍ដ៏ក្លាហាន រយៈពេល ៧៩ ឆ្នាំកន្លង បក្ខភាគកឹងធើបានដឹកនាំចលនាបដិវត្តន៍ដណ្តើមបានជោគជ័យដ៏ត្រចះត្រចង់ជាច្រើន ជំរុញកឹងធើកាន់តែមានការរីកចម្រើន ជីវភាពប្រជាជនត្រូវបានលើកស្ទួយពីមួយថ្ងៃទៅមួយថ្ងៃ។ ហេដ្ឋារចនាសម្ព័ន្ធសេដ្ឋកិច្ចបង្វែរតាមទិសដៅកំណើនសមាមាត្រសេវាកម្មនិងឧស្សាហកម្ម ជាជំហានៗអំណះអំណាង ពីតួនាទីមជ្ឈមណ្ឌលនៃតំបន់វាលរាបទន្លេគឺវឡុង។ល។ មានមោទនភាពចំពោះបក្សដ៏រុងរឿង អ៊ំហូដ៏មហិមា ប្រជាជាតិវៀតណាមវីរភាព; ជឿជាក់លើការដឹកនាំដ៏ឈ្លាសវៃរបស់បក្សបដិវត្តន៍ពិតប្រាកដ និងកម្លាំងមហាសាមគ្គីទូទាំងប្រជាជាតិវៀតណាម ទូទាំងបក្ស ទូទាំងកងទ័ព ទូទាំងប្រជាជនក្រុងកឹងធើ ប្តេជ្ញាកសាងក្រុងកាន់តែស៊ីវិល័យទំនើប៕

PV-មុនី

ចែករំលែកអត្ថបទ

ពាក្យគន្លឹះ