យោងតាមសេចក្ដីកំណត់ត្រង់មាត្រា១១៦ ច្បាប់ដីធ្លី២០២៤ ទោះបីប្ដូរប្រភេទដីមិនចាំបាច់សុំច្បាប់ ប៉ុន្តែដោយមានការចុះបញ្ជីបម្រែបម្រួល ម្ល៉ោះហើយតម្រូវឱ្យសមស្របនឹងការរៀបគម្រោងប្លង់ដែលស្ថាប័នមានសមត្ថកិច្ចផ្ដល់សច្ចាប័ន។
![ការប្ដូរប្រភេទដីមិនចាំបាច់សុំច្បាប់ តើតម្រូវឱ្យសមស្របនឹងការរៀបគម្រោងប្លង់ដែរឬទេ?](https://baocantho.com.vn/image/fckeditor/upload/2024/20240618/images/khmer/33.jpg)
ការប្ដូរប្រភេទដីមិនចាំបាច់សុំច្បាប់ ប៉ុន្តែដោយមានការចុះបញ្ជីបម្រែបម្រួល ម្ល៉ោះហើយ
តម្រូវឱ្យសមស្របនឹងការរៀបគម្រោងប្លង់ ដែលស្ថាប័នមានសមត្ថកិច្ចផ្ដល់សច្ចាប័ន។
(រូបជាឧទាហរណ៍៖ luatvietnam.vn)។
សព្វថ្ងៃ ទោះបីជាមានចែងក្នុងច្បាប់ដីធ្លី ២០១៣ ឬច្បាប់ដីធ្លី២០២៤ គឺសុទ្ធតែរៀបរាប់ពីលក្ខខណ្ឌនៃករណីផ្លាស់ប្ដូរគោលដៅប្រើប្រាស់ដីត្រូវសុំច្បាប់។ ទោះបីដូច្នោះក៏ដោយ មិនមែនព្រោះហេតុ “មិនចាំបាច់សុំច្បាប់” គឺមិនតម្រូវធានាឱ្យសមស្របនឹងការរៀបគម្រោងប្លង់ ឬផែនការប្រើប្រាស់ដីក្នុងតំបន់នោះឡើយ។
យោងតាមមាត្រា១២៣ច្បាប់ដីធ្លី២០២៤ ដែនសមត្ថកិច្ចអនុញ្ញាតឱ្យផ្លាស់ប្ដូរគោលដៅ ប្រើប្រាស់ដីបានចែងយ៉ាងច្បាស់។ តាមរយៈនោះ ស្ថាប័នមានសមត្ថកិច្ចអនុវត្តការអនុញ្ញាតឱ្យផ្លាស់ប្ដូរគោលដៅប្រើប្រាស់ដី គឺគណៈកម្មាធិការប្រជាជនថ្នាក់ស្រុក។ ករណីក្រៅពីនេះ ជាដែនសមត្ថកិច្ចរបស់គណៈកម្មាធិការប្រជាជនថ្នាក់ខេត្ត។
ទោះបីជាដូច្នោះក៏ដោយ ក៏ទាមទារឱ្យមានមូលដ្ឋានច្បាស់លាស់នៅពេលពិនិត្យការផ្លាស់ប្ដូរគោលដៅប្រើប្រាស់ដី។ ជាក់ស្ដែង យោងតាមសេចក្ដីកំណត់ត្រង់ប្រការ៣ប្រការ ៥ មាត្រា១១៦ ច្បាប់ដីធ្លី២០២៤ មូលដ្ឋានដើម្បីផ្លាស់ប្ដូរគោលដៅប្រើប្រាស់ដីរួមមាន៖
- ចំពោះដីដែលចំណុះការដ្ឋាន គម្រោងត្រៀមអនុវត្តក្នុងឆ្នាំ គម្រោងរៀបចំដីស្នាក់នៅ; ដីផលិតកម្មសម្រាប់ជនរួមជាតិភាគតិច (បើមាន); ផ្ទៃដីសម្រាប់ដេញថ្លៃកម្មសិទ្ធិប្រើប្រាស់ដី គម្រោងដកហូតដីក្នុងឆ្នាំ គម្រោងរៀបចំទីតាំងលំនៅឋានឡើងវិញ ដីផលិតកម្មត្រៀមសងសំណងដល់អ្នកដែលមានដីដកហូត គឺផ្អែកលើ៖
ផែនការប្រើប្រាស់ដីប្រចាំឆ្នាំ ដែលថ្នាក់ស្រុក បានផ្ដល់សច្ចាប័ន។
សេចក្ដីសម្រេចវិនិយោគតាមសេចក្ដីកំណត់។
សេចក្ដីសម្រេចអនុញ្ញាតលើគោលការណ៍វិនិយោគ ទន្ទឹមជាមួយនឹងការយល់ព្រមវិនិយោគិន។
សេចក្ដីសម្រេចយល់ព្រមវិនិយោគិន។
ឯកសារផ្ដល់សច្ចានុម័តិលទ្ធផលជ្រើសរើស វិនិយោគិន៕
ប្រភពៈ luatvietnam.vn - បកប្រែ៖ ពេជ្រសឿន