សុខភាព - អប់រំ សុខភាព

22/04/2024 - 16:21

គប្បីព្យាបាលជាបន្ទាន់នៅពេលកុមារត្រូវរមួលពងស្វាស

មន្ទីរពេទ្យឯកទេសផ្នែកសម្ភព-កុមារសុកត្រាំង បានផ្ដល់អនុសាសន៍ដល់ឪពុកម្ដាយគប្បីនាំកុមារទៅពិនិត្យសុខភាព ឬពិនិត្យរកមើលដើម្បីឆាប់ប្រទះឃើញអាការៈរមួលពងស្វាសនិងពងស្វាសមិនទាន់ធ្លាក់ចុះ។

វេជ្ជបណ្ឌិតឯកទេសកម្រិត១ ក្វាច់តងឡាយ ពិនិត្យអ្នកជំងឺក្រោយពីធ្វើការវះ
កាត់អាការៈរមួលពងស្វាស។

តាមប្រសាសន៍វេជ្ជបណ្ឌិតឯកទេសកម្រិត១ ក្វាច់តងឡាយ ផ្នែកវះកាត់នៃមន្ទីរពេទ្យឯកទេសផ្នែកសម្ភព-កុមារ សុកត្រាំង អាការៈរមួលពងស្វាស គឺត្រូវសង្រ្គោះបន្ទាន់ដោយការវះកាត់ ត្រូវព្យាបាលឱ្យបានឆាប់ ដើម្បីជៀសវាងអាការៈប្រែប្រួលគ្រោះថ្នាក់។ ពងស្វាសមិនទាន់ធ្លាក់ចុះជាជំងឺពីកំណើត ប្រសិនបើមិនបានព្យាបាលទាន់ពេល ពងស្វាសនឹងបាត់មុខងារហើយអាចប្រឈមនឹងការកើតមហារីកទៀតផង។ ថ្មីៗនេះ មន្ទីរពេទ្យឯកទេសផ្នែកសម្ភព-កុមារសុកត្រាំង ទើបទទួលកុមារឈ្មោះ L.K.N អាយុ១២ឆ្នាំ នៅឃុំវិញភឿក ទីរួមខេត្តវិញចូវ បាននាំចូលមន្ទីរពេទ្យក្នុងអាការៈឈឺចុកចាប់ខ្លាំងនៅម្ដុំក្រលៀនខាងស្ដាំ។ ឆ្លងតាមរយៈពិនិត្យ ក៏ឃើញមានដុំពកនៅក្រលៀនខាងស្ដាំ; ស្ទាបប៉ះចំឈឺខ្លាំង ពងស្វាសខាងស្ដាំស្ថិតនៅតំបន់ក្រលៀនខាងស្ដាំ; បំពង់ក្នុងក្រលៀន (ប្រឡាយ inguinal) និងថង់ពងស្វាសខាងឆ្វេង ស្ទាបមិនឃើញពង ស្វាស។ លទ្ធផលឆ្លុះអេកូ ពងស្វាសទាំងពីរខាងមិនទាន់ធ្លាក់ មានអាការៈរមួលពងស្វាសខាងស្ដាំ កុមារត្រូវធ្វើការវះកាត់សង្រ្គោះបន្ទាន់ អំឡុងពេលវះកាត់នោះ ក៏ប្រទះឃើញពងស្វាសមានអាការៈរមួលពីរជុំ។ វេជ្ជបណ្ឌិត បានធ្វើការលាអាការៈនៃការរមួលនោះ ហើយរក្សាបានពងស្វាស។ ករណីនេះ អាស្រ័យនាំកុមារចូលមន្ទីរពេទ្យបានទាន់ពេល ទើបរក្សាបានពងស្វាស ចំណែកពងស្វាសខាងឆ្វេងមិនធ្លាក់នឹងត្រូវបានព្យាបាលនៅពេលក្រោយ។ ចំពោះករណីកុមារ N.V.M.K អាយុ៧ឆ្នាំ នៅស្រុកមីស្វៀង បាននាំចូលមន្ទីរពេទ្យក្នុងស្ថានភាពឈឺចុកចាប់ខ្លាំងតំបន់ក្រលៀនខាងស្ដាំ ប៉ុន្តែដោយសារអ្នកផ្ទះទុកយូរពេក ទើបជំងឺរបស់កុមារប្រែធ្ងន់។ តាមការពិនិត្យនិងអនុវត្តជំហាន paraclinical ធ្វើរោគវិនិច្ឆ័យពងស្វាស ឃើញថាពងស្វាសរមួលរយៈពេលយូរ កោសិកាពងស្វាសខូច ដូច្នោះ ត្រូវធ្វើការវះកាត់ សង្រ្គោះដើម្បីកាត់ពងស្វាស។

វេជ្ជបណ្ឌិតឯកទេសកម្រិត១ ក្វាច់តងឡាយ ឱ្យដឹង៖ “អាការៈរមួលពងស្វាស គឺជាបាតុភូតដែលពងស្វាសរងការបង្វិលជុំវិញអ័ក្សរបស់វា បង្កឱ្យស្ទះសរសៃឈាមចិញ្ចឹមពងស្វាស ប្រសិនបើមិនបានវះកាត់ទាន់ពេលនឹងបង្កឱ្យងាប់កោសិកាពងស្វាស ចាំបាច់ត្រូវកាត់ចេញ។ អាការៈរមួលពងស្វាសអាចកើតមានលើមនុស្សគ្រប់វ័យ ប៉ុន្តែភាគច្រើនកើតមានចំពោះកុមារ។ រោគសញ្ញានេះ តែងឈឺចុកចាប់ខ្លាំងត្រង់ម្ដុំក្រលៀន ថង់ពងស្វាសអាចមើលឃើញហើម ស្បែកពណ៌ស្វាយ មានអាការៈចង់ក្អួត ចង្អោរ អាការៈឈឺចុះចាប់កើនឡើងជាលំដាប់ ហើយឈឺរាលដាលបន្តិចម្តងៗពេញម្ដុំត្រគាក។ ការព្យាបាលរមួលពងស្វាសអាចអនុវត្តតាមវិធានការលាអាការៈរមួល ដើម្បីធ្វើឱ្យលំនឹងលំហូរនៃសរសៃឈាមដោយវិធីវះកាត់។ តាមរយៈ ការវះកាត់ក៏វាយតម្លៃជាក់លាក់អំពីការខូចខាតពងស្វាស និងដោះស្រាយបានជំងឺបំពង់មេជីវិតឈ្មោល សរសៃឈាមអមជាមួយ។ ចំណែកពងស្វាសមិនទាន់ធ្លាក់ជាជំងឺពីកំណើត ពងស្វាសម្ខាងឬទាំងពីរខាងរបស់កុមារមិនស្ថិតនៅត្រង់ថង់ពងស្វាស គឺស្ថិតនៅកន្លែងផ្សេង មានដូច៖ ស្ថិតក្នុងកន្សោមពងស្វាស ប្រឡាយ inguinal រន្ធ inguinal រាក់។ ដោយសារគ្មានថង់ ពងស្វាសងាយផ្លាស់ទីរត់ឡើង ចុះដូច្នោះកុមារមានពងស្វាសមិនធ្លាក់ងាយ រមួលពងស្វាស ប្រសិនបើមិនបានព្យាបាលទាន់ពេលទេ ពងស្វាសនឹងបាត់មុខងារ ប្រឈមនឹងកើតមហារីកខ្ពស់។ ឆ្នាំ២០២៣ វេជ្ជបណ្ឌិតឯកទេសផ្នែកវះកាត់ បានធ្វើការវះកាត់ករណីពងស្វាសមិនទាន់ធ្លាក់២៧ករណី និងរមួលពងស្វាស៨ករណី។ ដើម្បីឆាប់ដឹងពងស្វាសមិនទាន់ធ្លាក់និងរមួលពងស្វាសចំពោះកុមារ ឪពុកម្ដាយពេលងូតទឹកឱ្យកូនគប្បីយកចិត្តទុកដាក់ពិនិត្យមើលពងស្វាសទាំងសងខាងរបស់កុមារ ដើម្បីដឹងថាតើពងស្វាសពិតជាស្ថិតនៅត្រង់ថង់ពងស្វាសឬទេ។ ប្រសិនបើមិនឃើញ ទោះបីម្ខាងក្ដីក៏ត្រូវប្រញាប់យកកុមារទៅពិនិត្យនៅមូលដ្ឋានសុខាភិបាលឯកទេសកុមារ”៕

យ្វីអាញ- ថាច់ធី

ចែករំលែកអត្ថបទ

ពាក្យគន្លឹះ