គោលនយោបាយ -ការរស់នៅ ច្បាប់

22/01/2024 - 16:02

៩ករណីត្រូវលុបបញ្ជីឈ្មោះស្នាក់នៅអចិន្ត្រៃយ៍

យោងតាមសេចក្ដីកំណត់ត្រង់មាត្រា ២៤ នៃច្បាប់អត្រានុកូលដ្ឋានឆ្នាំ២០០០ នោះគឺបុគ្គលណាមួយស្ថិតក្នុងចំណោមករណីដូចខាងក្រោមនេះ នឹងត្រូវលុបបញ្ជីឈ្មោះស្នាក់នៅអចិន្ត្រៃយ៍ គឺ៖

 រូបថតជាឧទាហរណ៍។

-ស្លាប់មានសេចក្តីសម្រេចពីតុលាការ ប្រកាសបាត់ខ្លួន ឬបានស្លាប់។

- ទៅស្នាក់នៅបរទេស។

-មានសេចក្តីសម្រេចលុបបញ្ជីឈ្មោះស្នាក់នៅអចិន្ត្រៃយ៍ដែលមានចែងក្នុងមាត្រា ៣៥ នៃច្បាប់អត្រានុកូលដ្ឋានឆ្នាំ២០០០។

-អវត្តមានពីកន្លែងស្នាក់នៅអចិន្ត្រៃយ៍ចាប់ពី១២ខែឡើងទៅ ដែលមិនចុះឈ្មោះស្នាក់នៅបណ្ដោះអាសន្នកន្លែងដទៃ ឬមិនបានរាយការណ៍អវត្តមាន វៀរលែងករណីឆ្លងដែនទៅប្រទេសក្រៅ ប៉ុន្តែមិនមែនដើម្បីស្នាក់នៅឬករណីកំពុងអនុវត្តសាលក្រមជាប់ពន្ធនាគារ អនុវត្តវិធានការបញ្ជូនទៅមូលដ្ឋានអប់រំ មូលដ្ឋាន ផ្តាច់គ្រឿងញៀន ឬបញ្ជូនទៅសាលាអប់រំកែខ្លួន (បទប្បញ្ញត្តិថ្មី)។

-ត្រូវបានស្ថាប័នសមត្ថកិច្ចឱ្យបោះបង់សញ្ជាតិវៀតណាម ដកហូតសញ្ជាតិវៀតណាម និរាករណ៍សេចក្តីសម្រេចឱ្យចូលសញ្ជាតិវៀតណាម ( បទប្បញ្ញត្តិថ្មី)។

-អ្នកចុះឈ្មោះស្នាក់នៅកន្លែងដែលគេឱ្យជួលខ្ចី នៅពឹងអាស្រ័យ ប៉ុន្តែបានបញ្ចប់ការជួល ខ្ចី នៅអាស្រ័យ តែក្រោយរយៈពេល១២ ខែ ចាប់ពីថ្ងៃបញ្ចប់ការជួល ខ្ចី នៅអាស្រ័យ មិនទាន់ចុះឈ្មោះស្នាក់នៅអចិន្ត្រៃយ៍កន្លែងថ្មី វៀរលែងករណី (៨) ( បទប្បញ្ញត្តិថ្មី)។

-អ្នកចុះឈ្មោះស្នាក់នៅអចិន្ត្រៃយ៍នៅ កន្លែងស្នាក់នៅស្របច្បាប់ ប៉ុន្តែក្រោយមកកម្មសិទ្ធិកន្លែងនៅនោះបានផ្ទេរទៅឱ្យអ្នកផ្សេង តែក្រោយរយៈពេល១២ខែ ចាប់ពីថ្ងៃដែលផ្ទេរកម្មសិទ្ធិ មិនទាន់ចុះឈ្មោះស្នាក់នៅអចិន្ត្រៃយ៍ កន្លែងរស់នៅថ្មី វៀរលែងករណីត្រូវបានម្ចាស់កម្មសិទ្ធិថ្មីយល់ព្រមបន្តឱ្យជួល ខ្ចី ឱ្យនៅអាស្រ័យ និងឱ្យចុះឈ្មោះស្នាក់នៅអចិន្ត្រៃយ៍ កន្លែងនៅនោះ លើកលែងករណី (៨) (បទប្បញ្ញត្តិថ្មី)។

-អ្នកចុះឈ្មោះស្នាក់នៅអចិន្ត្រៃយ៍ កន្លែងដែលជួល ខ្ចី នៅអាស្រ័យ ប៉ុន្តែបានបញ្ចប់ការជួល ខ្ចី នៅអាស្រ័យ ហើយមិនបានអ្នកដែលឱ្យជួល ខ្ចី ឱ្យនៅអាស្រ័យ យល់ព្រមឱ្យរក្សាបញ្ជីឈ្មោះស្នាក់នៅអចិន្ត្រៃយ៍កន្លែងនៅនោះ អ្នកដែលបានចុះឈ្មោះស្នាក់នៅ អចិន្ត្រៃយ៍កន្លែងនៅជាកម្មសិទ្ធិរបស់ខ្លួន ប៉ុន្តែបានផ្ទេរកម្មសិទ្ធិកន្លែងនៅឱ្យទៅអ្នកផ្សេង ហើយម្ចាស់កម្មសិទ្ធិថ្មីមិនយល់ព្រមឱ្យរក្សាបញ្ជីឈ្មោះស្នាក់នៅអចិន្ត្រៃយ៍កន្លែងនៅនោះ (បទប្បញ្ញត្តិថ្មី)។

-អ្នកដែលបានចុះឈ្មោះស្នាក់នៅអចិន្ត្រៃយ៍ កន្លែងនៅត្រូវរុះរើ រឹបអូសតាមសេចក្តីសម្រេចរបស់ស្ថាប័នរដ្ឋមានសមត្ថកិច្ច ឬកន្លែងមធ្យោបាយត្រូវបានលុបបញ្ជីឈ្មោះមធ្យោបាយតាមបទប្បញ្ញត្តិនៃច្បាប់ ( បទប្បញ្ញត្តិថ្មី)។

ស្ថាប័នចុះបញ្ជីឈ្មោះស្នាក់នៅអចិន្ត្រៃយ៍ មានសមត្ថកិច្ចលុបបញ្ជីឈ្មោះស្នាក់នៅអចិន្ត្រៃយ៍ និងត្រូវកត់ត្រាច្បាស់ពីមូលហេតុ ពេលលុបបញ្ជីឈ្មោះស្នាក់នៅអចិន្ត្រៃយ៍ក្នុងមូលដ្ឋានទិន្នន័យស្ដីពីការស្នាក់នៅ៕

ប្រភព៖ កាសែតសុខភាពនិងជីវភាព-លីសៀ

ចែករំលែកអត្ថបទ

ពាក្យគន្លឹះ