មហាសាមគ្គីជនជាតិ ភូមិស្រុកផ្លាស់ថ្មី

16/01/2024 - 09:07

លើកកម្ពស់ផលិតផល OCOP ទិញបៀង

ដោយកំណត់ច្បាស់ពីសារៈសំខាន់នៃកម្មវិធី ឃុំមួយផលិតផលមួយ (OCOP) គណៈកម្មាធិការប្រជាជនក្រុងទិញបៀង ខេត្តអាងយ៉ាង បានសកម្មស្នើគ្រប់ផ្នែក និងភូមិភាគយកចិត្តទុកដាក់និងគាំទ្រម្ចាស់ផលិតផល អភិវឌ្ឍន៍ផលិតផល។ មកទល់បច្ចុប្បន្ន កម្មវិធីនេះទទួលបានលទ្ធផលវិជ្ជមាន ភូមិភាគមានផលិតផល OCOP ចម្រុះនិងសម្បូរបែប។

ទិញបៀងខិតខំកសាងផលិតផលពិសេសសម្រាប់បម្រើភ្ញៀវទេសចរ។

អនុប្រធានគណៈកម្មាធិការប្រជាជនក្រុងទិញបៀង លោក ង្វៀងថាញ់ហុង បានឱ្យដឹង៖ “មកទល់ពេលនេះ ទូទាំងក្រុង មានផលិតផលចំនួន ១៥ សម្រេចវិញ្ញាបនបត្រ OCOP ជាកម្មសិទ្ធរបស់ម្ចាស់ផលិតផលចំនួន៧។ រហូតដល់ខែកញ្ញា ឆ្នាំ២០២៣ មានផលិតផលចំនួន ៧ ដល់ពេលកំណត់ទទួលស្គាល់គ្រប់ ៣៦ ខែ កំពុងដំណើរការវាយតម្លៃចំណាត់ថ្នាក់ OCOP ឡើងវិញ។ យើងខ្ញុំខិតខំបង្កើតផលិតផលពិសេស ក្នុងស្រុកចំនួន ៦០ សម្រាប់វិស័យទេសចរណ៍ ក្នុងនោះ មាន ៣០ ផលិតផលសម្រេចស្តង់ដារ OCOP ពីផ្កាយ ៣ ឡើងទៅ។ តាមរយៈការពិនិត្យឡើងវិញ ក្រុងមានមុខទំនិញចំនួន ៦២ ដោយមានផលិតផលសក្តានុពលចំនួន ១៧៦ ចំណុះ ៦ ផ្នែក ចាត់ថ្នាក់តាមសេចក្តីសម្រេច ១០៤៨/QĐ-TTg ស្តីពីក្រមលក្ខឋានសម្រាប់វាយតម្លៃ និងចាត់ថ្នាក់ផលិតផល OCOP”។

តាមប្រសាសន៍លោក ង្វៀងថាញ់ហុង ដើម្បីឱ្យផលិតផលពិសេស ផលិតផល OCOP របស់ភូមិភាគឈានទៅកាន់ជាច្រើនទីផ្សារសក្តានុពល គណៈកម្មាធិការប្រជាជនទីក្រុងនឹងបង្កើនការផ្សព្វផ្សាយ និងឧទ្ទេសនាមផលិតផលតាមរយៈមធ្យោបាយទូរគមនាគមន៍ ដូចជា៖ កាសែតអាងយ៉ាង, ស្ថានីយវិទ្យុ-ទូរទស្សន៍អាងយ៉ាង។ ក្រាំងព័ត៌មានអេឡិកត្រូនិកក្រុងទិញបៀង Fanpage កម្មវិធី OCOP ទិញបៀង... ទន្ទឹមនឹងនោះ បង្កើនការផ្សព្វផ្សាយផលិតផលក្នុងព្រឹត្តិការណ៍ តភ្ជាប់ពាណិជ្ជកម្ម សំដៅឧទ្ទេសនាមដល់ដៃគូ និងអតិថិជន។

ក្នុងការជំរុញពាណិជ្ជកម្ម ក្រុងទិញបៀង មានផលិតផល OCOP ចូលរួមព្រឹត្តិការណ៍សំខាន់ៗប្រចាំឆ្នាំ ដូចជា៖ កម្មវិធីនាំទំនិញវៀតណាមទៅកាន់ជនបទ ពិព័រណ៍ឧស្សាហកម្ម និងពាណិជ្ជកម្មនៅតំបន់វាលរាបទន្លេគឺវឡុង ផ្សារណាត់និងម្ហូបអាហារ ទំនិញវៀតណាម-ថៃ ពិព័រណ៍នំប្រពៃណី ឆ្នាំ២០២៣; ធ្វើកន្ត្រកអំណោយ OCOP របស់ភូមិភាគជាមួយនឹងតម្លៃផ្សេងៗគ្នានៅក្នុងព្រឹត្តិការណ៍ជំរុញពាណិជ្ជកម្ម។ ក្នុងព្រឹត្តិការណ៍ផ្សារណាត់និងម្ហូបអាហារទំនិញវៀតណាម-ថៃ ពិព័រណ៍នំប្រពៃណី ឆ្នាំ២០២៣ ផលិតផល OCOP របស់ក្រុងទិញបៀង ត្រូវបានអតិថិជនចាប់អារម្មណ៍ និងវាយតម្លៃខ្ពស់ដោយមានលក្ខណៈប្លែក និងមានរសជាតិពិសេស។ នេះជាកម្លាំងចិត្តសម្រាប់ម្ចាស់ផលិតផលបន្តចូលរួមផ្សព្វផ្សាយ និងឧទ្ទេសនាមផលិតផលទៅកាន់ទីផ្សារ។

ក្នុងនាមជាម្ចាស់ផលិតផលស្ករត្នោតកឹមហ៊ឹង បងស្រីដាំងធីកឹមហ៊ឺង បានចែករំលែក៖ “ដោយមានបំណងចង់នាំយកផលិតផលស្ករត្នោតពិសេសរបស់ស្រុកកំណើតទៅដល់អ្នកប្រើប្រាស់ ខ្ញុំបានចូលរួមក្នុងព្រឹត្តិការណ៍ផ្សព្វផ្សាយ និងឧទ្ទេសនាមផលិតផលជាច្រើននៅក្នុងនិងក្រៅប្រទេស។ រហូតមកដល់ពេលនេះ ផលិតផលស្ករត្នោតរបស់ខ្ញុំត្រូវបានដៃគូរយកចិត្តទុកដាក់ និងជឿទុកចិត្តពីអ្នកប្រើប្រាស់។ ខ្ញុំនឹងព្យាយាមរក្សានិងអភិវឌ្ឍផលិតផល ដើម្បីនាំមកនូវការពេញចិត្តកាន់តែខ្លាំងសម្រាប់អតិថិជននាពេលអនាគត។ ជាពិសេស បន្តនាំយកផលិតផលមកចូលរួមផ្សារណាត់ និងព្រឹត្តិការណ៍ផ្សាយពាណិជ្ជកម្មផលិតផល OCOP នាំយកនូវរសជាតិប្រពៃណីពីដើមត្នោតបៃណូយ ឧទ្ទេសនាមដល់អ្នកប្រើប្រាស់ក្នុងទូទាំងប្រទេស”។

“កម្មវិធី OCOP ថែមទាំងរួមចំណែកក្នុងការផ្លាស់ប្តូរផ្នត់គំនិតរបស់ម្ចាស់ផលិតផលនៅភូមិភាគ ជួយឱ្យម្ចាស់ផលិតផល យកចិត្តទុកដាក់ជាងទៀតលើដំណើរការកែច្នៃ សំដៅបង្កើនបន្ថែមតម្លៃ។ ម្ចាស់ផលិតផលផ្តោតវិនិយោគលើការវេចខ្ចប់ ផ្លាកសញ្ញា និងតភ្ជាប់ដៃគូដើម្បីនាំយកផលិតផលទៅឆ្ងាយកាន់ទីផ្សារសក្តានុពល។ នេះជាកត្តាកំណត់សម្រេចសម្រាប់ផលិតផល OCOP ទិញបៀងទៅកាន់តែឆ្ងាយ ឆ្លើយតបចំណូលចិត្តអតិថិជន” - លោក ង្វៀងថាញ់ហុង បានវិភាគដូច្នេះ៕

យោង៖ កាសែតអាងយ៉ាង

ចែករំលែកអត្ថបទ

ពាក្យគន្លឹះ