គោលនយោបាយ -ការរស់នៅ ច្បាប់

15/01/2024 - 16:37

ចាប់ពីថ្ងៃ០១/៧/២០២៤ តើប្រជាជនចាំបាច់ត្រូវប្ដូរអត្តសញ្ញាណប័ណ្ណពលរដ្ឋទៅជាអត្តសញ្ញាណប័ណ្ណទេ?

១.ចាប់ពីថ្ងៃ០១/៧/២០២៤ តើប្រជាជនចាំបាច់ត្រូវប្ដូរអត្តសញ្ញាណប័ណ្ណពលរដ្ឋទៅជាអត្តសញ្ញាណប័ណ្ណទេ?

រូបថតជាឧទាហរណ៍។

យោងតាមសេចក្ដីកំណត់អន្តរភាពត្រង់ប្រការ ១, ២ និង៣ មាត្រា៤៦នៃច្បាប់អត្តសញ្ញាណប័ណ្ណឆ្នាំ២០២៣ មានចែងដូចខាងក្រោម៖

(១) អត្តសញ្ញាណប័ណ្ណពលរដ្ឋ ដែលបានផ្ដល់មុនថ្ងៃ ០១/៧/២០២៤ មានសុពលភាពរហូតដល់ផុតកំណត់ដែលបានបោះពុម្ពលើប័ណ្ណ លើកលែងករណីដែលមានចែងត្រង់ចំណុច (៣) នៃកថាខ័ណ្ឌនេះ។ ពេលពលរដ្ឋមានតម្រូវការអាចប្ដូរទៅជាអត្តសញ្ញាណប័ណ្ណ។

(២) អត្តសញ្ញាណប័ណ្ណពលរដ្ឋ នៅមានសុពលភាពរហូតដល់ថ្ងៃ៣១/១២/២០២៤ នឹងមានតម្លៃប្រើប្រាស់រហូតដល់ផុតថ្ងៃ ៣១/១២/២០២៤។

ប្រភេទលិខិតស្នាមមានតម្លៃគតិយុត្តិដែលបានផ្សាយចេញ មានប្រើប្រាស់ព័ត៌មានពីអត្តសញ្ញាណប័ណ្ណពលរដ្ឋឬអត្តសញ្ញាណប័ណ្ណ នៅតែមានតម្លៃប្រើប្រាស់ដូចដើម; ស្ថាប័នរដ្ឋមិនត្រូវសំណូមពរឱ្យពលរដ្ឋប្ដូរ កែតម្រូវព័ត៌មានអំពីអត្តសញ្ញាណប័ណ្ណពលរដ្ឋឬអត្តសញ្ញាណប័ណ្ណក្នុងលិខិតស្នាមដែលបានផ្ដល់ជូនឡើយ។

(៣) អត្តសញ្ញាណប័ណ្ណពលរដ្ឋ អត្តសញ្ញាណប័ណ្ណអស់សុពលភាពចាប់ពីថ្ងៃ១៥/០១/២០២៤ រហូតដល់មុនថ្ងៃ៣០/៦/២០២៤ នឹងបន្តមានតម្លៃប្រើប្រាស់រហូតដល់ផុតថ្ងៃ៣០/៦/២០២៤។

ដូច្នេះ ចំពោះអត្តសញ្ញាណប័ណ្ណពលរដ្ឋ ដែលបានផ្ដល់មុនថ្ងៃ០១/៧/២០២៤ មានតម្លៃប្រើប្រាស់រហូតដល់ផុតកាលកំណត់ដែលបានបោះពុម្ពលើប័ណ្ណ វៀរលែងករណីអត្តសញ្ញាណប័ណ្ណពលរដ្ឋ អត្តសញ្ញាណប័ណ្ណអស់សុពលភាពចាប់ពីថ្ងៃ១៥/១/២០២៤ រហូតដល់មុនថ្ងៃ៣០/៦/២០២៤ នឹងបន្តមានតម្លៃប្រើប្រាស់រហូតដល់ផុតថ្ងៃ៣០/៦/២០២៤។

អត្តសញ្ញាណប័ណ្ណមានសុពលភាពដល់ក្រោយថ្ងៃ៣១/១២/២០២៤ នឹងមានតម្លៃប្រើប្រាស់រហូតដល់ផុតថ្ងៃ ៣១/១២/២០២៤។

២. ចាប់ពីថ្ងៃ០១/៧/២០២៤ ត្រូវបង់កម្រៃសេវាផ្ដល់អត្តសញ្ញាណប័ណ្ណលើកដំបូងទេ?

យោងតាមមាត្រា៣៨នៃច្បាប់អត្តសញ្ញាណប័ណ្ណឆ្នាំ២០២៣ បានកំណត់ពីថ្លៃសេវាទាញយកប្រើប្រាស់ព័ត៌មានក្នុងមូលដ្ឋានទិន្នន័យជាតិ អំពីប្រជាពលរដ្ឋនិងកម្រៃសេវានៃការផ្ដល់ការប្ដូរ ការផ្ដល់ឡើងវិញនូវអត្តសញ្ញាណប័ណ្ណ លិខិតបញ្ជាក់អត្តសញ្ញាណប័ណ្ណដូចខាងក្រោម៖

- អង្គការ បុគ្គលដែលបានកំណត់ក្នុងសេចក្ដីកំណត់ត្រង់ប្រការ៨មាត្រា១០នៃច្បាប់ អត្តសញ្ញាណប័ណ្ណឆ្នាំ២០២៣ នៅពេលទាញយកប្រើប្រាស់ព័ត៌មានក្នុងមូលដ្ឋានទិន្នន័យជាតិ អំពីប្រជាពលរដ្ឋត្រូវបង់ថ្លៃសេវាតាមសេចក្ដីកំណត់នៃច្បាប់ស្ដីពីថ្លៃសេវានិងកម្រៃសេវា។

- ពលរដ្ឋមិនបង់កម្រៃសេវាផ្ដល់អត្តសញ្ញាណប័ណ្ណលើកដំបូងទេ។

- ពលរដ្ឋត្រូវបង់កម្រៃសេវានៅពេលប្ដូរ ផ្ដល់អត្តសញ្ញាណប័ណ្ណឡើងវិញ លើកលែងករណីមួយចំនួនដូចខាងក្រោម៖

+ការប្ដូរអត្តសញ្ញាណប័ណ្ណ តាមសេចក្ដីកំណត់ត្រង់ចំណុច a និងចំណុចđ ប្រការ១ មាត្រា ២៤ នៃច្បាប់អត្តសញ្ញាណប័ណ្ណឆ្នាំ ២០២៣។

++ពលរដ្ឋវៀតណាមដែលបានផ្ដល់អត្តសញ្ញាណប័ណ្ណ ត្រូវបំពេញបែបបទសុំប្ដូរអត្តសញ្ញាណប័ណ្ណ នៅពេលមានអាយុគម្រប់១៤ ឆ្នាំ ២៥ឆ្នាំ ៤០ឆ្នាំ និង៦០ឆ្នាំ។

++តាមសំណុំពររបស់អ្នកដែលបានផ្ដល់អត្តសញ្ញាណប័ណ្ណ នៅពេលព័ត៌មានក្នុងអត្តសញ្ញាណប័ណ្ណមានការផ្លាស់ប្ដូរ អាស្រ័យការរៀបចំអង្គភាពរដ្ឋបាល។

+មានកង្វះខាតចំពោះព័ត៌មានដែលបានបោះពុម្ពលើអត្តសញ្ញាណប័ណ្ណ កំហុសនេះអាស្រ័យដោយស្ថាប័នគ្រប់គ្រប់អត្តសញ្ញាណប័ណ្ណ។

-មិនយកកម្រៃសេវាចំពោះករណីផ្ដល់ ប្ដូរផ្ដល់ជូនលិខិតបញ្ជាក់អត្តសញ្ញាណប័ណ្ណដល់អ្នកដែលមានដើមកំណើតវៀតណាម មិនទាន់បញ្ជាក់បានសញ្ជាតិ។

ហេតុដូច្នេះ យោងតាមសេចក្ដីកំណត់ខាងលើ គឺពលរដ្ឋមិនបាច់បង់កម្រៃសេវាផ្ដល់អត្តសញ្ញាណប័ណ្ណលើកដំបូងទេ៕

យោងតាមកាសែតថេយ៉ឺយនិងវៀតណាម -ប្រែសម្រួលៈ ពេជ្រសឿន

ចែករំលែកអត្ថបទ

ពាក្យគន្លឹះ