ព្រឹត្តិការណ៍ - នយោបាយ ព្រឹត្តិការណ៍

08/01/2024 - 16:58

កិច្ចប្រជុំទូទាំងប្រទេសបូកសរុបការងារជនជាតិឆ្នាំ២០២៣ និងផ្សព្វផ្សាយភារកិច្ចឆ្នាំ២០២៤

នៅរដ្ឋធានីហាណូយ គណៈកម្មាធិការជនជាតិ ទើបរៀបចំកិច្ចប្រជុំតាមប្រព័ន្ធអនឡាញទូទាំងប្រទេស បូកសរុបការងារជនជាតិឆ្នាំ២០២៣ និងផ្សព្វផ្សាយភារកិច្ច ឆ្នាំ២០២៤។

ឧបនាយករដ្ឋមន្ត្រី ត្រឹងលឺវក្វាង ថ្លែងយោបល់ក្នុងកិច្ចប្រជុំ។

របាយការណ៍លទ្ធផលនៃការអនុវត្តការងារជនជាតិ ឆ្នាំ២០២៣ សឱ្យឃើញថា កាលពីឆ្នាំកន្លង ក្រោមការដឹកនាំ ដំណើរការយ៉ាងប្តូរផ្តាច់របស់រដ្ឋាភិបាល នាយករដ្ឋមន្ត្រីនៃរដ្ឋាភិបាល គណៈកម្មាធិការជនជាតិ បានច្បាមតាមសេចក្តីសម្រេចរបស់បក្ស រដ្ឋសភា រដ្ឋាភិបាល តាមកិច្ចចង្អុលការរបស់នាយករដ្ឋមន្ត្រីនៃរដ្ឋាភិបាល ដើម្បីផ្ដុំកម្លាំងចង្អុលការ ធ្វើឱ្យជាក់ស្ដែងទៅជាផែនការ កម្មវិធីការងារជនជាតិ។ រួមជាមួយនឹងការចូលរួមយ៉ាងមុតមាំរបស់គ្រប់ថ្នាក់ គ្រប់ផ្នែក មួយអន្លើដោយការខិតខំប្រឹងប្រែងយ៉ាងពេញទំហឹងរបស់ជនរួមជាតិ បណ្តាជនជាតិ ក្នុងការផ្សព្វផ្សាយ អនុវត្តព្រមៗគ្នាគោលនយោបាយចំនួន១៨៨ នៅតំបន់ជនជាតិភាគតិចនិងតំបន់ភ្នំ (ក្នុងនោះ មានគោលនយោបាយជនជាតិចំនួន១៣៦) គួបផ្សំនឹងគោលនយោបាយសុខុមាលភាពសង្គម ធ្វើឱ្យជីវភាពប្រជាជននៅតំបន់ជនជាតិភាគតិចនិងតំបន់ភ្នំឆ្នាំ២០២៣ កាន់តែមានភាពលំនឹង ជាជំហានៗត្រូវបានលើកស្ទួយ។ អត្រាគ្រួសារក្រីក្រតាមបទដ្ឋានក្រពហុវិមាត្រឆ្នាំ ២០២៣ នៅមាន២,៩៣% (កាត់បន្ថយ១,១%); អត្រាគ្រួសារក្រីក្រនៅស្រុកក្រីក្រមានប្រមាណ ៣៣% (កាត់បន្ថយ៥,៦២%); អត្រាគ្រួសារជនជាតិភាគតិចក្រីក្រមានប្រមាណ១៧,៨២% (កាត់បន្ថយ ៣,២%) សម្រេចភាគកម្រិតដែលរដ្ឋសភានិងរដ្ឋាភិបាលប្រគល់ឱ្យ។ ជាមួយនឹងការអនុវត្តព្រមៗគ្នានូវដំណោះស្រាយម៉ាក្រូសេដ្ឋកិច្ច អនុវត្តកម្មវិធីស្តារឡើងវិញ អភិវឌ្ឍសេដ្ឋកិច្ចរបស់រដ្ឋាភិបាល និងអនុវត្តស្របពេលជាមួយនឹងកម្មវិធីទិសដៅជាតិសំខាន់ចំនួន៣ គឺកម្មវិធីទិសដៅជាតិ អភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិចនិងតំបន់ភ្នំ កម្មវិធី គម្រោងផ្សេងៗទៀតបានពង្រីកប្រសិទ្ធភាពជាវិជ្ជមាន រួមចំណែកជំរុញការអភិវឌ្ឍប្រព័ន្ធហេដ្ឋារចនាសម្ព័ន្ធសេដ្ឋកិច្ច-សង្គម ជាជំហានៗអភិវឌ្ឍ ផលិតកម្ម លើកកម្ពស់ជីវភាពជនរួមជាតិភាគតិច។

អញ្ជើញចូលរួមនិងថ្លែងយោបល់ក្នុងកិច្ចប្រជុំ ឧបនាយករដ្ឋមន្ត្រីនៃរដ្ឋាភិបាល ត្រឹងលឺវក្វាង បានវាយតម្លៃខ្ពស់ ចំពោះការខិតខំប្រឹងប្រែងយ៉ាងពេញទំហឹងរបស់ទូទាំងប្រព័ន្ធនយោបាយ ពិសេសគឺគណៈកម្មាធិការជនជាតិ គណៈកម្មាធិការបក្សគ្រប់លំដាប់ថ្នាក់ រដ្ឋអំណាចនិងភូមិភាគនានាក្នុងការផ្សព្វផ្សាយអនុវត្តការងារជនជាតិឆ្នាំ២០២៣។ ឧបនាយករដ្ឋមន្ត្រី ត្រឹងលឺវក្វាង សំណូមពរដល់គ្រប់ក្រសួង គណៈ ផ្នែកនិងភូមិភាគនានា គប្បីបន្តការយកចិត្តទុកដាក់ឱ្យបានត្រឹមត្រូវចំពោះការងារជនជាតិ; បង្កើនកិច្ចសហប្រតិបត្តិការ; បត់បែនអនុវត្តគោលនយោបាយជនជាតិសមស្របទៅនឹងវប្បធម៌ ទំនៀមទម្លាប់នៃភូមិភាគនីមួយៗ ដើម្បីសម្រេចប្រសិទ្ធភាពខ្ពស់បំផុត; បង្កើនការដោះដូរ ចែករំលែកនូវបទពិសោធន៍ក្នុងការផ្សព្វផ្សាយគោលនយោបាយជនជាតិ; បង្កើនការងារផ្សព្វផ្សាយលើកកម្ពស់ការយល់ដឹងដល់ប្រជាជន ឈានឡើងអភិវឌ្ឍសេដ្ឋកិច្ចជៀសវាងការទន្ទឹងរង់ចាំ និងការសំអាង…៕

យោង៖ cema.gov.vn-មុនី

ចែករំលែកអត្ថបទ

ពាក្យគន្លឹះ