ព្រឹត្តិការណ៍ - នយោបាយ ព្រឹត្តិការណ៍

30/10/2023 - 16:47

សម័យប្រជុំលើកទី ៦ រដ្ឋសភានីតិកាលទី XV

រដ្ឋសភានឹងពិនិត្យផ្ទៀងផ្ទាត់ កំណត់សម្រេចនូវបញ្ហាសំខាន់ៗរបស់ប្រទេសជាតិ

សម័យប្រជុំលើកទី ៦ រដ្ឋសភានីតិកាល ទី XV ប្រព្រឹត្តឡើងក្នុងអំឡុងពេល ២២ ថ្ងៃ (លើកទី ១ ចាប់ពីថ្ងៃទី ២៣ ខែតុលា ដល់ថ្ងៃទី ១០ ខែវិច្ឆិកា និងលើកទី ២ ចាប់ពីថ្ងៃទី ២០ ខែវិច្ឆិកា ដល់ថ្ងៃទី ២៨ ខែវិច្ឆិកា) រដ្ឋសភានីតិកាលទី XV នឹងពិនិត្យផ្ទៀងផ្ទាត់ កំណត់សម្រេចនូវខ្លឹមសារសំខាន់ៗមួយចំនួន។

ទិដ្ឋភាពបើកសម័យប្រជុំលើកទី ៦ រដ្ឋសភានីតិកាលទី XV ។ រូប៖ quochoi.vn

សមមិត្តថ្នាក់ដឹកនាំបក្ស រដ្ឋ ចូលរួមបើកសម័យប្រជុំលើកទី ៦ រដ្ឋសភានីតិកាលទី XV ។
រូប៖ quochoi.vn

ទីមួយ អំពីសេដ្ឋកិច្ច-សង្គម ថវិការដ្ឋ និងកំណត់សម្រេចនូវបញ្ហាសំខាន់ៗរបស់ប្រទេសជាតិ។ ឆ្លងតាមរយៈនោះ រដ្ឋសភានឹងពិនិត្យផ្ទៀងផ្ទាត់នូវរបាយការណ៍របស់រដ្ឋាភិបាល អំពីការវាយតម្លៃលទ្ធផលអនុវត្តផែនការអភិវឌ្ឍសេដ្ឋកិច្ច - សង្គម ថវិការដ្ឋ ឆ្នាំ ២០២៣ និងពិនិត្យផ្ទៀងផ្ទាត់ កំណត់សម្រេចលើផែនការអភិវឌ្ឍសេដ្ឋកិច្ច - សង្គម គ្រោងគណនេយ្យថវិការដ្ឋ វិធានការបែងចែកថវិកាមជ្ឈិមឆ្នាំ ២០២៤ ។ល។ ទន្ទឹមនឹងនោះ ពិនិត្យផ្ទៀងផ្ទាត់នូវរបាយការណ៍ វាយតម្លៃពាក់កណ្តាលអាណត្តិនៃលទ្ធផលអនុវត្តផែនការ ៥ ឆ្នាំ ដំណាក់កាល ២០២១ - ២០២៥ ស្តីពីអភិវឌ្ឍសេដ្ឋកិច្ច - សង្គមរចនាសម្ព័ន្ធឡើងវិញនូវខឿនសេដ្ឋកិច្ច វិនិយោគសាធារណៈរយៈពេលមធ្យម ហិរញ្ញវត្ថុជាតិ និងការបុល សងបំណុលសាធារណៈ។

ទីពីរ អំពីការងារនីតិប្បញ្ញត្តិ។ រដ្ឋសភានឹងពិនិត្យផ្ទៀងផ្ទាត់អនុម័តិលើគម្រោងច្បាប់ ចំនួន ៩ តួយ៉ាងដូច៖ ច្បាប់ភូមិបាល (វិសោធនកម្ម) ច្បាប់លំនៅឋាន (វិសោធនកម្ម) ច្បាប់អាជីវកម្មអចលនទ្រព្យ (វិសោធនកម្ម) ច្បាប់ធនធានទឹក (វិសោធនកម្ម) ច្បាប់អង្គការ ឥណទាន (វិសោធនកម្ម) ច្បាប់ស្តីពីអត្តសញ្ញាណពលរដ្ឋ និងច្បាប់ស្តីពីកងកម្លាំងចូលរួមការពារសន្តិសុខ សណ្តាប់ធ្នាប់នៅមូលដ្ឋាន។ល។ ផ្តល់មតិយោបល់ និងអនុម័តិតាមរបៀបវារៈនៅក្នុងសម័យប្រជុំពង្រាងសេចក្តីសម្រេចចិត្តមួយរបស់រដ្ឋសភា អនុវត្តគំរូនូវយន្តការ និងគោលនយោបាយពិសេសដោយឡែកមួយចំនួន ស្តីពីវិនិយោគកសាងសំណង់គមនាគមន៍ផ្លូវគោក។ ទន្ទឹមនឹងនោះ ក៏ពិនិត្យផ្ទៀងផ្ទាត់ និងផ្តល់មតិយោបល់លើគម្រោងច្បាប់ចំនួន ៨ ផ្សេងទៀត តួយ៉ាងដូច៖ ច្បាប់ធានារ៉ាប់រងសង្គម (វិសោធនកម្ម) ច្បាប់ស្តីពីផ្លូវថ្នល់ ច្បាប់ស្តីពីសណ្តាប់ធ្នាប់ សុវត្ថិភាពចរាចរណ៍ផ្លូវគោក វិសោធនកម្មនិងបំពេញបន្ថែមនូវមាត្រាមួយចំនួននៃច្បាប់ស្តីពីការដេញថ្លៃទ្រព្យសម្បត្តិជាដើម។

ទីបី អំពីសកម្មភាពឃ្លាំមើលកំពូល។ រដ្ឋសភានឹងស្តាប់របាយការណ៍របស់គណៈកម្មាធិការមជ្ឈិមរណសិរ្សមាតុភូមិវៀតណាម បូកសរុបមតិយោបល់ សំណើរបស់ម្ចាស់ឆ្នោតនិងប្រជាជន ផ្ញើជូនសម័យប្រជុំលើកទី៦ រដ្ឋសភានីតិកាលទី XV; ពិនិត្យផ្ទៀងផ្ទាត់របាយការណ៍អំពីការប្រយុទ្ធប្រឆាំងអំពើពុករលួយ ការប្រយុទ្ធប្រឆាំងបទល្មើស និងបំពានច្បាប់ ការអនុវត្តសាលក្រមឆ្នាំ ២០២៣ ។ល។ រដ្ឋសភា ក៏បានចំណាយពេលពិភាក្សានៅក្នុងសាលប្រជុំ អំពីរបាយការណ៍ស្តីពីលទ្ធផលនៃការត្រួតពិនិត្យការដោះស្រាយសំណើរបស់ម្ចាស់ឆ្នោតដែលបានផ្ញើមកសម័យប្រជុំលើកទី ៥ រដ្ឋសភា នីតិកាលទី XV ហើយក៏ជាលើកដំបូងចាប់តាំងពីដើមអាណត្តិមក រដ្ឋសភានឹងពិភាក្សានៅក្នុងសាលប្រជុំអំពីលទ្ធផលការទទួលប្រជាពលរដ្ឋ ដោះស្រាយពាក្យបណ្តឹង ដោះស្រាយបណ្តឹងតវ៉ា និងថ្កោលទោសរបស់ពលរដ្ឋឆ្នាំ២០២៣។ រដ្ឋសភានឹងឃ្លាំមើលកំពូលប្រធានបទឯកទេស “ការផ្សព្វផ្សាយអនុវត្តនូវសេចក្តីសម្រេចចិត្តរបស់រដ្ឋសភា ស្តីពីការកសាងជនបទថ្មី ដំណាក់កាល ២០២១ - ២០២៥ កាត់បន្ថយភាពក្រីក្រដោយចីរភាព ដំណាក់កាល ២០២១ - ២០២៥ អភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១ - ២០៣០” ជាដើម៕

យោង៖ កាសែតអេឡិចត្រូនិករដ្ឋាភិបាល - ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ