ព្រឹត្តិការណ៍ - នយោបាយ ព្រឹត្តិការណ៍

11/09/2023 - 16:42

កឹងធើ ឱឡារិកបើកបវេសនកាលឆ្នាំសិក្សាថ្មី

(កឹងធើ) -ស្របក្នុងបរិយាកាសសប្បាយរីករាយរបស់សិស្សានុសិស្សជាង២២លាននាក់ក្នុងទូទាំងប្រទេស នៅព្រឹកថ្ងៃទី៥ ខែកញ្ញា ឆ្នាំ ២០២៣ នៅក្រុងកឹងធើ ពិធីបើកបវេសនកាលឆ្នាំសិក្សាថ្មី ២០២៣-២០២៤ បានប្រព្រឹត្តឡើងព្រមៗគ្នានៅតាមសាលារៀននានាលើភូមិសាស្រ្ត។ ពិធីបើកបវេសនកាលឆ្នាំសិក្សាថ្មី នៅក្រុងកឹងធើ បានប្រារព្ធឡើងយ៉ាងឱឡារិក និងសុវត្ថិភាព ស្ថិតក្នុងបរិយាកាសដ៏សប្បាយរីករាយជាមួយនឹងសកម្មភាពដ៏មានអត្ថន័យជាច្រើន បានទាក់ទាញការចាប់អារម្មណ៍ និងឧបត្ថម្ភគាំទ្ររបស់សង្គមទាំងមូលចំពោះបុព្វហេតុអប់រំ។

ឧបនាយករដ្ឋមន្ត្រីនៃរដ្ឋាភិបាល ត្រឹងហុ៊ងហា ថ្នាក់ដឹកនាំក្រសួងអប់រំនិងបណ្តុះបណ្តាល ខុទ្ទកាល័យរដ្ឋាភិបាលនិងក្រុងកឹងធើ ចូលរួមក្នុងពិធីបើកបវេសនកាលឆ្នាំសិក្សា២០២៣ - ២០២៤ នៅអនុវិទ្យាល័យដងធីដេម។ រូប៖ អាញ់យុង

ឆ្នាំសិក្សាថ្មីនេះ ទូទាំងក្រុងមានសាលារៀនចំនួន៤៤៦ ដោយមានសិស្សានុសិស្សជាង២៤៦.០០០នាក់ ក្នុងនោះ មានសិស្សបឋមសិក្សាប្រមាណ ៩៤.០០០ នាក់ សិស្សមធ្យមសិក្សាប្រមាណ ១០២.០០០ នាក់ ក្រៅពីនោះគឺកុមារមត្តេយ្យ។ កងជួរកម្មាភិបាលគ្រប់គ្រង គ្រូបង្រៀននិងបុគ្គលិកផ្នែកអប់រំក្រុងចំនួន១៥.៣៣២នាក់ ចាប់ផ្តើមអនុវត្តជាផ្លូវការនូវភារកិច្ចអប់រំនិងបណ្តុះបណ្តាល។

តំណាងថ្នាក់ដឹកនាំបក្សនិងរដ្ឋ; គណៈកម្មាធិការបក្សក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមក្រុងកឹងធើ; តំណាងគណៈកម្មាធិការបក្ស និងរដ្ឋអំណាចគ្រប់លំដាប់ថ្នាក់; មន្ទីរ គណៈ ផ្នែក។ល។ បានអញ្ជើញចូលរួមក្នុងពិធីបើកបវេសនកាលឆ្នាំសិក្សាថ្មីនៅគ្រប់មណ្ឌលសាលា។ លិខិតរបស់ប្រធានរដ្ឋ វ៉វ៉ាន់ទឿង បានផ្ញើជូនផ្នែកអប់រំស្របក្នុងឱកាសបើកបវេសនកាល ឆ្នាំសិក្សា ២០២៣-២០២៤ ហើយបានអានក្នុងពិធីបើកបវេសនកាលឆ្នាំសិក្សាថ្មីនៅតាមសាលារៀននានាផងដែរ៕

កាសែតកឹងធើ - វិមាន

ចែករំលែកអត្ថបទ

ពាក្យគន្លឹះ