មហាសាមគ្គីជនជាតិ ភូមិស្រុកផ្លាស់ថ្មី

28/08/2023 - 15:51

ព្រួតដៃកសាងមាតុភូមិ

ជាមួយនឹងទិសស្លោក “ល្អសាសនា ល្អសង្គម” សមាគមព្រះសង្ឃសាមគ្គីស្នេហាជាតិខេត្តបាកលីវ សកម្មរួមចំណែកកសាងធ្លុងមហាសាមគ្គីជនជាតិ ព្រមទាំងចលនាជនរួមជាតិខ្មែរពលកម្មផលិត ព្រួតដៃកសាងមាតុភូមិកាន់សម្បូរសប្បាយ។

លោកលឺវវ៉ាន់ហុង លេខាគណៈកម្មាធិការបក្សខេត្តបាកលីវ ប្រគេនទេយ្យវត្ថុដល់ព្រះសង្ឃ។

ព្រះចៅអធិការវត្តខ្មែរគ្រប់ព្រះអង្គនៅខេត្តបាកលីវ សហការជាមួយនឹងរដ្ឋអំណាចភូមិភាគបង្កើតក្រុមស្វ័យគ្រប់គ្រងវង្សត្រកូលចំនួន៥០ ដោយមានសមាជិកជាជនជាតិខ្មែរជាង៧.២៥០នាក់ រួមចំណែកក្នុងការរក្សាសន្តិសុខសណ្តាប់ធ្នាប់តំបន់ជនបទ។ តួយ៉ាងដូចវត្តគម្ពីរសាគរព្រែកជ្រៅ ឃុំវិញត្រាច់ដុង បានសហការជាមួយនឹងរដ្ឋអំណាចឃុំវិញត្រាច់ដុង ក្រុងបាកលីវ ខេត្តបាកលីវ បង្កើតក្រុមស្វ័យគ្រប់គ្រងវង្សត្រកូលចំនួន៤ គឺត្រកូលសើុង ត្រកូលថាច់ ត្រកូលត្រឹង និងត្រកូលឡឹម ដោយមានសមាជិកចូលរួមជាង៦០គ្រួសារ។ ព្រះតេជព្រះគុណយឿងវឹង ព្រះចៅអធិការវត្តគម្ពីរសាគរព្រែកជ្រៅ មានថេរដីកា៖ “ជារៀងរាល់ខែ សមាជិកក្នុងវង្សត្រកូលមកជួបជុំក្នុងវត្ត ដើម្បីប្រជុំជីវភាពសេដ្ឋកិច្ច វប្បធម៌និងឃោសនា ផ្សព្វផ្សាយអប់រំច្បាប់ ចលនាសមាជិកចិញ្ចឹម ប្រៀនប្រដៅកូនចៅជៀសឆ្ងាយបាបគ្រោះសង្គម មិនប្រព្រឹត្តល្មើសច្បាប់។ល។ មកទល់នឹងបច្ចុប្បន្ន សមាជិកក្នុងវង្សត្រកូលរស់នៅសាមគ្គី ឧបត្ថម្ភគ្នាអភិវឌ្ឍសេដ្ឋកិច្ច។ ទម្រង់វង្សត្រកូលស្វ័យគ្រប់គ្រងមានអត្ថន័យធំធេងក្នុងការផ្សព្វផ្សាយ ចលនារួមគ្នាអភិវឌ្ឍសេដ្ឋកិច្ច ចូលរួមរក្សាភាពសុខសាន្តភូមិស្រុក”។

ព្រះតេជព្រះគុណ តាំងសាវង្ស រួមជាមួយនគរបាលមកផ្សព្វផ្សាយ ចលនាមាមីងជនរួមជាតិខ្មែរអនុវត្តល្អតាមសេចក្តីកំណត់របស់ច្បាប់។

ទន្ទឹមនឹងនោះ ពេលទេសនាម្តងៗ ព្រះចៅអធិការវត្តខ្មែរនៅទាំងគួបផ្សំការផ្សព្វផ្សាយ ចលនាជនរួមជាតិខ្មែរអនុវត្តល្អតាមគោលការណ៍ គោលមាគ៌ារបស់បក្ស ច្បាប់របស់រដ្ឋនិងកម្មវិធី គម្រោងនានាដែលបានផ្សព្វផ្សាយនៅភូមិភាគ; ចលនាពុទ្ធបរិស័ទលើកកម្ពស់ស្មារតីប្រុងប្រយ័ត្នចំពោះឧបាយកលរបស់អានុភាពអមិត្តខាងក្រៅឆ្លៀតយកបញ្ហាសាសនា ជនជាតិ ដើម្បីបំបែកបំបាក់ធ្លុងមហាសាមគ្គីជនជាតិ។ ម្យ៉ាងទៀត ព្រះចៅអធិការគ្រប់ព្រះអង្គថែមទាំងបវារណាសប្បុរសជន និងមាមីងជនរួមជាតិខ្មែររួមវិភាគទានប្រាក់បានជាង១២,៤ពាន់លានដុង ដើម្បីសាងសង់ផ្ទះមេត្តាធម៌ ជំនួយកង់ ផ្តល់ជូនអាហារូបករណ៍ សិក្ខូបករណ៍ សៀវភៅ ប៊ិកដល់សិស្សក្រ; កសាងស្ពាននិងផ្លូវគមនាគមន៍ជនបទ; ឧបត្ថម្ភអង្កររបស់របរប្រើប្រាស់ចាំបាច់ ប្រាក់អំណោយដល់អ្នកក្រ។ល។

ព្រះតេជព្រះគុណ តាំងសាវង្ស អនុប្រធានសមាគមព្រះសង្ឃសាមគ្គីស្នេហាជាតិខេត្តបាកលីវ បញ្ជាក់៖ “ព្រះឧបជ្ឈាយ៍ និងសមាជិកគ្រប់ព្រះអង្គក្នុងសមាគមព្រះសង្ឃសាមគ្គីស្នេហាជាតិខេត្តបាកលីវ ជាគំរូលេចធ្លោក្នុងការចលនាជនរួមជាតិខ្មែររស់នៅសាមគ្គី រស់នៅ “ល្អសាសនា ល្អសង្គម” និងអនុវត្តល្អតាមគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ; ចលនាមាមីងជនរួមជាតិខ្មែរចូលរួមការងារសប្បុរសធម៌សង្គម ព្រួតដៃរក្សាភាពសុខសាន្តភូមិស្រុក ខ្នះខ្នែងកសាងជនបទថ្មី រួមចំណែកក្នុងការកសាងមាតុភូមិ សុខសាន្តសម្បូរសប្បាយ”៕

ថាញ់យ្វី-មុនី

ចែករំលែកអត្ថបទ

ពាក្យគន្លឹះ