គោលនយោបាយ -ការរស់នៅ ច្បាប់

28/08/2023 - 15:51

ចាប់ពីថ្ងៃទី១៥ ខែសីហា ត្រូវពិន័យប្រាក់ប៉ុន្មាន បើលក់យានយន្តមិនប្រគល់ផ្លាកលេខដល់សមត្ថកិច្ច ?

ម្ចាស់យានយន្តដែលមិនគោរពតាមច្បាប់ដកហូតប័ណ្ណចុះបញ្ជីផ្លាកលេខនៅពេលផ្ទេរកម្មសិទ្ធិ នឹងត្រូវពិន័យប្រាក់ចាប់ពី៨០០.០០០ដុងដល់២លានដុង។

រូបថតជាឧទាហរណ៍។

សារាចរលេខ២៤/២០២៣/TT-BCA មានសុពលភាពចាប់ពីថ្ងៃទី១៥ ខែសីហា ជំនួសសារាចរលេខ៥៨/២០២០/ TT-BCA ស្តីពីបែបបទផ្តល់និងដកហូតប័ណ្ណចុះបញ្ជី និងផ្លាកលេខ យានយន្តផ្លូវគោក បានលើកឡើងយ៉ាងច្បាស់៖ នៅពេលផ្ទេរកម្មសិទ្ធិយានយន្ត (លក់ជូនជាអំណោយ ទទួលមរតកជាដើម) គឺម្ចាស់យានយន្តត្រូវរក្សាទុកនូវលិខិតបញ្ជាក់ចុះបញ្ជីយានយន្ត និងផ្លាកលេខយានយន្តប្រគល់ឱ្យស្ថាប័ន ចុះបញ្ជីយានយន្តនូវប័ណ្ណចុះបញ្ជីយានយន្ត និងផ្លាកលេខ ដើម្បីធ្វើបែបបទដកហូត។

ចំពោះករណីផ្ទេរកម្មសិទ្ធិយានយន្តរួមជាមួយផ្លាកលេខឈ្នះការដេញថ្លៃ គឺម្ចាស់យានយន្តត្រូវប្រគល់ឱ្យស្ថាប័នចុះបញ្ជីយានយន្តនូវប័ណ្ណចុះបញ្ជីយានយន្ត ដើម្បីធ្វើបែបបទដកហូត។

សារាចរនេះ ក៏បានកំណត់ក្នុងរយៈពេល ៣០ថ្ងៃ ចាប់ពីថ្ងៃធ្វើលិខិតស្នាមផ្ទេរកម្មសិទ្ធិយានយន្ត ម្ចាស់យានយន្តត្រូវធ្វើបែបបទដកហូត។ ចំពោះករណីហួសពេលកំណត់ខាងលើ ប៉ុន្តែម្ចាស់យានយន្តមិនធ្វើបែបបទដកហូត ឬប្រគល់ប័ណ្ណចុះបញ្ជីយានយន្ត និងផ្លាកលេខជូនអង្គភាព ឬបុគ្គលដែលទទួលការផ្ទេរកម្មសិទ្ធិយានយន្តធ្វើបែបបទដកហូតវិញនោះ គឺម្ចាស់យានយន្តនឹងត្រូវពិន័យ។

ក្រៅពីនេះ ក្នុងករណីម្ចាស់យានយន្តមិនធ្វើបែបបទដកហូត បន្ទាប់ពីផ្ទេរកម្មសិទ្ធិយានយន្ត គឺម្ចាស់យានយន្តនឹងទទួលខុសត្រូវចំពោះមុខច្បាប់ពីបទល្មើសទាក់ទងនឹងយានយន្តនោះ។

តាមរយៈនោះ កម្រិតពិន័យលើករណីលក់យានយន្ត តែមិនប្រគល់ផ្លាកលេខ នឹងត្រូវបានអនុវត្តតាមបទប្បញ្ញត្តិនៃអនុក្រឹត្យលេខ ១០០/២០១៩/NĐ-CP របស់រដ្ឋាភិបាល។

ជាក់ស្តែង ម្ចាស់យានយន្តដែលមិនអនុវត្តតាមការដកហូតប័ណ្ណចុះបញ្ជី និងផ្លាកលេខតាមការកំណត់ នឹងត្រូវពិន័យប្រាក់ចាប់ពី ៨០០.០០០ដុង ដល់២លានដុងសម្រាប់ករណី ជាបុគ្គលកម្រិតពិន័យសម្រាប់អង្គភាពចាប់ពី១,៦លានដុង ដល់៤លានដុង។

ដោយឡែកចំពោះរថយន្ត ម្ចាស់រថយន្តប្រព្រឹត្តល្មើសដូចពោលខាងលើ កម្រិតពិន័យដែលអនុវត្តគឺចាប់ពី២លានដុងដល់៤លានដុង សម្រាប់ករណីជាបុគ្គលនិងពី៤លានដុងដល់ ៨លានដុងសម្រាប់អង្គភាព៕

យោងតាម៖ កាសែតច្បាប់ក្រុងហូជីមិញ-ម៉េងលី

ចែករំលែកអត្ថបទ

ពាក្យគន្លឹះ