សុខភាព - អប់រំ សុខភាព

25/07/2023 - 10:04

វិធានការមួយចំនួនកាត់បន្ថយការឈឺឆ្អឹងខ្នង

មហាបរិញ្ញា វេជ្ជបណ្ឌិត ឯកទេស I ង៉ោត្វឹងអាញ មជ្ឈមណ្ឌលរបួសកែទម្រង់កាយនៃប្រព័ន្ធមន្ទីរពហុព្យាបាលតឹមអាញ ឱ្យដឹង៖ អ្នកឈឺឆ្អឹងខ្នងស្រាល អាចនឹងអនុវត្តនូវវិធានការកាត់បន្ថយការឈឺចាប់នៅនឹងផ្ទះដូចខាងក្រោម។

វេជ្ជបណ្ឌិតត្វឹងអាញ តាមដានមើលស្ថានភាពអ្នកជំងឺក្រោយពីវះកាត់។
រូប៖ មន្ទីរពហុព្យាបាលតឹមអាញ

ការសម្រាក

ខណៈអាការៈឈឺចាប់កើតឡើងចៃដន្យ ឬក៏ឈឺខ្លាំងប៉ះពាល់ដល់ការប្រជុំជីវភាព អ្នកជំងឺគប្បីបញ្ឈប់ភ្លាមរាល់សកម្មភាពដែលកំពុងធ្វើ ហើយឈប់សម្រាកនៅនឹងកន្លែងតែម្តង។ វិធានការនេះជួយកាត់បន្ថយសម្ពាធទៅលើឆ្អឹងខ្នងនិងសន្លាក់ឆ្អឹងខ្នង កែសម្រួលស្ថានភាពតានតឹងសាច់ដុំ ដើម្បីកាត់បន្ថយការឈឺចាប់យ៉ាងមានប្រសិទ្ធភាព។

ស្អំទឹកក្តៅ

សីតុណ្ហភាពខ្ពស់អាចនឹងជួយធ្វើឱ្យកម្តៅនិងសម្រួលសាច់ដុំឆ្អឹងខ្នង សន្លាក់ឆ្អឹងខ្នងនិងសរសៃប្រសាទ ជួយឱ្យឈាមរត់ល្អ។ អាស្រ័យហេតុនោះ អ្នកជំងឺបានធូរស្រាលពីស្ថានភាពតានតឹងសាច់ដុំនិងឈឺឆ្អឹងខ្នង ស្តារឡើងវិញ កម្រិតចលនា។ វិធានការនេះថែមទាំងកាត់បន្ថយការរលាកនិងជំរុញដល់ការព្យាបាលជារបួសន្លាក់ឆ្អឹងផង។ ដូច្នេះ អ្នកជំងឺគប្បីស្អំទឹកក្តៅឱ្យបានទៀងទាត់ពី២-៣ដងក្នុងមួយថ្ងៃ ហើយ២០នាទីស្អំម្តង។

ស្អំទឹកកក

ស្អំទឹកកក គឺជាវិធានការមួយជួយកាត់បន្ថយការហើមជាំយ៉ាងមានប្រសិទ្ធភាព ពិសេសគឺក្នុងអំឡុងពេល៧២ម៉ោង ខណៈដែលការឈឺឆ្អឹងខ្នងកើតឡើង ឬមានការរងរបួសជាដើម។ អ្នកជំងឺអាចនឹងប្រើប្រាស់ថង់ស្អំ ឬកន្សែងរុំទឹកកក រួចស្អំនៅត្រង់កន្លែងដែលឈឺប្រមាណ៣ ដងក្នុងមួយថ្ងៃ រយៈពេលចាប់ពី១៥២០នាទី។

ម៉ាស្សា

ការគក់ច្របាច់ខ្នង អាចនឹងធ្វើឱ្យសរសៃឈាមនិងខ្យល់ក្នុងឈាមរត់ល្អ; សម្រួលឆ្អឹងខ្នង សាច់ដុំនិងសរសៃប្រសាទ ផ្តើមពីនោះ ព្យាបាលជារបួសស្នាមនិងសម្រួលការឈឺចាប់លើឆ្អឹងខ្នង។ ការម៉ាស្សាសមស្របដល់អ្នកឈឺឆ្អឹងខ្នង មកពីធ្វើការងារហួសកម្លាំង អង្គុយមិនត្រង់ឥរិយាបថ ឬមានភាពតានតឹងសាច់ដុំ។

វេជ្ជបណ្ឌិតត្វឹងអាញ ឱ្យដឹង៖ អ្នកជំងឺបានអនុវត្តវិធានការថែទាំនៅនឹងផ្ទះដូចពោលខាងលើ ប៉ុន្តែការឈឺឆ្អឹងខ្នងនៅតែមិនធូរស្រាល ពេលនេះគប្បីទៅរកគ្រូពេទ្យពិនិត្យ។ គ្រូពេទ្យនឹងធ្វើការណែនាំប្រាប់ប្រភេទថ្នាំបំបាត់ការឈឺ ចាប់មួយចំនួន (ប្រភេទថ្នាំលេបឬលាបលើស្បែក) ថ្នាំបង្ការរលាក និងថ្នាំបន្ធូរសាច់ដុំ៘

យោងតាមស្ថានភាពសុខភាពរបស់អ្នកជំងឺម្នាក់ៗ គ្រូពេទ្យអាចនឹងមានផែនការព្យាបាល ដោយកាយវប្បកម្មដោយឡែក។ មានដូចការលំហាត់ប្រាណដំឡើងសាច់ដុំនិងស្តារកាយសម្បទាជួយបង្កើនកម្លាំងសាច់ដុំ បន្ធូរអារម្មណ៍និងបង្កើនការរវៀសរវៃ រួមជាមួយនឹងភាពមាំមួនដល់ប្រព័ន្ធសាច់ដុំនៃសន្លាក់ឆ្អឹងផង។ ការលំហាត់ប្រាណទាំងនេះ ជួយបំបាត់ការឈឺចាប់ ធ្វើឱ្យឈាមរត់ស្រួលនិងសម្រួលដល់ប្រព័ន្ធសរសៃប្រសាទ; ជួយកាត់បន្ថយការឈឺឆ្អឹងខ្នងឡើងវិញ ឬកាត់បន្ថយហានិភ័យជំងឺសន្លាក់ឆ្អឹង រក្សានិងស្តារសមត្ថភាពចលនាសម្រាប់អ្នកជំងឺ។

ភាគច្រើនករណីឈឺឆ្អឹងខ្នងស្រួចស្រាវ មិនចាំបាច់ព្យាបាលដោយការវះកាត់ទេ។ វិធានការវះកាត់ត្រូវបានអនុវត្ត ប្រសិនបើមូលហេតុដែលបណ្តាលឱ្យឈឺខ្នងមកពីចង្អៀតបំពង់ឆ្អឹងខ្នង បាក់ឆ្អឹង សរសៃក្លនលូន វិការឆ្អឹងខ្នងពីកំណើត ប្រព័ន្ធសរសៃប្រសាទខួរឆ្អឹងត្រូវសង្កត់រចនាសម្ព័ន្ធនៃសន្លាក់ឆ្អឹងខុសប្រក្រតី បណ្តាលឱ្យកម្រិតចលនាត្រូវចុះខ្សោយ មានហានិភ័យចុះខ្សោយសាច់ដុំនិងខ្វិន...៕

ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ