កីឡា - ទេសចរណ៍ ទេសចរណ៍

03/07/2023 - 16:10

បាកលីវ អភិវឌ្ឍទេសចរណ៍

ក្រុងបាកលីវ ខេត្តបាកលីវ មានឆ្នេរសមុទ្រប្រវែងជាង ១០ គីឡូម៉ែត្រ និងមានជនជាតិកិញ - ចិន - ខ្មែររស់នៅជាមួយគ្នា ម្ល៉ោះហើយ ប្រមូលផ្តុំខឿនវប្បធម៌ពិសេសដោយឡែក ជាលក្ខណៈងាយស្រួលដើម្បីអភិវឌ្ឍទេសចរណ៍។

ភ្ញៀវទេសចរមកទស្សនារមណីយដ្ឋានទេសចរណ៍បែបជំនឿសាសនានៅមណ្ឌលបដិមា
ព្រះម៉ែគង់ស៊ីអីម ក្រុងបាកលីវ។

តាមប្រសាសន៍លោកស្រី ឌោអាយឡាម អនុប្រធានគណៈកម្មាធិការប្រជាជនក្រុងបាកលីវ ក្រុងមានរមណីយដ្ឋានទេសចរណ៍ចំនួន ៩/១០ ក្នុងទូទាំងខេត្ត ត្រូវបានសម្ព័ន្ធសមាគមទេសចរណ៍វាលរាបទន្លេគឺវឡុង ទទួលស្គាល់ជារមណីយដ្ឋានទេសចរណ៍ឆ្នើម។ ក្នុងនោះ មានមណ្ឌលកេរដំណែលថ្នាក់ជាតិចំនួន ៧ កេរដំណែលថ្នាក់ខេត្តចំនួន ២៥ និងមានរមណីយដ្ឋានទេសចរណ៍លេចធ្លោជាច្រើនទៀត ដូច៖ សួនសត្វបាកលីវ ចម្ការមៀន មណ្ឌលបដិមាព្រះម៉ែគង់ស៊ីអីម វត្តគម្ភីរសាគរព្រែកជ្រៅ មណ្ឌលអគារកុងតឺបាកលីវ មណ្ឌលវាយោអគ្គិសនីបាកលីវ មណ្ឌលទេសចរណ៍ញ៉ាម៉ាក និងមណ្ឌលសមាធិទ្រុកឡឹមជាដើម។ ក្រៅពីនោះ នៅទាំងមានមុខម្ហូបអាហារឆ្ងាញ់ៗ ប្រកបដោយលក្ខណៈពិសេសជាច្រើន ដូច៖ មៀនសាច់ក្រាស នំចាក់អំបែង នំបញ្ចុកសាច់គោហឺរ។ល។ គឺជាគោលដៅទាក់ទាញអារម្មណ៍ភ្ញៀវទេសចរមកទស្សនា និងភ្លក់រសជាតិ។

ក្រុមសិល្បៈវត្តកម្ភីរសាគរព្រែកជ្រៅ ក្រុងបាកលីវសម្តែងរបាំអប្សរាបម្រើភ្ញៀវទេសចរ។

ផ្តើមពីឧត្តមភាពខាងសមុទ្រ ព្រៃឈើក្បែរឆ្នេរសមុទ្រ ចម្ការមៀនបុរាណ ក្រុងបាកលីវ បានអភិវឌ្ឍទៅជាមណ្ឌលសម្រាកលម្ហែកាយ សម្រាកចុងសប្តាហ៍ សកម្មភាពសហគមន៍គួបផ្សំនឹងការដើរទស្សនា ឆ្លងកាត់បទពិសោធន៍ទម្រង់កសិដ្ឋានអេកូឡូស៊ី និងភ្លក់រសជាតិម្ហូបអាហារដែលជាផលិតផលប្រណីតរបស់ជនរួមជាតិខ្មែរនៅតំបន់ឆ្នេរសមុទ្រ។ អ្នកមីងត្រឹងកេវ អ្នកដាំដើមមៀនសាច់ក្រាស់នៅក្រុងបាកលីវ ឱ្យដឹង៖ “ឆ្នាំ ២០១៤ ដំណាំមៀនសាច់ក្រាស់ បាននាយកដ្ឋានកម្មសិទ្ធិបញ្ញាជូនលិខិតទទួលស្គាល់ការពារផ្លាកសញ្ញាពាណិជ្ជកម្មផ្តាច់មុខ។ ឥឡូវ ដំណាំមៀនសាច់ក្រាស់ បានដាំជាទូទៅ បង្កជាផលិតផលប្រណីត ទាក់ទាញភ្ញៀវទេសចរ”។

ក្រុងបាកលីវ នៅទាំងផ្តុំកម្លាំងអភិរក្ស ពង្រីកនូវទម្រង់សិល្បៈដ៏ប្រណីតរបស់ជនរួមជាតិខ្មែរផងដែរ ដូចជា៖ ល្ខោនយូរកេរ្តិ៍ ភ្លេងពិណពាទ្យ របាំអប្សរា រាំវង់ របាំឆៃយុាំ របាំគោះត្រឡោក ។ល។ និងពិធីបុណ្យប្រពៃណី មានដូច៖ បុណ្យអកអំបុក បុណ្យដង្ហែផ្កា បុណ្យសែនដូនតា បុណ្យចូលឆ្នាំថ្មី។ល។ ដើម្បីទាក់ទាញភ្ញៀវទេសចរមកទស្សនា និងសិក្សាស្រាវជ្រាវទៀតផង។ ព្រះតេជព្រះគុណ យឿងវឹង ព្រះចៅអធិការវត្តគម្ភីរសាគរព្រែកជ្រៅ មានថេរដីកា៖ “បច្ចុប្បន្ន វត្តបានក្លាយជារមណីយដ្ឋានទេសចរណ៍ឆ្នើមរបស់តំបន់វាលរាបទន្លេគឺវឡុង ម្ល៉ោះហើយ ក្រៅពីអភិរក្សពិធីបុណ្យវប្បធម៌របស់ជនជាតិ ស្ថាបត្យកម្មដ៏ប្រណីតនៅក្នុងវត្ត អាត្មាភាពនៅទាំងស្តារឡើងវិញនូវភូមិរបរធ្វើនំប្រពៃណីរបស់ជនជាតិខ្មែរ ដូច៖ នំខ្ញី នំជើងតាំង នំត្រប់។ល។ ដើម្បីឧទ្ទេសនាមដល់ភ្ញៀវទេសចរមកពីចម្ងាយ។ ទន្ទឹមនឹងនោះ រក្សាក្រុមភ្លេងពិណពាទ្យ ក្រុមច្រៀងរាំ ក្រុមរបាំ ដើម្បីសម្តែងបម្រើភ្ញៀវទេសចរផងដែរ”។

លោកស្រីឌោអាយឡាម ឱ្យដឹង៖ “ដើម្បីផ្តុំកម្លាំងទាញយកផលឱ្យមានប្រសិទ្ធភាពពីសក្តានុភាព និងឧត្តមភាពដែលមានស្រាប់ ក្រុងបានចលនា លើកទឹកចិត្ត ណែនាំអាជីវកម្ម មូលដ្ឋាន គ្រួសារប្រជាជន ធ្វើអាជីវកម្មចូលរួមវិនិយោគលើវិស័យទេសចរណ៍ បង្កើនកម្រិតមូលដ្ឋានដែលមានស្រាប់តាមទិសដៅគ្រប់បទដ្ឋានបម្រើភ្ញៀវទេសចរ; ឧបត្ថម្ភប្រជាជនវិនិយោគពង្រីកផ្ទៃដីដាំដើមមៀនសាច់ក្រាស់ ផ្សារភ្ជាប់ជាមួយនឹងអភិវឌ្ឍទេសចរណ៍ឆ្លងកាត់ ពិសោធន៍ធ្វើនំចាក់អំបែង សន្សឹមៗក្លាយជាផលិតផលទេសចរណ៍សហគមន៍នៅភូមិភាគ។ល។ ដើម្បីទេសចរណ៍ខេត្តបាកលីវគ្រប់សមត្ថភាពប្រកួតប្រជែង និងទាក់ទាញភ្ញៀវទេសចរទាំងនៅក្នុងនិងក្រៅប្រទេស”៕

យ្វីអាញ-វិមាន

ចែករំលែកអត្ថបទ

ពាក្យគន្លឹះ