សុខភាព - អប់រំ សុខភាព

26/06/2023 - 14:44

ថែទាំសុខភាពបឋមជូនប្រជាជនបានល្អ

ការធ្វើឱ្យសុក្រឹតប្រព័ន្ធសុខាភិបាលមូលដ្ឋាន គឺជាចំណុចចាប់ផ្តើមដើម្បីភូមិភាគនានាតំបន់ជនរួមជាតិភាគតិចនៅវាលរាបទន្លេគឺវឡុង ថែទាំសុខភាពបឋមជូនប្រជាជនបានល្អនិយាយរួម និងជនរួមជាតិភាគតិចនិយាយដោយឡែក។

ប្រជាជនមកពិនិត្យជំងឺនៅដំណាក់សុខាភិបាលដុងថាំង។

តាមរបាយការណ៍របស់នាយកដ្ឋានកិច្ចការភូមិភាគនៃគណៈកម្មាធិការជនជាតិ បច្ចុប្បន្ន ដំណាក់សុខាភិបាលតំបន់ជនជាតិ តែងបានវិនិយោគមូលដ្ឋានសម្ភារៈមាំទាំ និងបំពាក់គ្រឿងសម្ភារពេទ្យជាសារវ័ន្តឆ្លើយតបតម្រូវការពិនិត្យនិងព្យាបាលជំងឺ។ លោកហូហ៊ឺវហាញ់ លេខាគណៈកម្មាធិការបក្ស ឃុំទ្រុងថាញ់ ស្រុកវុងលីម ខេត្តវិញឡុង ឱ្យដឹង៖ “ក្នុងដំណាក់កាលកសាងជនបទថ្មី យើងខ្ញុំផ្តុំកម្លាំងកសាងហេដ្ឋារចនាសម្ព័ន្ធមូលដ្ឋាន ដើម្បីឆ្លើយតបតម្រូវការអភិវឌ្ឍសេដ្ឋកិច្ច-សង្គមរបស់ប្រជាជន។ ក្នុងនោះ អាទិភាពកសាងដំណាក់សុខាភិបាលដើម្បីថែទាំសុខភាពបឋមជូនប្រជាជនឱ្យបានល្អនិយាយរួម និងជនរួមជាតិភាគតិចនិយាយដោយឡែក”។

ដំណាក់សុខាភិបាលនៅតំបន់មានជនរួមជាតិភាគតិចរស់នៅកុះកររបស់ក្រុងកឹងធើ
តែងសម្រេចបទដ្ឋានជាតិ។

ក្នុងដំណាក់កាលធ្វើឱ្យសុក្រឹតសុខាភិបាលមូលដ្ឋាន ភូមិភាគនានា ផ្តោតទៅលើការលើកកម្ពស់គុណភាពប្រភពធនធានមនុស្ស បញ្ជូនកម្មាភិបាលពេទ្យជាជនជាតិភាគតិចមកបំពេញការងារ ដើម្បីការងារថែទាំសុខភាពបឋមជូនជនរួមជាតិភាគតិចមានភាពងាយស្រួល។ វេជ្ជបណ្ឌិតលឺវវ៉ាន់ហាញ់ ប្រធានដំណាក់សុខាភិបាលឃុំឌិញអាង ស្រុកហ្គក្វាវ ឱ្យដឹង៖ “ដំណាក់សុខាភិបាលឃុំឌិញអាង ត្រូវបានកសាងនៅទីប្រជុំជនសុកវែង ក្បែរផ្លូវថ្នល់ធំ ម្ល៉ោះហើយងាយស្រួលសម្រាប់មាមីងធ្វើដំណើរមកពិនិត្យនិងព្យាបាលជំងឺ។ ពិសេស ដំណាក់សុខាភិបាលក៏នៅជិតភូមិនានា ដែលមានជនរួមជាតិខ្មែររស់នៅកុះករផងដែរ។ ចំណែកធនធានមនុស្សវិញ ដំណាក់មានកម្មាភិបាលពេទ្យជាជនជាតិខ្មែរ ៦/១០ នាក់ ហេតុនោះអាចបកស្រាយពន្យល់ប្រាប់ដល់មាមីងជាភាសាខ្មែរអំពីបញ្ហាណាដែលមាមីងយល់មិនទាន់ច្បាស់”។

ដើម្បីឆ្លើយតបបានប្រភពធនធានមនុស្សសម្រាប់ដំណាក់សុខាភិបាល រយៈពេលកន្លង នៅវាលរាបទន្លេគឺវឡុងមានកម្មវិធីបណ្តុះបណ្តាលបុគ្គលិកពេទ្យដោយរូបភាពជម្រើសតាំង និងបណ្តុះបណ្តាលទៅតាមអាសយដ្ឋាន មានតម្រូវការ។ នេះគឺជាកងជួរដែលឆ្លើយតបទៅនឹងតម្រូវការកាន់តែច្រើនឡើងៗរបស់សុខាភិបាលមូលដ្ឋាន។ តាមស្ថិតិរបស់មហាវិទ្យាល័យឱសថសាស្រ្តកឹងធើ មហាវិទ្យាល័យ បាននិងកំពុងបណ្តុះបណ្តាលនិស្សិតជាជនជាតិខ្មែរចំនួន ៦៩៧ នាក់ ស្រូបអត្រាជាង ៨៣%នៃចំនួននិស្សិតក្នុងកម្មវិធីជម្រើសតាំងនិងបណ្តុះបណ្តាលទៅតាមអាសយដ្ឋានមានតម្រូវការ។ ក្រៅពីមហាវិទ្យាល័យឱសថសាស្រ្តកឹងធើ មជ្ឈមណ្ឌលបំប៉នសុខាភិបាលយោធភូមិភាគ ៩ (ចាស់) ក៏បានចូលរួមបណ្តុះបណ្តាលកងជួរបុគ្គលិកពេទ្យ រួមចំណែកកសាងធនធានមនុស្សសម្រាប់សុខាភិបាលមូលដ្ឋានផងដែរ។ គ្រូពេទ្យយ័ញថាញ់ អនុប្រធានដំណាក់សុខាភិបាលឃុំដុងថាំង ស្រុកកើ-ដ ក្រុងកឹងធើ ឱ្យដឹង៖ “ក្រោយពីបញ្ចប់ការសិក្សានៅមជ្ឈមណ្ឌល ខ្ញុំបានបញ្ជូនមកបម្រើការនៅដំណាក់សុខាភិបាលឃុំដុងថាំង។ បច្ចុប្បន្ន ខ្ញុំកំពុងលៃលកការងារដើម្បីរៀនបន្តឡើងមហាវិទ្យាល័យ សំដៅអនុវត្តការងារថែទាំសុខភាពជូនប្រជាជនឱ្យបានល្អប្រសើរជាងទៀត”៕

ហាថាញ-លីសៀ

ចែករំលែកអត្ថបទ

ពាក្យគន្លឹះ