មហាសាមគ្គីជនជាតិ គំរូក្នុងសហគមន៍

26/06/2023 - 14:44

គ្រូពេទ្យយ័ញមី តែងអស់ពីចិត្តជាមួយការងារ

បន្ទាប់ពីបម្រើការងារនៅកោះត្រែ ស្រុកគៀងហាយ គ្រូពេទ្យយ័ញមី បានប្ដូរទៅស្រុកកំណើត ហើយធ្វើជាបុគ្គលិកទទួលបន្ទុកផ្នែកចាក់វ៉ាក់សាំងនៅដំណាក់សុខាភិបាលឃុំឌិញអាង ស្រុកហ្គក្វាវ ខេត្តគៀងយ៉ាង។ តាមការវាយតម្លៃរបស់វេជ្ជបណ្ឌិត លឺវវ៉ាន់ហាញ់ ប្រធានដំណាក់សុខាភិបាលឃុំឌិញអាង ដោយបងយ័ញមីជាជនជាតិខ្មែរ ដូច្នេះគាត់អនុវត្តបានយ៉ាងល្អការងារចលនា ផ្សព្វផ្សាយក្នុងជនរួមជាតិខ្មែរ។

គ្រូពេទ្យយ័ញមី។

តាមសម្ដីបងយ័ញមី ក្នុងរយៈពេលបំពេញភារកិច្ច មានចំណុចពីរយ៉ាងដែលដក់ជាប់ក្នុងអារម្មណ៍គាត់ជារៀងរហូតមកនោះគឺ នៅឆ្នាំ ២០០៤ បងត្រូវបានចាត់ទៅបំពេញភារកិច្ចនៅកោះត្រែ ខណៈនោះជំងឺ COVID - ១៩ កំពុងផ្ទុះឡើង។ ដោយធ្លាប់រស់នៅដីគោក ដូច្នេះ ពេលចេញទៅកោះ បងជួបលំបាកមិនតិចឡើយ។ អាស្រ័យដោយប្រជាជននិងថ្នាក់ដឹកនាំមូលដ្ឋានបង្កលក្ខណៈ ម្ល៉ោះហើយ បងក៏សម្របខ្លួនបន្តិចម្ដងៗហើយក៏ធ្វើកិច្ចការបានល្អប្រសើរឡើង។ តាមពិត កោះត្រែមិនឆ្ងាយពីដីគោកប៉ុន្មានទេ បើប្រៀបនឹងកោះដទៃទៀតនៅគៀងយ៉ាង ប៉ុន្តែដោយសារលក្ខណៈផ្ទាល់ខ្លួន ទើបបងមិនសូវមានឱកាសមកលេងស្រុកកំណើត។ នៅពេលគាត់សុាំនឹងទីកន្លែង និងគ្រោងផែនការដើម្បីកសាងគ្រួសារ-អាជីពនៅលើកោះ ពេលនោះក្នុងគ្រួសារក៏មានធុរៈ រួចហើយក៏ត្រូវការបងនៅក្បែរ។ បទពិសោធន៍នៃការជម្នះលំបាកពេលបំពេញភារកិច្ចនៅកោះត្រែ បានជួយឱ្យបងយ័ញមីសម្របខ្លួនបន្តិចម្តងៗ រួចហើយសម្រេចរាល់ភារកិច្ចដែលថ្នាក់លើប្រគល់ឱ្យនៅស្ថាប័នថ្មី។

បងយ័ញមី ឱ្យដឹង៖ “ក្នុងអំឡុងពេល COVID -១៩ កម្មាភិបាល បុគ្គលិកសុខាភិបាលទាំងអស់ ត្រូវបំពេញភារកិច្ចអស់ពីសមត្ថភាព ១០០%។ ក្រៅពីការងារចុះទៅភូមិសាស្ត្រធ្វើតេស្ត យកសំណាក ខ្ញុំនៅទាំងចូលរួមចាក់វ៉ាក់សាំងផង ដូច្នេះស្នាក់នៅក្នុងស្ថាប័ននិងមជ្ឈមណ្ឌលសុខាភិបាលស្រុក ចួនកាលរាប់ខែទើបបានមកផ្ទះ។ ផ្ទះមានកូនតូច ដូច្នេះខ្ញុំក៏អន្ទះអន្ទែងណាស់ដែរ ប៉ុន្តែដោយសារការងាររួមនិងធានាសុវត្ថិភាពគ្រួសារ ម៉្លោះហើយខ្ញុំមិនហ៊ានដកខ្លួនឡើយ”។ ក្នុងការចាក់វ៉ាក់សាំងម្ដងៗ បងយ័ញមី មានអារម្មណ៍ថាមានទំនួលខុសត្រូវក្នុងការងារឱ្យកាន់តែល្អថែមទៀត ពីព្រោះបងជាអ្នកទទួលបន្ទុកលើការចាក់វ៉ាក់សាំងក្នុងដំណាក់សុខាភិបាលនេះ។

ឌិញអាង ជាឃុំមួយដែលមានជនជាតិខ្មែររស់នៅកុះករ ដូច្នេះក្រៅពីបម្រើការងារវិជ្ជាជីវៈ បងយ័ញមី ក៏ជាអ្នកបកប្រែឱ្យសហការីក្នុងការពិនិត្យនិងព្យាបាលប្រចាំថ្ងៃផងដែរ។ អ្នកមីងធីលីវ នៅភូមិអាងទ្រឿង រ៉ាយរ៉ាប់៖ “គ្រូពេទ្យយ័ញមី ជាមនុស្សនៅមូលដ្ឋាន ដូច្នេះ គាត់យល់ច្បាស់និងជួយជនរួមជាតិខ្មែរបានច្រើន ពេលយើងខ្ញុំមកដំណាក់សុខាភិបាល ពិនិត្យនិងព្យាបាលជំងឺ។ ដូច្នេះ ទើបមាមីងក្នុងភូមិបានស្ងប់អារម្មណ៍ពេលបានមកពិនិត្យនៅដំណាក់សុខាភិបាលឃុំ”៕

ហាថាញ-លេងមី

ចែករំលែកអត្ថបទ

ពាក្យគន្លឹះ