មហាសាមគ្គីជនជាតិ ភូមិស្រុកផ្លាស់ថ្មី

19/06/2023 - 16:54

ឃុំជនបទថ្មីកម្រិតខ្ពស់ដុងថាញ់

ចាប់តាំងពីពេលសម្រេចបទដ្ឋានជនបទថ្មីកម្រិតខ្ពស់ ឃើញថាជីវភាពសម្ភារៈនិងស្មារតីរបស់ប្រជាជននៅឃុំដុងថាញ់ ទីរួមខេត្តប៊ិញមិញ ខេត្តវិញឡុង ត្រូវបានលើកស្ទួយឥតឈប់ឈរ។

ម៉ោងហាត់ប្រាណរបស់កុមារនៅសាលាមត្តេយ្យសៅម៉ាយ។

រួមជាមួយនឹងដុងប៊ិញ ដុងថាញ់ គឺជាឃុំដែលមានជនរួមជាតិខ្មែររស់នៅច្រើនបំផុតរបស់ទីរួមខេត្តប៊ិញមិញ។ អាស្រ័យមាមីងជនជាតិភាគតិចបានទទួលផលពីគោលនយោបាយដាច់ដោយឡែកជាច្រើន ម៉្លោះហើយ ផ្នែកហេដ្ឋារចនាសម្ព័ន្ធលើភូមិសាស្ត្រឃុំដុងថាញ់ មានភាពល្អប្រសើរពីមួយថ្ងៃទៅមួយថ្ងៃ ពិសេសគឺដងផ្លូវនៅតាមភូមិដែលមានជនរួមជាតិខ្មែររស់នៅកុះករ។

ដងផ្លូវគមនាគមន៍ជនបទថ្មីនៅឃុំដុងថាញ់ ត្រូវបានវិនិយោគកសាងបានសមរម្យ។

លោកសើុងរឿ អនុប្រធានគណៈកម្មាធិការប្រជាជនឃុំដុងថាញ់ ឱ្យដឹង៖ “ដោយការខិតខំប្រឹងប្រែងយ៉ាងពេញទំហឹង និងការប្តេជ្ញាចិត្តខ្ពស់របស់ទូទាំងប្រព័ន្ធនយោបាយ ព្រមទាំងទទួលបានការស្របមតិពីសំណាក់ប្រជាជន ក្រោយរយៈពេល ៧ ឆ្នាំ កសាងរហូតដល់ចុងឆ្នាំ ២០២២ ឃុំដុងថាញ់បានសម្រេចទិសដៅជនបទថ្មីកម្រិតខ្ពស់ ជាមួយនឹងហេដ្ឋារចនាសម្ព័ន្ធផ្លូវគមនាគមន៍ សេដ្ឋកិច្ច-សង្គមមានការអភិវឌ្ឍ។ ទូទាំងឃុំមានផ្លូវឃុំភ្ជាប់ឃុំ ត្រូវបានក្រាលកៅស៊ូ ចាក់បេតុងទាំង ១០០% អត្រាគ្រួសារក្រីក្រថយចុះនៅ ០,២៥%។ សន្តិសុខសណ្តាប់ធ្នាប់ សុវត្ថិភាពសង្គម ត្រូវបានរក្សារឹងមាំ វប្បធម៌មានភាពរីកចម្រើន។ល។ កម្រិតប្រជាបញ្ញាត្រូវបានលើកកម្ពស់ ប្រជាជននិយាយរួម និងជនរួមជាតិខ្មែរនិយាយដោយឡែក តែងយកចិត្តទុកដាក់ដល់ការរៀនសូត្រ។ រៀងរាល់ឆ្នាំ នៅតាមសាលារៀនជ្រើសរើសសិស្សសម្រេចតាមលក្ខឋានប្រគល់ឱ្យចំនួនសិស្សបោះបង់ការសិក្សាគ្មានមូលហេតុលែងមានទៀត។ សម្រេចបានលទ្ធផលដូច្នេះ មួយផ្នែកគឺអាស្រ័យសាលារៀនកសាងបានសមរម្យ សម្រេចបទដ្ឋាន គ្រូបង្រៀនធានាបានគុណភាព និងមានការប្តេជ្ញាចិត្តខ្ពស់ក្នុងបុព្វហេតុបណ្តុះបណ្តាលធនធានមនុស្ស”។

លុះវិស័យអប់រំមានភាពរីកចម្រើន ទាក់ទាញសិស្សចូលរៀនច្រើន និងដាក់ក្តីស្រមៃលើវិថីសិក្សាកាន់តែខ្លាំង។ អ្នកគ្រូគឹមធីរំចង់ គ្រូបង្រៀនសាលាមត្តេយ្យសៅម៉ាយ ឱ្យដឹង៖ “អាស្រ័យមានផ្លូវគមនាគមន៍ធ្វើដំណើរទៅមកងាយស្រួល ខ្ញុំជិះកង់ទៅសិក្សាថ្នាក់វិទ្យាល័យនៅទីប្រជុំជនត្រាអូង។ ក្រោយពីរៀនចប់វិទ្យាល័យ ខ្ញុំចុះឈ្មោះប្រឡងចូលផ្នែកគរុកោសល្យមត្តេយ្យ ពេលបញ្ចប់ការសិក្សាខ្ញុំដាក់ពាក្យសុំការងារនិងបានចាត់បញ្ជូនមកបំពេញនៅឃុំដុងថាញ់។ ខ្ញុំពេញចិត្តនឹងការងារនាបច្ចុប្បន្ន សង្ឃឹមថា បានជួយណែនាំក្មេងៗជាច្រើនក្នុងភូមិបន្តការសិក្សា”។ តាមប្រសាសន៍អ្នកគ្រូ ប៊ូយហុងណាម នាយិកាសាលាមត្តេយ្យសៅម៉ាយ បច្ចុប្បន្ន សាលាមានគ្រូបង្រៀនវ័យក្មេងជាជនជាតិខ្មែរចំនួន ៤ នាក់ អ្នកគ្រូទាំងនេះ សុទ្ធតែបានបញ្ចប់ការសិក្សាគរុកោសល្យមត្តេយ្យ សព្វថ្ងៃកំពុងរៀនមហាវិទ្យាល័យមត្តេយ្យ។ អ្វីដែលសំខាន់នោះ ពួកគាត់គឺជាបង្កោលដ៏រឹងមាំរបស់សាលា មានអ្នកគ្រូខ្លះបានបញ្ចប់ថ្នាក់មធ្យមសិក្សានយោបាយ ខ្លះទៀតកំពុងសិក្សា។

វាយតម្លៃខ្ពស់ចំពោះដំណើរការកសាងជនបទថ្មីកម្រិតខ្ពស់របស់ឃុំដុងថាញ់ លោក ង្វៀងថាញកឹង ប្រធានគណៈកម្មាធិការប្រជាជនទីរួមខេត្តប៊ិញមិញ បញ្ជាក់បន្ថែម៖ ឃុំដុងថាញ់ គប្បីវាស់ស្ទង់ការពេញចិត្តរបស់ប្រជាជន ដើម្បីបន្តការចលនាប្រជាជនពង្រីកតួនាទីជាតួអង្គសំខាន់ក្នុងការកសាងជនបទថ្មីនៅដំណាក់កាលបន្តបន្ទាប់៕

ហាថាញ-មុនី

ចែករំលែកអត្ថបទ

ពាក្យគន្លឹះ