គោលនយោបាយ -ការរស់នៅ ច្បាប់

12/06/2023 - 08:09

សេចក្តីណែនាំថ្មី ស្តីពីការបង្កើនប្រាក់បំណាច់អនុគ្រោះមុខរបរសម្រាប់កម្មាភិបាលសុខាភិបាល

ក្រសួងសុខាភិបាល ទើបចេញសារលិខិតលេខ ៣១០២/BYT-TCCB ស្តីពីការអនុវត្តរបបប្រាក់បំណាច់អនុគ្រោះទៅតាមមុខរបរមានចែងក្នុងអនុក្រឹត្យលេខ ០៥/២០២៣/NĐ-CP។

រូបថតជាឧទាហរណ៍។

ក្នុងរយៈពេលកន្លង ក្រសួងសុខាភិបាល ទទួលបានសារលិខិតពីមន្ទីរសុខាភិបាលខេត្ត ក្រុងនិងបុគ្គលមួយចំនួន អំពីការផ្សព្វផ្សាយអនុវត្តរបបប្រាក់បំណាច់អនុគ្រោះតាមមុខរបរ មានចែងក្នុងអនុក្រឹត្យលេខ ០៥/២០២៣/NĐ -CP។ បន្ទាប់ពីធ្វើការសិក្សាស្រាវជ្រាវ ក្រសួងសុខាភិបាលមានយោបល់ដូចតទៅ៖

-អំពីរយៈពេលនៃការអនុវត្តអនុក្រឹត្យលេខ ០៥/២០២៣/NĐ-CP៖

កម្រិតនៃប្រាក់បំណាច់អនុគ្រោះទៅតាមមុខរបរចំពោះបុគ្គលិកសុខាភិបាលបង្ការ សុខាភិបាលមូលដ្ឋាន អនុវត្តចាប់ពីថ្ងៃទី ០១/០១/ ២០២២ រហូតដល់ថ្ងៃ ៣១/១២/២០២៣។

យោងតាមមាត្រា ១ នៃអនុក្រឹត្យលេខ ០៥/ ២០២៣៖

-អំពីមុខសញ្ញាបានទទួលកម្រិតប្រាក់បំណាច់អនុគ្រោះតាមមុខរបរ មានចែងក្នុងអនុក្រឹត្យលេខ ០៥/២០២៣៖

មុខសញ្ញាទទួលប្រាក់បំណាច់អនុគ្រោះតាមមុខរបរកម្រិត ១០០% យោងតាមសេចក្តីកំណត់នៃអនុក្រឹត្យលេខ ០៥/២០២៣/NĐ-CP គឺបុគ្គលិកផ្នែកសុខាភិបាលបង្ការ សុខាភិបាល មូលដ្ឋាន បម្រើការងារមុខជំនាញផ្នែកសុខាភិបាលជាប្រចាំនិងដោយផ្ទាល់បាននឹងកំពុង ទទួលប្រាក់បំណាច់អនុគ្រោះតាមមុខរបរកម្រិតពី ៤០-៧០% ដែលបានកំណត់ក្នុងអនុក្រឹត្យលេខ ៥៦/២០១១/NĐ-CP និងសារាចរអន្តរក្រសួងលេខ ០២/២០១២/TTLT-BYT-BNV-BTC។

-ករណីផ្សេងៗទៀត គឺ៖

+ចំពោះករណីដែលមិនមែនជាមុខសញ្ញាអនុវត្តអនុក្រឹត្យលេខ ០៥/២០២៣ គឺបន្តអនុវត្តរបបប្រាក់បំណាច់អនុគ្រោះដែលមានចែងក្នុងអនុក្រឹត្យលេខ ៥៦/២០១១/NĐ-CP។

+កិច្ចសន្យាការងារ៖ ដែលលែងជាអ្នកធ្វើការតាមរបបកិច្ចសន្យាតាមអនុក្រឹត្យ ៥៨/TTg នៅដំណាក់សុខាភិបាលឃុំ។

-អំពីមុខសញ្ញាបុគ្គលិកកំពុងទទួលប្រាក់បំណាច់អនុគ្រោះតាមមុខរបរផ្នែកសុខាភិបាលកម្រិត ៧០% មានចែងក្នុងអនុក្រឹត្យលេខ ៧៦/២០១៩/NĐ-CP ៖

ចាប់ពីថ្ងៃទី០១/០១/២០២២ រហូតមកទល់នឹងបច្ចុប្បន្ន បុគ្គលិកដែលទទួលប្រាក់បំណាច់ អនុគ្រោះតាមមុខរបរដែលមានចែងក្នុងអនុក្រឹត្យលេខ ៧៦/២០១៩/NĐ-CP ប្រសិនបើស្ថិតក្នុងក្របខ័ណ្ឌមុខសញ្ញាទទួលកម្រិតប្រាក់ បំណាច់តាមមុខរបរ (១០០%) ដែលបានកំណត់ក្នុងអនុក្រឹត្យលេខ ០៥/២០២៣/NĐ-CP គឺ បានទទួលចំណែកអតុល្យភាពនឹងកម្រិតប្រាក់ បំណាច់អនុគ្រោះតាមមុខរបរដែលនឹងត្រូវបានទទួល។

-បុគ្គលិកជាមុខសញ្ញាទទួលប្រាក់បំណាច់ អនុគ្រោះតាមមុខរបរ មានចែងក្នុងអនុក្រឹត្យលេខ០៥/២០២៣/NĐ-CP បានចូលនិវត្តន៍ ឈប់ការងារ ប្តូរការងារទៅស្ថាប័ន អង្គភាពផ្សេង បានទទួលកម្រិតនៃប្រាក់បំណាច់អនុគ្រោះតាមមុខរបរក្នុងរយៈពេលបំពេញការងារនៅអង្គភាពមុននឹងចូលនិវត្តន៍ឈប់ឬប្តូរការងារ។

-ចំពោះបុគ្គលិកបានចាត់បញ្ជូនបណ្តោះអាសន្នទៅបំពេញការងារនៅស្ថាប័នផ្សេងក្នុងរយៈពេលចាប់ពីថ្ងៃទី ០១/០១/២០២២ រហូតដល់ផុតថ្ងៃ ៣១/១២/២០២៣៕

យោង៖ luatvietnam.vn-បកប្រែ៖ មុនី

ចែករំលែកអត្ថបទ

ពាក្យគន្លឹះ