ព្រឹត្តិការណ៍ - នយោបាយ ព្រឹត្តិការណ៍

05/06/2023 - 11:02

ធ្វើអធិការកិច្ចការអនុវត្តកម្មវិធីទិសដៅជាតិ ១៧១៩ និង គោលនយោបាយជនជាតិមួយចំនួននៅខេត្តកាម៉ាវ

គណៈប្រតិភូអធិការកិច្ចនៃគណៈកម្មាធិការជនជាតិ ដឹកនាំដោយលោក អុីថុង អនុរដ្ឋមន្ត្រី អនុប្រធានគណៈកម្មាធិការជនជាតិ ទើបប្រកាសសេចក្តីសម្រេចធ្វើអធិការកិច្ចការអនុវត្តកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ (ហៅកាត់ថា កម្មវិធីទិសដៅជាតិ ១៧១៩) និងគោលនយោបាយមួយចំនួនស្ថិតក្នុងវិស័យការងារជនជាតិលើភូមិសាស្ត្រខេត្តកាម៉ាវ។

អនុរដ្ឋមន្ត្រី អនុប្រធានគណៈកម្មាធិការជនជាតិ អ៊ីថុង ថ្លែងការណ៍ក្នុងឱកាសប្រកាសសេចក្តីសម្រេចធ្វើអធិការកិច្ចលើប្រធានបទអំពីការងារជនជាតិ។

តាមរយៈនោះ គណៈប្រតិភូអធិការកិច្ចនៃគណៈកម្មាធិការជនជាតិ នឹងធ្វើអធិការកិច្ចការអនុវត្តកម្មវិធីគោលនយោបាយ ស្ថិតក្នុងវិស័យការងារជនជាតិនៅខេត្តកាម៉ាវ រួមមាន៖ ការអនុវត្តកម្មវិធីទិសដៅជាតិ ១៧១៩។ ដំណាក់កាលធ្វើអធិការកិច្ច ចាប់ពីឆ្នាំ ២០២១ រហូតមកទស់នឹងបច្ចុប្បន្ន។ ធ្វើអធិការកិច្ចអំពីការអនុវត្តគោលនយោបាយដាច់ដោយឡែក ឧបត្ថម្ភអភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិចនិងតំបន់ភ្នំ ដំណាក់កាល ២០១៧-២០២០ យោងតាមសេចក្តីសម្រេចលេខ ២០៨៥/QĐ-TTg ចុះថ្ងៃទី ៣១/១០/២០១៦ របស់នាយករដ្ឋមន្ត្រីនៃរដ្ឋាភិបាល។ ដំណាក់កាលធ្វើអធិការកិច្ច ចាប់ពីឆ្នាំ ២០១៨-២០២១។ ធ្វើអធិការកិច្ចការអនុវត្តគោលនយោបាយចំពោះអ្នកមានប្រជាប្រិយក្នុងសហគមន៍ជនរួមជាតិភាគតិច យោងតាមសេចក្តីសម្រេចលេខ ១២/២០១៨/QĐ-TTg ចុះថ្ងៃទី ៦/៣/២០១៨ របស់នាយករដ្ឋមន្ត្រីនៃរដ្ឋាភិបាល។ ដំណាក់កាលធ្វើអធិការកិច្ច ចាប់ពីឆ្នាំ ២០២០-២០២២។

រយៈពេលធ្វើអធិការកិច្ច គឺ ៣០ថ្ងៃធ្វើការជាក់ស្តែង ចាប់តាំងពីថ្ងៃប្រកាសសេចក្តីសម្រេចធ្វើអធិការកិច្ច (មិនគិតថ្ងៃឈប់សម្រាកតាមការកំណត់)។

ទូទាំងខេត្តកាម៉ាវ បច្ចុប្បន្ន មាន ៣៣ ជនជាតិនៅរួមរស់លើភូមិសាស្ត្រ មានប្រជាជន ៣០៧.២៥៥ គ្រួសារ ជាមួយនឹងមនុស្សជាង ១,២ លាននាក់។ ជនរួមជាតិភាគតិចដែលមាន មនុស្សច្រើនបំផុតរបស់ខេត្តគឺជនជាតិខ្មែរ មានប្រជាជនជិត ១០.០០០ គ្រួសារ ជាមួយនឹងមនុស្សប្រមាណ ៣៩.០០០នាក់ ជនជាតិចិន មានប្រជាជនជិត ១.៦០០ គ្រួសារ ជាមួយនឹងមនុស្សប្រមាណ ៧.០០០ នាក់។ ក្រៅពីនោះ ជនជាតិភាគតិចចំនួន ៣០ ជនជាតិ មានប្រជាជនប្រមាណ ៤៣២គ្រួសារ ជាមួយនឹងមនុស្សជាង ២.០០០ នាក់។ យោងតាមលទ្ធផលនៃការត្រួតពិនិត្យចុងឆ្នាំ ២០២២ គ្រួសារជនរួមជាតិភាគតិចក្រីក្រនៅមាន ១.០៤២ គ្រួសារ ស្រូបអត្រា ១៤,០៦% នៃចំនួនគ្រួសារក្រីក្រក្នុងទូទាំងខេត្ត។ ដំណាក់កាល ២០២១-២០២៥ តំបន់ជនជាតិភាគតិចខេត្តកាម៉ាវ នៅមានឃុំតំបន់ III ចំនួន ៥ (ក្នុងនោះ មានឃុំតំបន់សុវត្ថិភាពចំនួន ២) ឃុំតំបន់ I ចំនួន ១ និងមានភូមិ ឃុំ អនុសង្កាត់លំបាកខ្លាំងចំនួន ៤៣ ស្ថិតនៅក្រៅឃុំតំបន់ III៕

យោងតាម៖ កាសែតជនជាតិនិងអភិវឌ្ឍន៍-មុនី

ចែករំលែកអត្ថបទ

ពាក្យគន្លឹះ