មហាសាមគ្គីជនជាតិ គំរូក្នុងសហគមន៍

22/05/2023 - 14:18

គំរូ​លេច​ធ្លោ​ក្នុង​ចលនា​ប្រ​ឡង​ប្រ​ណាំង​"ប្រ​ជា​ចលនា​ប៉ិនប្រ​សប់"

លោក​ថាច់​គឹម​ហាន់​ ប្រធាន​គណៈ​កម្ម​ការ​ការ​ងារ​រណ​សិរ្ស​ភូមិ​ចុង​ព្រៃ ឃុំ​ភឿក​ហ៊ឹង ស្រុក​ថ្កូវ ខេត្ត​ត្រា​វិញ​ តែង​ជា​គំរូ ខ្នះ​ខ្នែង​កៀរ​គរ​ប្រ​ជា​ជន​ចូល​រួម​ចលនា​នៅ​ភូមិ​ភាគ។ គាត់​បាន​ប្រ​ធាន​គណៈ​កម្មា​ធិការ​ប្រ​ជា​ជន​ខេត្ត​ ជូន​ប័ណ្ណ​សរ​សើរ​ ដោយ​មាន​ស្នា​ដៃ​ឆ្នើម​ក្នុង​ចលនា​ប្រ​ឡងប្រ​ណាំង​ “ប្រ​ជា​ចលនា​ប៉ិន​ប្រ​សប់”។

លោក​ថាច់​គឹម​ហាន់​(ខាង​ស្ដាំ) បាន​កៀរ​គរ​មាមីង​កសាង​ផ្លូវ​ជន​បទ​នៅ​ភូមិ​ចុង​ព្រៃ។

លោក​ថាច់​គឹម​ហាន់​ ឱ្យដឹង៖ “តាម​ខ្ញុំ​ ការ​ធ្វើ​ជា​គំរូ គឺ​និយាយ​ត្រូវ​ដើរ​ទន្ទឹម​នឹង​ការ​ធ្វើ​នោះ​គឺ​ជា​កត្តា​សំ​ខាន់​សម្រាប់​អនុវត្ត​ជោគ​ជ័យ​ក្នុង​ការ​ងារ “ប្រ​ជា​ចលនា” ។ នៅ​ពេល​ផ្សព្វ​ផ្សាយ​ កៀរ​គរ​មាមីង​ចូល​រួម​សកម្ម​ភាព​ផ្សេង​ៗ​របស់​ភូមិ​ភាគ​ ខ្ញុំ​តែង​អនុវត្ត​ជា​គំរូ​និង​ខ្នះ​ខ្នែង​ក្នុង​ការ​ងារ​ដែល​ខ្លួន​កៀរគរ។ តួយ៉ាង​ ដូច​គ្រួសារ​ខ្ញុំ​ បាន​បរិ​ច្ចាគ​ដី​ជាង​ ៥០០ ម២សម្រាប់​ធ្វើ​ផ្លូវ​និង​កម្លាំង​ពល​កម្ម​ ព្រម​ទាំង​កៀរ​គរ​ប្រ​ជា​ជន​សម្អាត​បរិស្ថាន​ កាប់​ឆ្ការ​ព្រៃ​ស៊ុប​ទ្រុប​តាម​ផ្លូវ​ជន​បទ​។ ខ្ញុំ​បាន​ម្ចាស់​ការ​កៀរ​គរ​មាមីង​ហើយ​ ក៏​បាន​មាមីង​ស្រុះ​ស្រួលចូល​រួម​យ៉ាង​កុះ​ករ”។

លោក​ថាច់​គឹម​ហាន់ ​(ខាង​ឆ្វេង) បាន​កៀរ​គរ​សប្បុ​រស​ជន​កសាង​ស្ពាន​ជន​បទ​នៅ​ភូមិ​ចុង​ព្រៃ។

ទន្ទឹម​នឹង​ការ​អនុវត្ត​ល្អ​ការ​ងារ​កៀរ​គរ​ទូទាំង​ប្រ​ជា​ជន​ ចូល​រួម​ការ​ពារ​អនា​ម័យ​បរិ​ស្ថាន​ លោក​ថាច់​គឹម​ហាន់​ នៅ​ទាំង​ខ្នះ​ខ្នែង​កៀរ​គរអ​ង្គ​ការ​សប្បុ​រស​ជន​ជំនួយ​កសាង​ស្ពាន​ជន​បទ​និង​សំ​ណង់​សុខុ​មាល​ភាព​សង្គម​នៅ​ភូមិ​ភាគ​ជា​ដើម។ គិត​ដោយ​ឡែក​ក្នុង​ឆ្នាំ​ ២០២២ លោក​បាន​កៀរ​គរ​សប្បុ​រស​ជន​ក្នុង​និង​ក្រៅ​ឃុំ​ ជំនួយ​ទឹក​ប្រាក់​និង​រួម​ចំ​ណែក​កម្លាំង​ពលកម្ម​កសាង​ស្ពាន​ជន​បទ​លើ​ភូមិ​សាស្រ្ត​ភូមិ​បាន​ ៤ ខ្សែ សរុប​ថវិ​កាជិត​ ៣៤០ លាន​ដុង។

លោក​ថាច់​សា​ណាត់​ ប្រ​ធាន​គណៈ​កម្ម​ការ​ប្រ​ជា​ជន​ភូមិ​ចុង​ព្រៃ ឱ្យ​ដឹង​៖ “ក្នុង​ការ​ងារ​ផ្សព្វ​ផ្សាយ​ សម​មិត្ត​ថាច់​គឹម​ហាន់​ តែង​ម្ចាស់​ការ​ធ្វើ​សេនា​ធិការ​ជា​មួយ​នឹង​សាខា​បក្ស សហ​ការ​ជា​មួយ​នឹង​រដ្ឋ​អំ​ណាច​ អង្គ​ការ​មហា​ជន​ភូមិ​ ខ្នះ​ខ្នែង ផ្សព្វ​ផ្សាយ​នូវ​គោល​ការណ៍​ គោល​មាគ៌ា​របស់​បក្ស​ គោល​នយោ​បាយ​ច្បាប់​របស់​រដ្ឋ​ ជូន​ប្រ​ជា​ជន។ ទន្ទឹម​នឹង​នោះ​ សម​មិត្ត​តែង​ជា​គំរូ​ឈាន​មុខ​ក្នុង​រាល់​ចលនា​នៅ​ភូមិ​ភាគ​ ពិសេស​គឺ​ក្នុង​ការ​កៀរ​គរ​មាមីង​ចូល​រួម​វិភាគ​ទាន​ជា​ទឹក​ប្រាក់​ និង​កម្លាំង​ពល​កម្ម​សម្រាប់​កសាង​សំ​ណង់​សុខុ​មាល​ភាព​សង្គម។ ទន្ទឹម​នឹង​នោះ​ គៀរ​គរ​ប្រ​ជា​ជន​ឧស្សាហ៍​ចូល​រួម​អនា​ម័យ​ផ្លូវ​ក្នុង​ភូមិ​ឱ្យ​មាន​ភាព​បៃ​តង-ជ្រះ​-ស្អាត។ រៀង​រាល់​សប្ដាហ៍​ សម​មិត្ត​បាន​កៀរ​គរ​មធ្យម​ភាគ​ ៣០ លើក​នាក់​ក្នុង​ភូមិ​ធ្វើ​ការ​សម្អាត​អនា​ម័យ​បរិ​ស្ថាន​ ដាំដើម​ឈើ។ល។ ជា​មួយ​នឹង​តួនាទី​ជា​ប្រ​ធាន​គណៈ​កម្ម​ការ​ការ​ងារ​រណ​សិរ្សភូមិ​ សម​មិត្ត​តែង​អនុវត្ត​សម្រេច​ឆ្នើម​ភារ​កិច្ច​ដែល​បាន​ប្រ​គល់​ឱ្យ”។

ជា​មួយ​នឹង​កិត្តិ​យស​និង​ភារ​កិច្ច​របស់​ខ្លួន​ លោក​ថាច់​គឹម​ហាន់​ តែង​ជា​ស្ពាន​តភ្ជាប់​រវាង​ប្រ​ជា​ជន​ជា​មួយ​នឹង​បក្ស​និង​រដ្ឋ​អំ​ណាច។ លោក​ គឺ​ជា​កម្មាភិ​បាល​រណ​សិរ្ស​លេច​ធ្លោ​មួយ​រូប​ក្នុង​ចំ​ណោម​កម្មាភិ​បាល​រណសិរ្ស​ជា​ច្រើន​ទៀត​ តែង​កៀរ​គរ​ប្រ​ជា​ជន​ក្នុង​ភូមិ​ពង្រីក​ស្មារតី​សាម​គ្គី ចូល​រួម​ចលនា​ប្រ​ឡង​ប្រ​ណាំង​ស្នេ​ហា​ជាតិ​នៅ​ភូមិ​ភាគ៕

                         សើុង​ម៉ាល័យ​-ថាច់​ធី

ចែករំលែកអត្ថបទ