មហាសាមគ្គីជនជាតិ គំរូក្នុងសហគមន៍

08/05/2023 - 14:34

ចាក​ភាព​ក្រីក្រ​អា​ស្រ័យ​ប្រ​ភព​ទុន​ឧបត្ថម្ភ​

ង្វៀង​វ៉ាន់​លឹង​ (ជន​ជាតិ​ខ្មែរ) ជាសមា​ជិក​សម្ព័ន្ធ​យុវ​ជន​នៅ​ភូមិ​ហ្វៀង​ឌឹក ឃុំ​ឡុង​សើុង ស្រុក​កូវ​ង៉ាង ខេត្ត​ត្រា​វិញ​ ឈាន​ឡើង​ចាក​ភាព​ក្រីក្រ​ អា​ស្រ័យ​ដោយ​ការ​ជួយ​ឧបត្ថម្ភ​របស់​ភូមិ​ភាគ។

អា​ស្រ័យ​សាខា​សម្ព័ន្ធ​យុវ​ជន​ភូមិ​ហ្វៀង​ឌឹក ឱ្យ​ខ្ចី​ដី​ដាំ​ឪ​ឡឹក ទើប​បង​ង្វៀង​វ៉ាន់​លឹង​
 ចាកផុតពីភាពក្រីក្រ។

កាល​ពី​មុន​ គ្រួសារ​ង្វៀង​វ៉ាន់​លឹង​ គឺ​គ្រួសារ​ក្រីក្រ​លំ​បាក​ដោយ​សារ​គ្មាន​ដី​ និង​ដើម​ទុន​។ ដោយ​ឃើញ​ពី​ជីវ​ភាព​របស់​បង​ សាខា​សម្ព័ន្ធ​យុវ​ជន​បាន​ឱ្យ​បង​លឹង​ខ្ចី​ដី​ ៣ កុង​ ដើម្បី​ដាំ​ដំ​ណាំ។ អា​ស្រ័យ​ហេតុ​នេះ​ គ្រួ​សារ​បង​លឹង​ក៏​បាន​ឈាន​ឡើង​ចាក​ភាព​ក្រីក្រ។ បង​លឹង​ ចែក​រំ​លែក៖ “តាំង​ពី​បាន​សាខា​សម្ព័ន្ធ​យុវ​ជន​ភូមិ​ឱ្យ​ខ្ចី​ដី​ដាំ​ដំ​ណាំ និង​បាន​សមា​គម​កសិករ​ឃុំ​ឡុង​សើុង ឧទ្ទេស​នាម​ចូល​រួម​វគ្គ​ហ្វឹក​ហ្វឺន បច្ចេក​ទេស​ដាំ​ដុះ​និង​ចិញ្ចឹម​សត្វ​ ខ្ញុំ​ដាំ​ដំ​ណាំ​ពី​ ៣ ដល់​ ៤ រដូវ​ក្នុង​មួយ​ឆ្នាំ​ រកបាន​ប្រាក់​ចំ​ណូល​លំ​នឹង​ ទើប​ចាក​ផុត​ពី​ភាព​ក្រី​ក្រ។ ខ្ញុំ​នៅ​ទាំង​បាន​សម្ព័ន្ធ​យុវ​ជន​ឃុំ​ឧទ្ទេស​នាម​បុលទុន​ពី​ធនា​គារ​គោល​នយោ​បាយ​សង្គម​ស្រុក​ចំ​នួន​ ២០ លាន​ដុង​ ដើម្បី​វិនិ​យោគ​ដាំ​ដុះ​និង​ចិញ្ចឹម​គោ។ ទន្ទឹម​នឹង​នោះ​ ដើម្បី​ចាក​ផុត​ភាព​ក្រី​ក្រ​ដោយ​ចីរ​ភាព​ ភូមិ​ភាគ​ក៏​បាន​ឧបត្ថម្ភ​បុល ៥០ លាន​ដុង​បន្ថែម​ទៀត​សម្រាប់​សាង​សង់​ផ្ទះ”។

បង​ហ្វិញ​វ៉ាន់​ឡឹម​ លេខា​សម្ព័ន្ធ​យុវ​ជន​ភូមិ​ហ្វៀង​ឌឹក និង​សមា​ជិក​សម្ព័ន្ធ​យុវ​ជន​ង្វៀង​វ៉ាន់​លឹង​ ចុះ​ទៅ​រវាំង​ដំ​ណាំ​ល្ពៅដែល​សាខា​សម្ព័ន្ធ​ភូមិ​ឱ្យ​ខ្ចី​ដី​ដាំ​ដំ​ណាំ។

បង​ហ្វិញ​វ៉ាន់​ឡឹម​ លេខា​សាខា​សម្ព័ន្ធ​យុវ​ជន​ភូមិ​ហ្វៀង​ឌឹក ឱ្យ​ដឹង​៖ “សាខា​សម្ព័ន្ធ​យុវ​ជន​ភូមិ​ ចលនា​សម្ព័ន្ធ​យុវ​ជន​ដែល​មាន​ជីវ​ភាព​គ្រាន់​បើ ឱ្យ​សម្ព័ន្ធ​យុវ​ជន​ដែល​ខ្វះ​ខាត​ខ្ចី​ដី​ផលិត។ ដំ​បូង​ឡើយ​ សាខា​សម្ព័ន្ធ​យុវ​ជន​ចលនា​គ្រួ​សារ​គ្រាន់​បើឱ្យ​ទៅ​សមា​ជិក​សម្ព័ន្ធ​យុវ​ជន​ឱ្យ​គ្រួសារ​ក្រីក្រ​ និង​ប្រ​កៀក​បន្ទាត់​ក្រ ១៥ នាក់​ ខ្ចីដី​ផលិត​ជា​មួយ​ផ្ទៃ​ដី​ជាង​ ២០.០០០ ម៉ែត្រ​ការ៉េ បច្ចុប្បន្ន​ សម្ព័ន្ធ​យុវ​ជន​បាន​កើន​ឡើង​ដល់​ ២០ នាក់​ហើយ​។ ទម្រង់​ឧបត្ថម្ភ​សមា​ជិក​សម្ព័ន្ធ​យុវ​ជន​ និង​យុវ​ជន​ក្រីក្រ​ឱ្យ​ខ្ចី​ដី​ផលិត​រយៈ​ពេល​កន្លង​ បាន​នាំ​មក​នូវ​ប្រ​សិទ្ធ​ភាព​សេដ្ឋ​កិច្ច​ជាក់​ស្តែង​ និង​កាន់​តែ​រីក​សាយ​ភាយ​ក្នុង​សហ​គមន៍​ រួម​ចំ​ណែក​កាត់​បន្ថយ​គ្រួសារ​ក្រីក្រ​ និង​គ្រួ​សារ​ប្រ​កៀក​បន្ទាត់​ក្រ​ដែល​មាន​ចំ​នួន​ ១០ គ្រួសារ​ សព្វ​ថ្ងៃ​នៅ​សល់​តែ​ ៤ គ្រួសារ​ប៉ុណ្ណោះ។ ចលនា​ឱ្យ​ខ្ចីដី​ផលិត​បាន​រួម​ចំ​ណែក​ជួយ​ដល់​សមា​ជិក​សម្ព័ន្ធ​យុវ​ជន​ និង​យុវ​ជន​អភិវឌ្ឍ​សេដ្ឋ​កិច្ច​ និង​សាង​អា​ជីព​ថ្មី​។ ជា​ពិសេស​ បើក​ទូ​លាយ​ទម្រង់​គំ​រូ​ព្យា​យាម​ជម្នះ​ការ​លំ​បាក​ ចេះ​អនុ​វត្ត​វិទ្យា​សាស្ត្រ​បច្ចេក​ទេស​ក្នុង​ការ​ដាំ​ដុះ​ និង​ចិញ្ចឹម​សត្វ​ ឈាន​ឡើង​ចាក​ផុត​ភាព​ក្រី​ក្រ”៕

                            សើុង​មាល័យ​-លេងមី

ចែករំលែកអត្ថបទ