ព្រឹត្តិការណ៍ - នយោបាយ ព្រឹត្តិការណ៍

17/04/2023 - 16:20

គោលការណ៍ គោលនយោបាយជនជាតិជាច្រើន បង្កភាពលំនឹងសម្រាប់ជនរួមជាតិភាគតិច

នៅក្រុងកឹងធើ ក្រុមប្រឹក្សាជនជាតិនៃរដ្ឋសភា នីតិកាល XV ទើបរៀបចំកិច្ចប្រជុំពេញអង្គលើកទី ៦។ ខ្លឹមសារនៃកិច្ចប្រជុំ ដើម្បីបម្រើឱ្យសម័យប្រជុំលើកទី ៥ នៃរដ្ឋសភា នីតិកាល XV និងអនុវត្តសម្រេចភារកិច្ចការងាររបស់ក្រុមប្រឹក្សាជនជាតិ ចាប់ពីពេលនេះរហូតដល់ដំណាច់ឆ្នាំ ២០២៣។

អធិបតីនៃកិច្ចប្រជុំ។ រូបថត៖ ង៉ុកក្វៀង

អញ្ជើញចូលរួមនិងថ្លែងក្នុងកិច្ចប្រជុំ សមមិត្តត្រឹងថាញម៉ឹង សមាជិកការិយាល័យនយោបាយ អនុប្រធានប្រចាំការនៃរដ្ឋសភា ឱ្យដឹង៖ កិច្ចប្រជុំរៀបចំស្របក្នុងឱកាសជនរួមជាតិខ្មែរកំពុងត្រៀមទទួលអំណរបុណ្យចូលឆ្នាំថ្មី ឆ្នាំ ២០២៣។ ជំនួសមុខថ្នាក់ដឹកនាំបក្ស រដ្ឋ សមមិត្តបានផ្ញើវាចាសួរសុខទុក្ខ និងប្រសិទ្ធពរដល់ជនរួមជាតិខ្មែរទទួលអំណរបុណ្យចូលឆ្នាំថ្មីប្រកបដោយសេចក្តីសុខចម្រើន សុខដុមរមនា និងសុភមង្គល។ អនុប្រធានប្រចាំការនៃរដ្ឋសភា ត្រឹងថាញម៉ឹង គូសបញ្ជាក់ បក្សនិងរដ្ឋតែងយកចិត្តទុកដាក់ ចែងនិងផ្សព្វផ្សាយគោលការណ៍ គោលនយោបាយជនជាតិជាច្រើន រួមចំណែកបង្កភាពលំនឹង ការអភិវឌ្ឍ លើកកម្ពស់គ្រប់ផ្នែកជីវភាពសម្ភារៈ និងស្មារតីជូនជនរួមជាតិភាគតិច។ បង្ហាញច្បាស់តាមរយៈកម្មវិធីរបស់រដ្ឋាភិបាល និងផ្សព្វផ្សាយត្រួតពិនិត្យពាក់កណ្តាលអាណត្តិនៃរដ្ឋសភា ស្តីពីការអនុវត្តសេចក្តីសម្រេចលេខ ៨៨ និងសេចក្តីសម្រេចលេខ ១២០ អនុម័តិផែនការមេ និងគោលការណ៍វិនិយោគកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១-២០៣០។

ក្នុងកិច្ចប្រជុំ អ្នកតំណាងទាំងឡាយបានស្តាប់របាយការណ៍លទ្ធផលនៃការអនុវត្តគោលនយោបាយជនជាតិឆ្នាំ ២០២២ និងទិសដៅភារកិច្ចឆ្នាំ ២០២៣; លទ្ធផលអនុវត្តកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១-២០៣០; ស្តាប់ព័ត៌មាន អំពីស្ថានភាពសន្តិសុខសណ្តាប់ធ្នាប់ និងការងារការពារព្រំដែន ស្ថានភាពសន្តិសុខ ការពារប្រទេសតំបន់តីណាមបូ; លទ្ធផល ត្រួតពិនិត្យការដាក់ចេញលិខិតបទដ្ឋានច្បាប់ ពាក់ព័ន្ធដល់ការងារជនជាតិឆ្នាំ ២០២២…៕

ង៉ុកក្វៀង-មុនី

ចែករំលែកអត្ថបទ

ពាក្យគន្លឹះ