គោលនយោបាយ -ការរស់នៅ ច្បាប់

28/03/2023 - 08:52

គោលនយោបាយថ្មីមានសុពលភាពចាប់ពីថ្ងៃ១៥/៣/២០២៣

គោលនយោបាយថ្មីមានសុពលភាពចាប់ពីថ្ងៃ១៥/៣/២០២៣ រួមមានសេចក្តីកំណត់ស្ដីពីការសួរដេញដោលក្នុងសម័យប្រជុំរដ្ឋសភា មុខតំណែងការងារលើវិស័យវិទ្យាសាស្រ្តបច្ចេកវិជ្ជា ត្រូវធ្វើការផ្លាស់ប្តូរតាមកាលកំណត់។

គោលនយោបាយថ្មីមានសុពលភាព ចាប់ពីថ្ងៃ ១៥/៣/២០២៣ (រូបជាឧទាហរណ៍)។

សង្ខេបពេលវេលាសួរ និងឆ្លើយសំណួរក្នុងសម័យប្រជុំរដ្ឋសភា

តាមអនុក្រឹត្យលេខ៧១/២០២២/QH១៥ ក្នុងសម័យប្រជុំសួរដេញដោលរបស់រដ្ឋសភា តំណាងរដ្ឋសភានឹងចុះឈ្មោះសួរដេញដោលតាមប្រព័ន្ធអេឡិចត្រូនិក។

ការសួរដេញដោលមួយលើកៗ តំណាងរដ្ឋសភាចោទសួរមិនលើសពី ១ នាទី (ពីមុន ២ នាទី)។ អ្នកតំណាងឆ្លើយសំណួរមិនលើសពី ៣ នាទី/សំណួរ (ពីមុន ៥ នាទី/សំណួរ)។

ក្នុងករណីចាំបាច់ ប្រធានរដ្ឋសភា ឬអនុប្រធានរដ្ឋសភាដឹកនាំសម័យប្រជុំ អាចសម្រេចពន្យាពេលសួរដេញដោយ ឬឆ្លើយសំណួរ។

មុខតំណែងការងារលើវិស័យវិទ្យាសាស្រ្តបច្ចេកវិជ្ជាចំនួន ៧ ត្រូវធ្វើការផ្លាស់ប្តូរតាមកាលកំណត់

មុខតំណែងការងារលើវិស័យវិទ្យាសាស្រ្ត និងបច្ចេកវិជ្ជាត្រូវធ្វើការផ្លាស់ប្តូរតាមកាលកំណត់នៅរដ្ឋបាលថ្នាក់មូលដ្ឋាន ដែលបានកំណត់ក្នុងសារាចរលេខ ២០/២០២២/TT- BKHCN មានដូច៖

១ - គ្រប់គ្រងភារកិច្ចស្រាវជ្រាវវិទ្យាសាស្រ្ត និងបច្ចេកវិជ្ជា។

២ - ពិនិត្យវាយតម្លៃបច្ចេកវិជ្ជាចំពោះគម្រោង វិនិយោគ ការផ្ទេរបច្ចេកវិជ្ជា។

៣ - សកម្មភាពអំពីសុវត្ថិភាពវិទ្យុសកម្ម នុយគ្លីអែរ៍។

៤ - សកម្មភាពកម្មសិទ្ធិបញ្ញា៖ ពិនិត្យវាយតម្លៃ ដកហូត ផ្តល់ជូន ផ្តល់ជូនឡើងវិញលិខិតបញ្ជាក់អង្គភាពពិនិត្យវាយតម្លៃកម្មសិទ្ធិបញ្ញាឧស្សាហកម្ម។

៥ - សកម្មភាពស្តង់ដារវាស់គុណភាពពិនិត្យ វាយតម្លៃសំណុំលិខិតផ្តល់អាជ្ញាបណ្ណស្តង់ដារ វាស់គុណភាព ពិនិត្យវាយតម្លៃផ្តល់លិខិតបញ្ជាក់ ពិនិត្យជូនរង្វាន់ដល់គុណភាពផលិតផល និងទំនិញជាដើម។

៦ - ពិនិត្យវាយតម្លៃ ផ្តល់ជូន ធ្វើវិសោធនកម្ម ពន្យាពេល លុបចោល ដកហូតលិខិតបញ្ជាក់ចុះឈ្មោះសកម្មភាពវិទ្យាសាស្រ្តនិងបច្ចេកវិជ្ជា; ពិនិត្យវាយតម្លៃសំណុំឯកសារបង្កើតអង្គការ វិទ្យាសាស្រ្តនិងបច្ចេកវិជ្ជា និងលិខិតបញ្ជាក់អាជីវកម្មវិទ្យាសាស្រ្តនិងបច្ចេកវិជ្ជាជាដើម។

៧ - សហការដោះដូរពីវិទ្យាសាស្រ្ត បច្ចេកវិជ្ជាដែលមានកត្តាបរទេស។

ពេលវេលាកំណត់ផ្លាស់ប្តូរមុខតំណែងការងារចំពោះអ្នករដ្ឋការ បុគ្គលិកទំនាក់ទំនងផ្ទាល់ ដោះស្រាយការងារខាងលើ គឺចាប់ពីគម្រប់ ០២ ឆ្នាំដល់ ០៥ ឆ្នាំ៕

យោង៖ luatviennam.vn - បកប្រែ៖ វិមាន

ចែករំលែកអត្ថបទ

ពាក្យគន្លឹះ