សន្តិសុខ - ការពារប្រទេស ការពារប្រទេស

13/02/2023 - 16:04

កសាងសង្កាត់រឹងមាំអំពីការការពារប្រទេសសន្ដិសុខ

គណៈបញ្ជាការយោធាសង្កាត់៩ ក្រុងត្រាវិញ ខេត្តត្រាវិញ បានរួមចំណែកកសាងសង្កាត់រឹងមាំអំពីការការពារប្រទេសសន្តិសុខ ជួយឱ្យប្រជាជននឹងនរចិត្តអភិវឌ្ឍសេដ្ឋកិច្ច-សង្គម។

គណៈបញ្ជាការយោធាសង្កាត់ ៩ ជួយប្រជាជនទប់ទំនប់បង្ការទឹកជំនន់។

លោកលីកុងថាញ់ មេបញ្ជាការនៃគណៈបញ្ជាការយោធាសង្កាត់ ៩ ឱ្យដឹង៖ “ដើម្បីកសាងសង្កាត់៩ រឹងមាំអំពីការការពារប្រទេស សន្តិសុខ គណៈកម្មាធិការបក្សបានចង្អុលការដល់គណៈបញ្ជាការយោធានិងនគរបាលសង្កាត់ កសាងសេចក្ដីសម្រេចចិត្តស្ដីពីភារកិច្ចការពារប្រទេស សន្តិសុខ កិច្ចការយោធាការពារប្រទេសនៅភូមិភាគ ដើម្បីដឹកនាំអនុវត្ត។ ព្រមជាមួយនោះ បញ្ជ្រាបទូលំទូលាយក្នុងផ្ទៃក្នុង ចាត់តាំងអនុវត្តបានទាន់ពេលនិងមានប្រសិទ្ធភាព”។

ឆ្នាំ២០២២ អនុវត្តផែនការរបស់គណៈបញ្ជាការយោធាក្រុងត្រាវិញ គណៈបញ្ជាការយោធាសង្កាត់ បានចាត់កម្មាភិបាលរៀបរៀងគម្រោង មេរៀនដោយឆ្លងកាត់ការផ្ដល់សច្ចាប័នត្រូវតាមច្បាប់កំណត់។ បញ្ជូនកម្មាភិបាល សេនាជន ចូលរួមហ្វឹកហ្វឺន ពិធីប្រឡង មហោស្រពកីឡាបាន ១៣៣ លើកនាក់ សម្រេច ១០០% ភាគ កម្រិតនៃផែនការ។ សហការដើរល្បាតការពារបាន ៣៣៧ លើក ដោយមានកងសេនាជនចូលរួម ១.៣៤៨ លើកនាក់។ កសាងផែនការត្រៀមប្រយុទ្ធការពារថ្ងៃបុណ្យទាន ព្រឹត្តិការណ៍នយោបាយសំខាន់ៗរបស់ប្រទេស របស់ខេត្ត និងភូមិភាគ; បន្តរក្សាមានសេនាជនចល័ត ៣នាក់ ផ្លាស់វេនយាមប្រចាំការនៅនឹងគណៈបញ្ជាការ យោធាសង្កាត់តាមសេចក្ដីកំណត់។ រៀបចំហ្វឹកហ្វឺនត្រៀមប្រយុទ្ធតាមផែនការ គ្រោងការនិងអនុវត្តល្អការងារត្រៀមប្រយុទ្ធ។

គណៈបញ្ជាការយោធាសង្កាត់ ៩ ហ្វឹកហ្វឺនកងអនុសេនាតូចនៃ
កងសេនាជនចល័តត្រៀមប្រយុទ្ធ។

លោកថាច់អ៊ុក នៅអនុសង្កាត់ ៣ សង្កាត់ ៩ ឱ្យដឹង៖ “កម្មាភិបាល យុទ្ធជនគណៈបញ្ជាការយោធាសង្កាត់ ៩ អនុវត្តល្អការងារប្រមូលផ្ដុំនិងកៀរគរមហាជនរួមជាមួយនឹងរដ្ឋអំណាចភូមិភាគ កសាងជីវភាពវប្បធម៌ កសាងសង្កាត់ ក្រុងស៊ីវិល័យ កសាងយោធាការពារប្រទេសរឹងមាំ។ ក្នុងឱកាសថ្ងៃបុណ្យទាន កម្មាភិបាល យុទ្ធជនរួមជាមួយនឹងរដ្ឋអំណាចភូមិភាគទៅសួរសុខទុក្ខ ជូនអំណោយដល់គ្រួសារស្ថិតក្នុងក្របខ័ណ្ឌគោលនយោបាយ គ្រួសារក្រីក្រ គ្រួសារលំបាក។ល។ ចំណែកការងារផ្សព្វផ្សាយ គោលការណ៍របស់បក្ស គោលនយោបាយច្បាប់របស់រដ្ឋ ក៏តែងបានគណៈបញ្ជាការយោធានិងរដ្ឋអំណាចភូមិភាគយកចិត្តទុកដាក់”។

លោកស្រីត្រឹងធីហុងតៀង ប្រធានគណៈកម្មាធិការប្រជាជនសង្កាត់ ៩ ឱ្យដឹង៖ “គណៈកម្មាធិការបក្ស គណៈកម្មាធិការប្រជាជនសង្កាត់ បានចង្អុលការដល់គណៈបញ្ជាការយោធាសង្កាត់ កំណត់ច្បាស់ការកសាងសង្កាត់រឹងមាំ អំពីការការពារប្រទេស សន្តិសុខ គឺជាភារកិច្ច ដ៏សំខាន់ រួមចំណែកធានាសន្តិសុខនយោបាយ សណ្ដាប់ធ្នាប់ សុវត្ថិភាពសង្គម ជួយឱ្យប្រជាជននឹង នរចិត្តអភិវឌ្ឍសេដ្ឋកិច្ច។ ជាមួយនឹងស្នាដៃដែលសម្រេចបាន ជាច្រើនឆ្នាំមកនេះ គណៈបញ្ជាការយោធាសង្កាត់ ៩ តែងបានទទួលស្គាល់សម្រេចល្អនិងសម្រេចឆ្នើមភារកិច្ច”៕

សើុងម៉ាល័យ-ថាច់ធី

ចែករំលែកអត្ថបទ

ពាក្យគន្លឹះ