ព្រឹត្តិការណ៍ - នយោបាយ ព្រឹត្តិការណ៍

09/01/2023 - 14:35

កិច្ចប្រជុំរដ្ឋាភិបាលជាមួយនឹងភូមិភាគនានា បូកសរុបការងារឆ្នាំ ២០២២ ផ្សព្វផ្សាយភារកិច្ចឆ្នាំ ២០២៣

រដ្ឋាភិបាល ទើបរៀបចំកិច្ចប្រជុំតាមប្រព័ន្ធអនឡាញរបស់រដ្ឋាភិបាលជាមួយនឹងភូមិភាគនានា បូកសរុបការងារឆ្នាំ ២០២២ និងផ្សព្វផ្សាយសេចក្តីសន្និដ្ឋានរបស់មជ្ឈិម សេចក្តីសម្រេចរបស់រដ្ឋសភា នីតិកាល XV ស្តីពីផែនការអភិវឌ្ឍសេដ្ឋកិច្ច-សង្គម ឆ្នាំ២០២៣។

អគ្គលេខា ង្វៀងភូត្រុង និងថ្នាក់ដឹកនាំបក្ស រដ្ឋ ចូលរួមកិច្ចប្រជុំ ។ រូបថត៖ VGP/ញឹកបាក់

ថ្លែងសុន្ទរកថាបើកកិច្ចប្រជុំ នាយករដ្ឋមន្ត្រី ផាមមិញជិញ លើកឡើងយ៉ាងច្បាស់ ឆ្នាំ ២០២២ ស្ថានភាពពិភពលោកប្រែប្រួលយ៉ាងរហ័ស ស្មុគស្មាញ ពិបាកស្មានមានបញ្ហាជាច្រើនដែលមិនធ្លាប់មានពីមុនមក កាន់តែពិបាកជាងទៀតបើប្រៀបនឹងការព្យាករណ៍។ ស្ថិតក្នុងបរិការណ៍នោះ យើងបានសាមគ្គី ថ្នាក់លើថ្នាក់ក្រោមស្រុះស្រួលចិត្តគ្នា ផ្នែកបណ្តោយ ទទឹងរលូនទៅមុខ ជាមួយនឹងការប្តេជ្ញាចិត្តខ្ពស់ ខិតខំប្រឹងប្រែងយ៉ាងមុតមាំ សកម្មភាពប្តូរផ្តាច់ ឆ្លងកាត់រាល់ការលំបាក សាកល្បង សម្រេចរាល់ភារកិច្ចដែលបក្ស រដ្ឋនិងប្រជាជនប្រគល់ឱ្យ; ផ្តុំកម្លាំងដោះស្រាយនូវបញ្ហាជាច្រើនដែលនៅសេសសល់ លំបាក រសើបអូសបន្លាយច្រើនឆ្នាំ ច្រើនអាណត្តិ បំផុតគឺ ៦ ធនាគារទន់ខ្សោយនិង ៨/១២ អាជីវកម្ម គម្រោងខាតបង់ រោងចក្រឧណ្ហអគ្គិសនីថាយប៊ិញ ២ ស៊ុងហូវ ១ ឡុងភូ I និងមជ្ឈមណ្ឌលឧណ្ហអគ្គិសនីអូរម៉ូង។ល។ ប្តេជ្ញាប្តូរផ្តាច់រៀបចំឡើងវិញ ធ្វើឱ្យតម្លាភាពទីផ្សារឥណទាន ធនាគារ មូលបត្រ ប័ណ្ណប្រាក់អាជីវកម្ម និងអចលនទ្រព្យជាដើម។

ដោយសារការអន្តរាគមន៍យ៉ាងប្តូរផ្តាច់របស់ទូទាំងប្រព័ន្ធនយោបាយ តាំងពីមជ្ឈិមរហូតដល់ភូមិភាគ; ការគាំទ្រ ចូលរួមយ៉ាងសកម្មរបស់ប្រជាជន សហគមន៍អាជីវកម្ម និងការយកចិត្តទុកដាក់គាំទ្ររបស់មិត្តភ័ក្តិអន្តរជាតិ ឃើញថា ស្ថានភាពសេដ្ឋកិច្ច-សង្គមប្រទេសជាតិបានស្តារឡើងវិញជាវិជ្ជមាន និងសម្រេចបានលទ្ធផលសំខាន់ៗ គ្រប់ជ្រុងជ្រោយលើវិស័យជាច្រើន; សម្រេចបានទិសដៅរួម; សម្រេចនិងសម្រេចលើសភាគកម្រិតចំនួន ១៣ សម្រេចប្រហាក់ប្រហែល ១ ភាគកម្រិត និងមិនទាន់សម្រេច ១ ភាគកម្រិត ក្នុងចំណោមភាគកម្រិតនៃផែនការសំខាន់ៗចំនួន ១៥ ដែលមជ្ឈិម រដ្ឋសភាប្រគល់ឱ្យ; មានចំណុចលេចធ្លោជាច្រើនគួរជាទីមោទនៈ នោះគឺ ទំហំ GDP ប្រាក់ចំណូលមធ្យមភាគលើមនុស្សម្នាក់ តម្លៃនីហរ័ណ អាហរ័ណ; នីហរ័ណកសិផល; ចំណូលថវិការដ្ឋ; ទុន FDI អនុវត្ត និងចំនួនអាជីវកម្មបង្កើតថ្មី៕

ប្រភព៖ ច្រកទ្វារអេឡិចត្រូនិកគណៈកម្មាធិការជនជាតិ- ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ