មហាសាមគ្គីជនជាតិ ភូមិស្រុកផ្លាស់ថ្មី

26/12/2022 - 15:41

ទ្រីតូង កំពុងឈានឡើងជាជំហានៗ

ទ្រីតូង ជាស្រុកមួយក្នុងចំណោមស្រុកចំនួន ២ ដែលមានជនរួមជាតិខ្មែររស់នៅច្រើនបំផុតរបស់ខេត្តអាងយ៉ាង។ បន្ទាប់ពីបានវិនិយោគកម្មវិធី គម្រោងជាច្រើន ឃើញថាជីវភាពប្រជាជនក្នុងទូទាំងស្រុកនិយាយរួម និងជនរួមជាតិខ្មែរនិយាយដោយឡែកកាន់តែមានការរីកចម្រើនពីមួយថ្ងៃទៅមួយថ្ងៃ។

កាត់ខ្សែបូសម្ពោធរោងចក្រកិនស្រូវហាញ់ភុក។

តាមប្រសាសន៍លោកកាវក្វាងឡីម លេខាគណៈកម្មាធិការបក្ស ប្រធានគណៈកម្មាធិការប្រជាជនស្រុកទ្រីតូង កសិកម្មនិងទេសចរណ៍ទាំង ២ នេះ គឺជាវិស័យដែលមានប្រៀបខ្លាំង ត្រូវបានស្រុកផ្តោតការយកចិត្តទុកដាក់វិនិយោគកសាងហេដ្ឋារចនាសម្ព័ន្ធ អំពាវនាវអាជីវកម្មចងសម្ព័ន្ធ សហការវិនិយោគសំដៅធ្វើឱ្យរំញោចសក្តានុភាព។ ក្នុងចំណោមគោលដៅទេសចរណ៍នៅស្រុកទ្រីតូង ក្នុងនោះមណ្ឌលកីឡា ទេសចរណ៍ភ្នំតាប៉ា-ស្វាយចេក ជាគោលដៅទេសចរណ៍ដ៏ពេញនិយមបំផុត។ នៅទីនេះ មានវិញ្ញាសាកីឡាពិសេសៗដែលមិនទាន់ឃើញមាននៅភូមិភាគណាមួយនៅតំបន់វាលរាបទន្លេគឺវឡុងរៀបចំនៅឡើយ ដូច៖ ពិធីប្រណាំងគោបៃណុយ ជិះឆ័ត្រយោង យន្តហោះគំរូ បាល់ឡុងហោះ ។ល។

នៅពេលភ្នំតាប៉ា ត្រូវបានវិនិយោគកសាងត្រឹមត្រូវ “ទីតាំងទេសចរណ៍ភ្នំ” តាប៉ាគួបផ្សំនឹងជ្រុងមួយនៃភ្នំតូ មណ្ឌលរមណីយដ្ឋានស្រះស្វាយចេក ទីលានប្រណាំងគោ អគារប្រពៃណី។ល។ បង្កើតបានទៅជាលក្ខណៈពិសេស សមដូចពាក្យមួយឃ្លាថា៖ “ទៅដាកឡាក់ ឆៀងចូលបួងដូង មកដល់ទ្រីតូងឆៀងចូលស្វាយចេក”។ ព្រមជាមួយនោះ ស្រះអូរធំជាគោលដៅទេសចរណ៍ដែលមានទេសភាពស្រស់ស្អាតរួមនឹងមុខម្ហូបមាន់អាំង ភ្នំទឹកជប់ជាមួយនឹងយុទ្ធជ័យដ៏ត្រចះត្រចង់ ស្វាយស-សុយវ៉ាង សម្រស់ទេសភាពគួរជាទីមនោរម្យ អូរតាសុខ លាយឡំដោយសម្រស់ធម្មជាតិដ៏ស្រស់ស្អាត។ល។ សុទ្ធតែជាគោលដៅទេសចរណ៍ដ៏ទាក់ទាញ កំពុងបានវិនិយោគទាញយកសក្ដានុពល។

លោកកាវក្វាងឡីម ឱ្យដឹង៖ ស្រុកក៏បានលើកទឹកចិត្តកសិករចងសម្ព័ន្ធផលិត បង្កើតក្រុមសហករណ៍ផលិត ក្រុមសហករណ៍ បង្កើតកសិដ្ឋាន។ ក្នុងនោះ កំណត់ទិសដៅ ឃុំ សង្កាត់ នីមួយៗ គួរតែបង្កើតឱ្យមានសហករណ៍បែបថ្មីយ៉ាងហោចណាស់មួយចងសម្ព័ន្ធជាមួយនឹងកសិករ អាជីវកម្ម ផលិតកម្មតាមដំណើរការនិងបទដ្ឋានគុណភាព។ ក្រុមសហករណ៍ទាំងអស់ត្រូវមានការចូលរួមរបស់អាជីវកម្មអំពីបុគ្គលិក គ្រប់គ្រងទុនវិនិយោគ ដើម្បីសហការយូរអង្វែង និងប្រកបដោយចីរភាព។ តួយ៉ាងដូចសម្ព័ន្ធក្រុមហ៊ុនតឹងឡុង បានដាក់ឱ្យដំណើរការរោងចក្រកិនស្រូវហាញ់ភុក ដោយមានទ្រង់ទ្រាយធំបំផុតនៅអាស៊ី ប្រើប្រាស់បច្ចេកវិទ្យាទំនើប។ ទន្ទឹមនឹងនោះ សម្ព័ន្ធក្រុមហ៊ុន TH កំពុងដំណើរការវិនិយោគគម្រោងចិញ្ចឹមគោទឹកដោះនិងកែច្នៃទឹកដោះប្រមូលផ្តុំ សរុបទុនវិនិយោគ ៦.០០០ ពាន់លានដុង អនុវត្តដំណើរការផលិតដោយប្រើប្រាស់បច្ចេកវិទ្យាទំនើបចុងក្រោយបំផុត។ សម្ព័ន្ធក្រុមហ៊ុន THACO ក៏វិនិយោគកសិដ្ឋានចិញ្ចឹមជ្រូកសាច់ ជ្រូកពូជប្រើប្រាស់បច្ចេកវិទ្យាខ្ពស់ ដើម្បីធ្វើឱ្យកន្លែងនេះក្លាយជាមជ្ឈមណ្ឌលផ្គត់ផ្គង់ជ្រូកពូជ ជ្រូកសាច់ប្រកបដោយគុណភាពក្នុងតំបន់។

អាស្រ័យដោយកម្មវិធី និងការវិនិយោគនានា ផ្តោតលើឧត្តមភាពរបស់ស្រុកទ្រីតូង ជួយឱ្យប្រជាជននៅទីនេះមានលក្ខណសម្បត្តិពង្រីកសេដ្ឋកិច្ចគ្រួសារ បង្កើនប្រាក់ចំណូល លើកស្ទួយជីវភាពសម្ភារៈនិងស្មារតី៕

យោង៖ កាសែតអាងយ៉ាង-មុនី

ចែករំលែកអត្ថបទ

ពាក្យគន្លឹះ