មហាសាមគ្គីជនជាតិ ភូមិស្រុកផ្លាស់ថ្មី

12/12/2022 - 14:46

កសិករ​សុក​ត្រាំង ព្រួត​ដៃ​គ្នា​កសាង​ជន​បទ​ថ្មី

សមាគមក​សិករ​គ្រប់លំ​ដាប់​ថ្នាក់​នៃ​ខេត្ត​សុក​ត្រាំង បាន​ពង្រីក​យ៉ាង​ល្អ​នូវ​តួនាទី​ស្នូល សាម​គ្គីភាព ការ​ផ្សព្វ​ផ្សាយ និង​ការ​ចលនា​សមា​ជិក​កសិករ​ក្នុង​ការ​ផលិត និង​អភិវឌ្ឍន៍​សេដ្ឋ​កិច្ច​ប្រ​កប​ដោយ​ចីរ​ភាព។ ជាពិសេស​គឺ​សកម្ម​ក្នុង​ចលនា​កសាង​ជន​បទ​ថ្មី បង្កើត​មុខ​មាត់​ថ្មី​សម្រាប់​តំ​បន់​ជន​បទ​។

កសិករ​នៅ​ភូមិ​ផ្តៅ​ពេន ព្រួត​ដៃ​គ្នា​កសាង​ផ្លូវ​ភ្លឺ​ស្រ​ឡះស្អាត រួម​ចំ​ណែកដើម្បី​ឃុំ​វៀង​ប៊ិញ កសាង​សម្រេច​ឃុំ​ជន​បទ​ថ្មី​កម្រិត​ខ្ពស់។

ការ​ចលនា “កសិករ​ប្រ​ឡងប្រ​ណាំង​ផលិត និងធ្វើ​អា​ជីវ​កម្ម​ពូកែ​ ជួយ​គ្នា​ធ្វើ​មាន​ និង​កាត់​បន្ថយ​ភាព​ក្រីក្រ​ប្រ​កប​ដោយ​ចីរ​ភាព” បាន​បង្ក​ភាព​ចល​ករ​ និង​កម្លាំង​ចិត្ត​សម្រាប់​កសិករ​ក្នុង​យុគ​ថ្មី។ តាម​រយៈ​ចលនា​នេះ សមា​គម​កសិករ​គ្រប់​លំ​ដាប់​ថ្នាក់​បាន​ផ្សព្វ​ផ្សាយ និង​កៀង​គរ​សមាជិក និងកសិករ​ចូល​រួម​វិភាគ​ទាន​រាប់​រយ​ពាន់​លាន​ដុង និង​រាប់​ពាន់​ថ្ងៃ​ពល​កម្ម​ដើម្បី​កសាង​សំ​ណង់​ជន​បទ​ ជួយ​ភូមិ​ភាគ​សម្រេច​នូវ​លក្ខ​ឋាន​កសាងជន​បទ​ថ្មី។ ក្នុងនោះ មាន​ការ​បរិច្ចាគ​ដី​ប្រ​មាណ ១៥.០០០ម២; ចូល​រួមវិភាគ​ទាន​កសាង ជួស​ជុល​ផ្លូវ​គមនា​គមន៍​ជន​បទ​ប្រ​វែង​ជាង ៣៤០ គី​ឡូម៉ែត្រ; ចលនា​ធ្វើ​ការ​ឈូស​ឆាយ​ផ្លូវ​ជន​បទ​ប្រ​វែង​ជាង ១៦៥ គីឡូ​ម៉ែត្រ; ធ្វើ​ឱ្យប្រ​សើរ​ឡើង​នូវ​ទំ​នប់​ទឹក​ជាង ៣០ គីឡូ​ម៉ែត្រ; ជួស​ជុល​និង​កសាងស្ពាន​ថ្មី​ប្រ​មាណ ១១០ ខ្សែ ប្រ​ឡាយ​និង​ទំ​នប់​ជាង ៦៣; កៀរ​គរ​ប្រ​ជា​ជន​ដាំ​ដើម​ឈើ​ដំ​ឡើង​អំ​ពូល​ភ្លើង​បំ​ភ្លឺ ឆ្លង​តាម​រយៈ​នោះ រួម​ចំ​ណែក​ធ្វើ​ឱ្យ​ជន​បទ​ និង​ភូមិ​ស្រុក​មួយ​ថ្ងៃ​កាន់​តែ​ភ្លឺ​ស្រ​ឡះ ជ្រះ ស្អាត និង​សុវត្ថិ​ភាព។

  ​ កសិករ​នៅ​ឃុំ​វៀង​ប៊ិញ ប្រ​មូល​ផល​ស្រូវ​គុណ​ភាព​ខ្ពស់ ST។

លោក​ផាង​ហឺវ​ង៉ឹង ប្រ​ធាន​សមា​គមក​សិករ​ នៅ​ភូមិ​ផ្ដៅ​ពេន ឃុំ​វៀង​ប៊ិញ ស្រុក​ត្រឹង​ដេ បាន​ឱ្យដឹង៖ “មា​មីង​កសិករ​នៅ​ភូមិ​សកម្ម​យ៉ាង​ខ្លាំង​ក្នុង​ការ​អភិវឌ្ឍ​សេដ្ឋ​កិច្ច​ អនុវត្ត​វិទ្យា​សាស្ត្រ​បច្ចេក​ទេស​ក្នុង​ការ​ផលិត​ស្រូវ ST ។ ព្រោះ​ហេតុ​នោះ ពេល​ដែល​ជីវ​ភាព​បាន​ធូរ​ធារ មាមីង​ខ្មែរ​តែង​សកម្ម​ចូល​រួម​វិភាគ​ទាន​ ថ្ងៃ​ធ្វើ​ការ​បរិច្ចាគ​ដី​... ដើម្បី​កសាង​សំ​ណង់​ផ្លូវ​ជន​បទ​ អំ​ពូល​ភ្លើង​បំ​ភ្លឺ ផ្លូវ និង​ដាំ​ផ្កា​លំ​អ។ ក្រៅ​ពីនោះ មាមីង​ថែម​ទាំង​ព្រួត​ដៃ​គ្នា​ក្នុង​ការ​ថែ​រក្សា​បរិស្ថាន​ ដើម្បី​រួម​ចំ​ណែក​បំ​ពេញ​លក្ខ​ឋាន​ជន​បទ​ថ្មី​កម្រិត​ខ្ពស់​ ឆ្ពោះ​ទៅ​កាន់​ជន​បទ​ថ្មី​ភូមិ​គំរូ​របស់​ឃុំ“។

យោង​តាម​លោក​ស្រី ផាម​ឡែ​ឡាម ប្រ​ធាន​សមា​គមក​សិករ​ខេត្ត​សុក​ត្រាំង ជា​ច្រើន​ឆ្នាំ​មក​នេះ​សមា​គម​គ្រប់​លំ​ដាប់​ថ្នាក់​បាន​សកម្ម​បំ​ផុស ចលនា​កសិករ​ប្រ​ឡង​ប្រ​ណាំង​ផលិត និង​ធ្វើ​អា​ជីវ​កម្ម​ពូកែ​ ផ្សារ​ភ្ជាប់​ជា​មួយ​នឹង​ការ​កសាង​ជន​បទ​ថ្មី បង្ក​ភាព​សាយ​ភាយ​ក្នុង​សមាជិក​កសិករ​ រួម​ចំ​ណែក​យ៉ាង​សកម្ម​ក្នុង​ការ​ជួយ​ភូមិ​ភាគ​ កសាង​សម្រេច​លក្ខ​ឋាន​ជន​បទ​ថ្មី ជន​បទ​ថ្មី​កម្រិត​ខ្ពស់។ នា​ពេល​ខាង​មុខ សមាគម​កសិករ​គ្រប់​លំ​ដាប់​ថ្នាក់​ក្នុង​ខេត្ត​ ផ្តុំ​កម្លាំង​ផ្តោត​ការ​យក​ចិត្ត​ទុក​ដាក់​លើ​ការ​ផ្សព្វ​ផ្សាយ​អំ​ពី​គោល​ការណ៍​គោល​ម៌ាគា​របស់​បក្ស​ គោល​នយោ​បាយ និង​ច្បាប់​របស់រដ្ឋ​ ជា​ពិសេស​គឺអនុវត្ត​លក្ខ​ឋាន​អំ​ពី​ជន​បទ​ថ្មី និងជន​បទ​កម្រិត​ខ្ពស់៕

                                        យ្វី​អាញ

ចែករំលែកអត្ថបទ