សុខភាព - អប់រំ សុខភាព

10/10/2022 - 10:51

បង្កទំនុកចិត្តដល់អ្នកជំងឺ

មន្ទីរពេទ្យពហុព្យាបាលខេត្តសុកត្រាំង បានផ្សព្វផ្សាយអនុវត្តនូវបច្ចេកទេសទំនើបៗជាច្រើនក្នុងការព្យាបាលជំងឺ។ រួមជាមួយឥរិយាបទបម្រើការងារដោយអស់ពីចិត្តរបស់បុគ្គលិកពេទ្យ ទើបមន្ទីរពេទ្យទទួលបានការពេញចិត្តពីអ្នកជំងឺ។

ក្រុមគ្រូពេទ្យ កំពុងធ្វើការវះកាត់ព្យាបាលថ្គាមដល់អ្នកជំងឺ N.H.A ។

អនុវត្តតាមគម្រោង ១៨១៦ មន្ទីរពេទ្យមាត់ធ្មេញមជ្ឈិមក្រុងហូជីមិញ បានផ្ទេរបច្ចេកទេស និងវិធីសាស្រ្តទំនើបដល់មន្ទីរពេទ្យពហុព្យាបាលខេត្តសុកត្រាំង ដូចជា ការព្យាបាលវះកាត់បាក់ឆ្អឹងថ្គាមខាងក្រោម ដោយចាប់វីសគាបនឹងបន្ទះលោហធាតុ; ការព្យាបាលវះកាត់បាក់ឆ្អឹងមុខជាប់នឹងឆ្អឹងថ្គាម ដោយចាប់វីសគាបនឹងបន្ទះលោហធាតុ; ព្យាបាលបាក់ឆ្អឹងមុខជាប់នឹងឆ្អឹងថ្គាម ដោយការពត់តម្រង់ ( ប្រើថ្នាំស្ពឹក ឬថ្នាំសណ្ដំ)។ ជំហានដំបូង ផ្នែកមាត់ធ្មេញ-មន្ទីរពេទ្យពហុព្យាបាលខេត្តសុកត្រាំង បានធ្វើការវះកាត់បាក់ឆ្អឹងថ្គាម សម្រេចជោគជ័យ ៣៨ ករណី បង្កបានការពេញចិត្តនិងទំនុកចិត្តដល់អ្នកជំងឺ។ អ្នកជំងឺ N. H. A ដែលបាក់ឆ្អឹងថ្គាម និយាយ៖ ខ្ញុំត្រូវគ្រោះថ្នាក់ចរាចរណ៍ ហើយបាននាំមកព្យាបាលនៅមន្ទីរពេទ្យខេត្ត។ បន្ទាប់ពីធ្វើការថត CT Scaner ធ្វើរោគវិនិច្ឆ័យ គ្រូពេទ្យប្រាប់ថាខ្ញុំត្រូវបាក់ឆ្អឹងថ្គាម មន្ទីរពេទ្យធ្វើការវះកាត់ទាន់ពេល តាមបច្ចេកទេសទំនើប ដូច្នេះ ជួយឱ្យថ្គាមរបស់ខ្ញុំត្រឡប់មកធម្មតាវិញ ខ្ញុំកាន់តែមានទំនុកចិត្ត លើបច្ចេកទេសព្យាបាលរបស់មន្ទីរពេទ្យ ”។

ក្រោយពីធ្វើការវះកាត់ អ្នកជំងឺ N.H.A បានជាសះស្បើយធម្មតាឡើងវិញ។

តាមប្រសាសន៍វេជ្ជបណ្ឌិតឯកទេស II ង្វៀងហ្វាងធ្វឹត ប្រធានផ្នែកមាត់ធ្មេញ មន្ទីរពេទ្យពហុព្យាបាលខេត្តសុកត្រាំង រយៈពេលកន្លងមក អាស្រ័យមន្ទីរពេទ្យមិនទាន់ផ្សព្វផ្សាយ អនុវត្តបច្ចេកទេសទំនើប ម្ល៉ោះហើយអ្នកជំងឺត្រូវបានបញ្ជូនទៅមន្ទីរពេទ្យថ្នាក់លើធ្វើការព្យាបាល បង់ខាតប្រាក់និងពេលវេលាច្រើន។ ចាប់ពីទទួលបានបច្ចេកទេសនិងវិធីសាស្រ្តទំនើបៗ ក្នុងការវះកាត់ ព្យាបាលធ្មេញ បាននាំមកនូវលទ្ធផលល្អ ទាំងភាពស្រស់ស្អាត ក៏ដូចជាមុខងារសម្រាប់អ្នកជំងឺ; ការចាប់វីសគាបត្រូវបានដោះវិញក្រោយពី ៦ ខែរួមផ្សំនឹងការវះកាត់ ។ ឆ្លងតាមរយៈនោះ ជួយកាត់បន្ថយចំនួនអ្នកជំងឺត្រូវបញ្ជូនទៅមន្ទីរពេទ្យថ្នាក់លើ កាត់បន្ថយពេលវេលា និងប្រាក់ចំណាយសម្រាប់អ្នកជំងឺ។ រួមចំណែកលើកកម្ពស់គុណភាពថែទាំសុខភាពជូនប្រជាជនក្នុងខេត្ត កាន់តែល្អប្រសើរឡើងពីមួយថ្ងៃទៅមួយថ្ងៃ”៕

យុីអាញ-ត្រឹងរ៉ូន

ចែករំលែកអត្ថបទ

ពាក្យគន្លឹះ