មហាសាមគ្គីជនជាតិ គំរូក្នុងសហគមន៍

10/10/2022 - 10:51

អ្នកមានប្រជាប្រិយនៅទីប្រជុំជនចូវថាញ់

លោកថាច់សល់ នៅអនុសង្កាត់ ៥ ទីប្រជុំជនចូវថាញ់ ស្រុកចូវថាញ់ ខេត្តត្រាវិញ ជាសមាជិកគណៈកម្មការវត្តត្រោកលិច និងជាអ្នកមានប្រជាប្រិយក្នុងជនរួមជាតិខ្មែរនៅភូមិភាគផងដែរ។

លោក ថាច់សល់ (ខាងស្តាំ) កំពុងដោះដូរយោបល់ជាមួយថ្នាក់ដឹកនាំទីប្រជុំជនចូវថាញ់។

លោកថាច់សល់ តែងហាត់ពត់លត់ដំ ប្រកាន់ខ្ជាប់ក្រមសីលធម៌ លក្ខណសម្បត្តិនយោបាយ មានផ្នត់រស់នៅត្រឹមត្រូវ សាមញ្ញ ស្អាតស្អំក្នុងនាមជាអ្នកមានប្រជាប្រិយ។ គាត់ចលនាសមាជិកក្នុងគ្រួសារ និងមាមីងក្នុងភូមិស្រុកគោរពបានល្អនូវគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ កសាងផែនការផលិតកម្ម អភិវឌ្ឍសេដ្ឋកិច្ច សមស្របជាមួយនឹងលក្ខណៈរបស់គ្រួសារ ដើម្បីលើកកម្ពស់ជីវភាព។ ក្រៅពីនោះ គាត់បានសហការជាមួយនឹងព្រះចៅអធិការវត្តត្រោកលិច ចលនាប្រជាជនអនុវត្តការចលនាអភិវឌ្ឍសេដ្ឋកិច្ច លុបបំបាត់ភាពអត់ឃ្លានកាត់បន្ថយភាពក្រីក្រ កសាងជីវភាពវប្បធម៌នៅតំបន់តាំងទីលំនៅ និងកសាងជនបទថ្មី។

ដងផ្លូវស្រុកលេខ ១៦ ដែលគ្រួសារលោកថាច់សល់ ចូលរួមបរិច្ចាគដី។

លោកថាច់សល់ ឱ្យដឹង៖ “ដោយបានមាមីងជឿទុកចិត្តបោះឆ្នោតតែងតាំងឱ្យធ្វើជាអ្នកមានប្រជាប្រិយក្នុងជនរួមជាតិខ្មែរ ខ្ញុំយល់ឃើញថា ខ្លួនយើងត្រូវតែធ្វើកិច្ចការឱ្យកាន់តែល្អប្រសើរជាងទៀត ដើម្បីមិនឱ្យខកបំណងរបស់មាមីង។ ទោះជាកិច្ចការអ្វីក៏ដោយ ឱ្យតែនាំមកនូវផលប្រយោជន៍ដល់ភូមិស្រុក ជួយប្រជាជនចាកផុតពីភាពក្រីក្រ ឈានឡើងធ្វើមានធ្វើបានខ្ញុំតែងធ្វើជានិច្ច។ ខ្ញុំបានចូលរួមសម្រុះសម្រួលករណីវិវាទដីធ្លី អាពាហ៍ពិពាហ៍ និងគ្រួសារបានសម្រេចជោគជ័យជាច្រើន ករណីពីព្រោះខ្ញុំតែងវែកញែកឱ្យមាមីងបានយល់ច្បាស់អំពីចំណងមិត្តភាពរវាងញាតិមិត្តភូមិផងរបងជាមួយ”។

លោកដាវម៉ាញ់ត្រឿង អនុប្រធានគណៈកម្មាធិការប្រជាជនទីប្រជុំជនចូវថាញ់ វាយតម្លៃ៖ “លោកថាច់សល់ ជាអ្នកមានប្រជាប្រិយក្នុងជនរួមជាតិខ្មែរនៅអនុសង្កាត់ ៥។ គាត់បានមាមីងជឿទុកចិត្ត រួចបោះឆ្នោតតែងតាំងជាអ្នកមានប្រជាប្រិយរបស់ភូមិភាគក្នុងអំឡុង ៧ ឆ្នាំបន្តបន្ទាប់។ ចាប់ពីការចលនាកសាងស្ពាន កសាងផ្លូវរហូតដល់ការសម្រុះសម្រួលទំនាស់វិវាទ រក្សាចំណងមិត្តភាពភូមិផងរបងជាមួយ គាត់តែងចូលរួមយ៉ាងសកម្ម ចលនាមាមីងបរិច្ចាគដី កម្លាំងពលកម្មក្នុងការកសាងផ្លូវបេតុង។ ដើម្បីជាគំរូគ្រួសារគាត់បានបរិច្ចាគដីជាង ២០០ម២ ដើម្បីធ្វើផ្លូវស្រុកលេខ ១៦ (ឥឡូវជាផ្លូវ ៣០/៤)។ ដោយសារគំរូឈានមុខរបស់លោកថាច់សល់ ទើបមានគ្រួសារធូរធារក្នុងអនុសង្កាត់មួយថ្ងៃកាន់តែសកម្មចូលរួមវិភាគទានធ្វើការងារសង្គម ។ លោកថាច់សល់ មានប្រជាប្រិយយ៉ាងខ្លាំងចំពោះសហគមន៍ ហើយតែងបានមាមីងខ្មែរមកពឹងពាក់ដើម្បីសាកសួរ ពិគ្រោះយោបល់”៕

សើុងម៉ាល័យ-វិមាន

ចែករំលែកអត្ថបទ

ពាក្យគន្លឹះ